Levítico 9:3 - Bible in Tzeltal de Oxchuc y Tenejapa

³ Te israeletic albeya, ac'a stsaquic tel jcojt' tat tentsun swenta milbil majt'anil yu'un mulil, jcojt' toro soc jcojt' chij, pero ja' me te c'axem ta jun ja'wile, ja'ic me te ma'yuc bila boloben ta sbaq'uetal, swenta yu'un ya me yich' aq'uel ta swenta majt'anil te scojt'ol ya yich' chiq'uel,

Bible in Tzeltal Bachajón

³ Soc hich yac awalbe te snich'nab Israel: Ic'ahic tal jcoht tat tentsun scuenta mahtanil yu'un mulil, jcoht jcolel toro soc jcoht jcolel tuminchij te jujun ya'bilal, te mayuc bin jihnem yu'unic, scuenta scohtol chic'bil mahtanil,

Levítico 9:3 Iomraidhean Croise

Génesis 37:31

Jich yu'un la stsacbeyic te snajt'il c'u'e, la sts'ajbeyic ta xch'ich'el alal tentsun te la smilique.

Esdras 10:19

Ja'ic me in to te jc'axel la yalic te ya yijq'uitayic te antsetic yu'unique. Soc la yaq'uic jcojt' chij swenta smajt'an Dios yu'un te smulique.

Esdras 6:17

Ta yorail in to, la yac'beyic milbil smajt'an Dios jo'winic (100) ch'in toroetic, lajunwinic (200) chijetic, jbajc' (400) ch'in alal chijetic soc lajchayeb tentsunetic, juju-jcojt' yu'un te juju-jchajp sts'umbal israeletique, swenta smajt'an Dios te la yaq'uic yu'un te smul spisil Israele.

Éxodo 12:5

Te chambalam jujun me ja'wil ya'wilal, stat me, ma'yuc bila boloben ta sbaq'uetal, chican teme chij o tentsun.

Isaías 53:10

Te Cajwaltic la sc'an yo'tan te ya sten ta uts'inel soc ta woclajel. Te bit'il la yac' sba ta milbil majt'anil ta swenta te mulile, ya me xnajt'ub xcuxlejal bayal c'aal, soc ya me xc'o yil te sts'umbale. Ja' me ta swenta te lec ya xc'ot te bitic chajbanbil yu'un te Cajwaltique.

Levítico 10:16

Te Moisés la sjojc'obey: —¿Banti ay te tentsun ya yich' milel swenta mulile? —xi'. La yaiy te la yich'ix chiq'uele. Jich ilin ta stojolic te Eleazar soc te Itamar, te cheb xan snich'nab Aarón jileme, jich la yalbey:

Levítico 12:6

“Te c'alal ya sts'acaj te jayeb c'aal te ya slecubtes sbae, manchuc me ch'in querem o ch'in ach'ix te ya x'ayine, pero te me'ile ya me sc'an te ya yic' bael ta yochibal Nailpac' te banti ya quich' c'oponel, jcojt' chij te jun ya'wilale, swenta yu'un ya yich' chiq'uel ta scojt'ol swenta jmajt'an, soc jcojt' stsumut, o jcojt' puliwoc, swenta milbil majt'anil yu'un mulil. Ya me yac'bey te sacerdotee.

Levítico 14:10

Ta swaxaquebal c'aal ya stsac cheb chijetic te ma'yuc bila boloben ta sbaq'uetal, soc jcojt' me' chij te jun to nax ya'wilal te ma'yuc bila boloben ta sbaq'uetal; soc xan, ya me yich' tel olil sjuqueb kilo te mero lequil harina wots'bil soc aceite swenta majt'anil trigo, soc jteb ma sta olil litro aceite.

Levítico 16:15

C'alal la spasix, ya me smil te tentsun swenta milbil majt'anil yu'un smul te yajwal lume, ya me yich'bey bael xch'ich'el ta banti spat te pac' t'imile; tey ta yutile ya me stsijts'anbey ta sba soc ta yelaw te yawil perdone, mero jich nix te bit'il la spasbey te xch'ich'el toro.

Levítico 16:5

“Ta swenta israeletic ya me yich'bey cheb tat tentsunetic te Aarón swenta majt'anil yu'un smulic, soc jcojt' tat chij swenta majt'anil te scojt'ol ya yich' chiq'uele.

