Levítico 7:2 - Bible in Tzeltal de Oxchuc y Tenejapa

² Te chambalam ya yich' aq'uel yu'une, ya me yich' bojel snuc' ta yawil te banti ya yich' milel te majt'anil chambalametic te scojt'ol ya yich' chiq'uele. Te xch'ich'ele ya me yich' malel ta sjoyobal ta spat te scajtijib ta chiq'uel majt'anile.

Bible in Tzeltal Bachajón

² Ta lugar banti ya yich' milel te scohtol chic'bil mahtanil, tey nix ya yich' milel a te chambahlam yu'un te mahtanil yu'un stahel falta, soc ya yich' tsihtsinel te sch'ich'el ta sjoyobal ta sba te scajtajib ta chiq'uel mahtanil.

Levítico 7:2 Iomraidhean Croise

Isaías 52:15

Ja' nix jich bayal nacionetic jchajp nax me q'uinal ya yaiyic; te muc' ajwaliletic, te c'alal ya yilique, ma me xwejt' bi ya yalic yu'un. Melel ya yilic, soc ya xc'ot ta yo'tanic te bi jc'axel ma'yuc bay yaiyojic stojole.

Ezequiel 36:25

Ya me jpoquex ta mero lequil ja', ya me jpocbeyex spisil te bila bolobenex yu'une; ya me jlecubtesex te bit'il bolobenex yu'un te yich'el ta muc' te lotil diosetic awu'unique.

Ezequiel 40:39

Tey ta muc'ul cuarto yu'un ochibal ay chaneb mesaetic tey a, cheb ayic ta juju-jejch'. Ta sba te mesaetic ya smilic te chambalametic te ya yich'ic chiq'uel scojt'ole, soc te ya yich' milel ta swenta mulil, soc ta swenta falta te staojique.

Levítico 1:11

Ya me sbojbey snuc' ta stojol norte yu'un te scajtijib ta chiq'uel majt'anil ta jtojol jo'on te Ajwalilone. Te snich'nab Aarón, ja' te sacerdoteetic cu'un, ya me stsijts'anbeyic ta xch'ich'el chambalam ta sjoyobal ta spat soc te scajtijib ta chiq'uel jmajt'ane.

Levítico 1:3

“Teme wacax te chambalam ya yac'bon ta jmajt'an te scojt'ol ya yich' chiq'uele, ya me sc'an te ja' te toro te ma'yuc bila boloben ta sbaq'uetal. Swenta yu'un ya stsacbot a te majt'anil, ya me sc'an ya yac'bon ta jtojol jo'on te Ajwalilon ta stojol te yochibal Nailpac' te banti ya quich' c'oponele.

Levítico 1:5

Ya me sbojbey snuc' ta jtojol te toroe. Te snich'nab Aarón, ja' te sacerdoteetic cu'un, ya me yac'bon jmajt'anin te xch'ich'ele. Patil ya me stsijts'anbeyic ta ch'ich' ta sjoyobal ta spat te scajtijib ta chiq'uel jmajt'an te ay ta stojol te yochibal Nailpac' te banti ya quich' c'oponele.

Levítico 14:13

Ya me smil te chij ta ch'ul awilal te banti ya yich' bojel snuq'uic te chambalametic, te ya yich'ic aq'uel swenta milbil majt'aniletic yu'un mulil, soc te ya yich' aq'uel swenta majt'anil te scojt'ol ya yich' chiq'uele. Te milbil majt'anil yu'un te falta staoje, ja' me yu'un te sacerdote pajal soc te milbil majt'anil yu'un mulile, melel mero ch'ultesbil.

Levítico 3:2

Te mach'a ya yac'bon jmajt'an, ya me scajan sc'ab ta sjol te chambalam ya yac'bon jmajt'anin, ya me sbojbey snuc' ta stojol te yochibal Nailpac' te banti ya quich' c'oponele. Jich te sacerdoteetic ya me stsijts'anbeyic xch'ich'el ta sjoyobal ta spat te scajtijib ta chiq'uel jmajt'ane.

Levítico 3:8

ya me scajan sc'ab ta sjol, ya me sbojbey snuc' ta stojol te Nailpac' te banti ya quich' c'oponele. Jich te sacerdoteetic ya me stsijts'anbeyic te xch'ich'el chambalam ta sjoyobal ta spat te scajtijib ta chiq'uel majt'anile.

