Levítico 8:2 - Bible in Tzeltal de Oxchuc y Tenejapa

² —Ic'a tel te Aarón soc te snich'nab, soc ich'a tel te c'u'iletic yu'un sacerdote, soc te aceite yu'un ch'ultesel, te toro ya yich' milel yu'un spasel perdón yu'un mulil, te cheb tat chijetic, soc te ch'in smochil waj ma'yuc slevadurail.

Bible in Tzeltal Bachajón

² Ic'a tal te Aarón soc snich'nab, soc ich'a tal te c'u'uletic, te aceite yu'un ch'ultesel, te jcolel toro scuenta mahtanil yu'un stojel mulil, te cha'coht stat tuminchijetic, soc te stut mochil pan ma ba yich'oj levadura;

Levítico 8:2 Iomraidhean Croise

Éxodo 28:1

“Ayuc me ta ats'eel spisil ora te Aarón soc te snich'nab, ja' te Nadab, Abiú, Eleazar soc Itamar, yu'un sacerdoteetic ya xc'ot cu'un ta yolil te israeletique.

Éxodo 28:40

Te snich'nab Aarón, pasbeya snajt'il c'u'ic, xchujq'uil xch'ujt'ic, soc sbejch'il pac' te ya yac' ta sjolic te bayal yutsilic soc te t'ujbil ta ilele.

Éxodo 39:41

soc te jalbil pac' swenta at'el ta sacerdoteil ta ch'ul awilal yu'un Dios, ja' nix te t'ujbil c'u'il yu'un sacerdote Aarón soc te sc'u'ic ta sacerdoteil te snich'nabe.

Levítico 6:10

Te sacerdote ya me slap sc'u' soc scomol wex, pasbilic ta lino. Ya me stsobbey te stanul te chambalam la yich' chiq'uel ta sba te scajtijib, ya me yac' jilel ta xujc' te scajtijib majt'anile.

Levítico 8:1

Te Cajwaltic la sc'opon te Moisés, jich la yalbey:

Levítico 8:10

Patil te Moisés la stsac te aceite swenta ch'ultesel, la smal ta Nailpac' Templo, soc ta sba spisil te bitic ayic ta yutile, jich la yich' ch'ultesel yu'un Dios.

Levítico 8:18

Te Moisés la yac' ta iq'uel tel te tat chij ya yich' milel swenta majt'anil te scojt'ol ya yich' chiq'uele. Te Aarón soc te snich'nabe, la scajan sc'abic ta sjol te chije.

Levítico 8:22

Te Moisés la yac' ta iq'uel tel te yan chij ta swenta xch'ultesel yat'el te sacerdoteetique. Te Aarón soc te snich'nab la scajan sc'abic ta sjol te chije.

Levítico 8:3

Soc tsoba ta spisil te israeletic, ic'a tel ta stojol te yochibal Nailpac' te banti ya quich' c'oponele —xi'.

Hebreos 7:27

Ma pajaluc soc te yantic muc' sacerdoteetic te puersa ya smilbeyic smajt'anin chambalametic jujun c'aal te Diose, te ja' neel ya smilic swenta xch'ayjibal smulic soc te patil ya smilic yan swenta xch'ayjibal smulic uuc te slumale. Melel te Jesuse tic' a te la yac' sba ta milbil smajt'an Dios jun buelta, te bit'il la yac' sba ta lajel stuquele.