Levítico 23:12

Ja' nix te bi c'aalil ya yac'bon ta jtojol jtom te bila sbabial loc' awu'unique, ya me yac'bon ta jtojol jcojt' chij te ay jun ya'wilale, ja' me te ma'yuc bila boloben ta sbaq'uetal, swenta majt'anil te scojt'ol ya yich' chiq'uel, yu'un quich'el ta muc' jo'on te Ajwalilone.

Levítico 4:23

Te bi ora ya sna' te staoj smule, ya me sc'an te ya yic' bael jcojt'uc tat tentsun te ma'yuc bila boloben ta sbaq'uetale, ya me yac'bon jmajt'anin.

Levítico 4:3

“Teme ja' te muc'ul sacerdote cu'un te ya sta smule, te jich ya yac'bey sta smul uuc a te yajwal lume, ya me sc'an te ya yac'bon jmajt'anin jo'on te Ajwalilon jcojt' toro te ma'yuc bila boloben ta sbaq'uetal, swenta milbil majt'anil yu'un te mulil c'oem ta pasele.

Levítico 9:2

Jich la yalbey te Aarón: —Ic'a tel jcojt' toro yu'un ya yich' aq'uel ta milbil majt'anil yu'un te amulique, soc jcojt' tat chij te ma'yuc bila boloben ta sbaq'uetal, yu'un ya yich' aq'uel swenta majt'anil te scojt'ol ya yich' chiq'uele. Ya me awac'bey ta stojol te Cajwaltique.

Levítico 9:4

soc xan jcojt' wacax soc jcojt' tat chij swenta yu'un ya yich' milel smajt'anin te Cajwaltic swenta te lamal-o'tanile. Ac'a me yich'ic tel soc majt'anil harina, wots'bil me soc aceite, melel ya me xtal ta atojolic yo'tic te Cajwaltique —xi' te Moisese.

Romanos 8:3

Melel ma ju' yu'un te la scoltayotic te mandalile, ta scaj te ma'yuc yip te jbaq'uetaltique. Jich yu'un Dios la sticun tel te Snich'ane, jich bit'il milbil majt'anil yu'un mulil. Pajal sbaq'uetal c'ot soc te jmulawil ch'ich'-baq'uete. Jich ta swenta sbaq'uetal ju' yu'un te la yac' ta lajel te mulil te ay ta jbaq'uetaltique.

2 Corintios 5:21

Melel te Cristoe ma'yuc smul stuquel. Ja'uc me to, te Diose, ja' la yac'bey ta swenta xcuchel te jmultique, swenta yu'un jich me libre ya xc'ootic yu'un jmultic ta swenta bit'il jun c'oemotiquix soc te Cristoe.

Tito 2:14

Ja' la yac' sba ta lajel ta jwentatic stuquel. Jich la scoltayotic loq'uel ta bay te bila amen jpasojtique, soc jich la yutstesbotic co'tantic swenta yu'un lumotic yu'un ya xc'ot te toyol co'tantic ta spasel spisil te bila lec ta pasele.

1 Pedro 2:24

Ja' la xcuchbotic jmultic ta cruz-te' ta sbaq'uetal stuquel te Cristoe. Yu'un jich ya xlaj sc'oplal ta co'tantic a te mulile, soc jich me ya cat'elintic spasel te bila leque. Melel ja' colemex yu'un te bit'il laj ta ejch'entesele.

1 Pedro 3:18

Melel jich nix uuc te Cristoe, jc'axel nax c'ax swocol ta lajel yu'un te jmultique. Jich ya xju' te ya yic'otic ta stojol te Diose. Te jo'otic te ma tojuc co'tantic, ja' jeloltic ta woclajel stuquel te Mach'a toj yo'tane. Ac'ot ta lajel soc te sbaq'uetale, ja'uc me to, cha'cuxesot tel soc te xch'ulele.

Apocalipsis 5:9

La sc'ajintayic jcum yach'il c'ayoj: “Ay ta awenta atuquel te ya xju' awu'un stsaquel te balbil june soc sjamel te selloetique. Yu'un la awich' milel, soc ta swenta ach'ich'el la amanbeyix yu'unin Dios tsobol ta jchajp sts'umbal ants-winiquetic te yanyantic sc'opique soc te yanyantic slumalique soc te yanyantic nacionetic ta balumilale.