Levítico 4:24

Ya me scajan sc'ab ta sjol te tat tentsun, ya me sbojbey snuc' ta jtojol ta yawil te banti ya yich' milel te chambalametic yu'un ya xba yich'ic chiq'uel, melel ja' milbil majt'anil ta swenta te mulile.

Levítico 4:29

Ya me scajan sc'ab ta sjol te chambalam ya yac' yu'un te smule, ya me sbojbey snuc' ta yawil yu'un te scajtijib majt'anil te scojt'ol ya yich' chiq'uele.

Levítico 4:33

Ya me scajanbey sc'ab ta sjol te chij, ya me sbojbey snuc' swenta bit'il ya yich' milel swenta majt'anil yu'un te mulile, tey me ta yawil ta banti ya yich' milel te chambalametic yu'un ya yich' chiq'uele.

Levítico 5:16

Ja' te mach'a la sta smul ta swenta te bit'il la scom sba ta yaq'uel te bila ch'ultesbil cu'une, ya me stoj, soc ya me yac' xan jun ta jo'jo'eb te stojole. Te jayeb ya xloq'ue, ya me yac'bey ta sc'ab te sacerdote. Te sacerdote ya me stabey perdón yu'un te falta staoj te mach'a ya yac' te chij ya yich' milel yu'un te smule, jich me pasbil perdón ya xjil yu'un a te falta staoje.

Levítico 5:7

“Teme ma xju' yu'un te ya sman jcojt' te chije, ya me xju' ya yic'bon tel ta jtojol jo'on te Ajwalilon cheb puliwoquetic o cheb alal stsumutetic yu'un te smul staoje; te jcojt'e swenta milbil jmajt'an yu'un te smule, te yane swenta chic'bil jmajt'an.

Levítico 5:9

Ora me ya stsijts'an jtebuc te xch'ich'el milbil majt'anil ta xujc' te scajtijib ta chiq'uel jmajt'ane. Te sobra ya xjil te ch'ich'e, ya me spits'bey ta yacan te scajtijib ta chiq'uel jmajt'ane, melel ja' te milbil majt'anil yu'un te mulile.

Levítico 6:25

—Ac'beya sna'ic te Aarón soc snich'nab te bit'il ya sc'an ya spasic te milbil majt'anil yu'un te mach'a ya sta smule, jich me xawalbey: “Te chambalam ya yac' ta majt'anil te mach'a ya sta smule, ya me yich' bojel snuc' ta jtojol jo'on te Ajwalilon ta yawil te banti ya yich' milel te chambalametic yu'un ya yich'ic chiq'uele, melel ja' mero ch'ultesbil.

Levítico 6:7

Te sacerdote jich me ya stabey perdón yu'un Cajwaltic ta swenta te bila mulil te la spas te mach'a la sta falta, jich me pasbil perdón ya xjil yu'un te smule —xi' te Cajwaltique.

Números 6:12

Jich me ya xcha'jajch' ta yach'il ta ajtayel te jayeb c'aal yaloj te ya yac' sba ta jwenta cu'une. Te jayebix tel c'aale, ma'yuquix ta ich'el ta wenta, melel te stsotsil sjol te yac'oj ta jwenta, ma me ba lec sc'oplal. Jich yu'un ya me yic' bael ta jtojol jo'on te Ajwalilon jcojt' tat chij te jun ya'wilal swenta milbil majt'anil yu'un te smule.

Hebreos 11:28

Ta swenta xch'uunjel yo'tan te Moisés, la yac' ta milel te chijetic swenta Pascua, soc la yal mandal te ya stsijts'anbeyic xch'ich'el ta bay sti' sna'ic te israeletique, yu'un jich ma xlajic ta milel yu'un ch'ul abat te sba yal-snich'anique.

Hebreos 12:24

soc ta bay teq'uel ta c'op te Jesús ta xchajbanel te yach'il tratoe, soc ta ba ay te xch'ich'el te yich'oj tsijts'anel te c'axem to xan t'ujbil a te bit'il xch'ich'el te Abele.

1 Pedro 1:2

Tsabilex yu'un te Jtatic Diose, yu'un xjajch'ibal to jich xchapoj ta yo'tan, soc te ya xch'ultesbeyex awo'tanic ta swenta te Espiritue. Swenta yu'un jich me ya ach'uunic soc jich me ya awich'ic tsijts'anel ta xch'ich'el te Jesucristoe. C'axem to xan ac'a yac'beyex yutsil yo'tan soc lamaluc me q'uinal ya awaiyic yu'un.