San Lucas 12:2 - Bible in Tzeltal de Oxchuc y Tenejapa

² Melel ma'yuc bila nac'al te ma xyich' chicnantesele, soc ma'yuc bila muquen te ma x'ac'ot ta na'el stojole.

Nuevo Testamento Tzeltal de Amatenango

² Porke maꞌyuk te tut nakꞌal te ma xchiknaje sok maꞌyuk tut a te mukul te ma xꞌakꞌot ta aꞌiyele.

Bible in Tzeltal Bachajón

² como mayuc bin muquen te ma ba ya xchicnaj, soc mayuc bin nac'al te ma ba ya xna'ot.

San Lucas 12:2 Iomraidhean Croise

Eclesiastés 12:14

Dios me ya yich'botic ta wenta spisil te cat'eltique, manchuc me lec o ma lecuc, manchuc me muquen la jpastic.

Jeremías 16:17

Melel yacon ta yilel spisil te yat'elic, ma'yuc bila mucul ya xjil ta jtojol, ma xju' ya smuc smulic ta jsit.

Oseas 8:13

Ja'ic ya smulanic te milbil majt'aniletique, ya smilic soc ya sti'beyic sti'balul; ja'uc me to, jo'on Ajwalilon, ma lecuc co'tan yu'unic. Ya me jna'bey te smulic te la spasique, soc ya me cac'bey castigo yu'un, ya cac' sujt'el ta Egipto.

San Marcos 4:22

Melel ma'yuc bila ay ta naq'uel te bila ma xyich' chicnantesele. Te bila muquen aye, ya me xchicnaj ta saquil q'uinal.

San Lucas 8:17

Ja' nix jich ma'yuc bila ya xju' ta naq'uel te ma xyich' chicnantesele. Soc ma'yuc muquen-c'op te ma xyich' aiyel stojole, soc te ma xchicnaj ta saquil q'uinale.

Romanos 2:16

Jich yu'un ya me sta sc'aalelal yu'un Dios te ya x'ich'bot sc'opic ta swenta te Jesucristo yu'un spisil te bila muquen la spasic te ants-winique, jich nix te bit'il ya yal te lec yach'il c'op te yacon ta spuquele.

1 Corintios 4:5

Jich yu'un, ma me xjelawex ta c'op te ja'exe, yu'un ma to sta sc'aalelal ta alel te bi yilel yat'el juju-jtule. Maliyaic te bi ora ya xtal te Cajwaltique. Ja' me ya yac' ta ilel ta jamalal ta saquil q'uinal stuquel te bila muquen aye, soc ya me yac' ta na'el te bila jnopoj ta co'tantique. Jich yu'un juju-jtulotic, ya me yalbotic lec jc'oplaltic te Diose.

2 Corintios 5:10

Melel jpisiltic ya me xc'o jtejc'an jbatic ta bay chajbajibal yu'un te Cristoe, swenta yu'un juju-jtul ya me yich' te bila ya xc'ot ta swentae, chican te bila spasoj te c'alal snainej to a te sbaq'uetale, chican teme leque o teme ma lecuque.