Levítico 5:1 - Bible in Tzeltal de Oxchuc y Tenejapa

¹ “Teme ay mach'a ya yich' iq'uel yu'un ya yal ta jamal swenta testigo te ay bila la yile, o te ay bila la yaiye, pero teme ma sc'an ya yale, ja' me smul ya xc'ot te ma la yale.

Bible in Tzeltal Bachajón

¹ Teme ay mach'a ya sta smul ta scuenta te la yich' iq'uel ta testigohil yu'un ay bin la yil o la sna', pero teme ma ba la yal, ha smul ya xc'oht.

Levítico 5:1 Iomraidhean Croise

1 Reyes 22:16

Pero te muc' ajwalil jich la yal: —¿Jayeb to buelta ya calbat te ja' nax ya awalbon ta jamal te bila melel ta stojol te Cajwaltique? —la yut.

1 Reyes 8:31

“Teme ay mach'a amen bila ya spasbey ta stojol te spat-xujq'ue, teme ya x'albot yal ta smelelil ta stojol te scajtijib ta chiq'uel amajt'an li' ta templo,

2 Crónicas 18:15

Ja'uc me to, te muc' ajwalil la yalbey: —¿Jayeb to buelta ya calbat te ya awalbon ta jamal te bila melel ta swenta te Cajwaltique? —xi'.

Salmos 38:4

Te muliletic jpasoj c'ax bayalix yalal ta cuchel. Ma xju'ix cu'un.

Éxodo 22:11

jich yu'un te spat-xujc' ya me yalbey ta jamal ta stojol Dios te ma ja'uc la yac' sc'ab stuquele. Jich me ya xc'ot ta yo'tan te yajwal chambalame, soc jich ma ba ya x'ac'bot stoj.

Proverbios 29:24

Te mach'a la sjoin sba soc yantic te la xchapic elec', ja' ya scontroin te xcuxlejale; manchuc me yac ta yaiyel te ya x'ic'ot ta testigo, ma xyal stuquel.

Proverbios 30:9

Melel teme ya spas sobrail, repente ya xch'ayat ta co'tan yu'un, ya niwan cal te ma jna'bat abae. Yan teme ayon ta wi'nal, ya niwan caiy elec' yu'un; soc jich ya jbolc'optaybat te ach'ul-biile.

Isaías 53:11

Te c'alal c'axix yu'un a te bayal swocole, ya me yil te saquil q'uinale, soc bin nax me yo'tan yu'un. Te tojil abat yu'un Cajwaltic, bayal mach'atic ya yac' ta libre, melel ja' ya scuchbey smulic stuquel.

Jeremías 23:10

Te lume nojel ta yo'tanic mulwej; ja' te ants-winiquetic buen animal ya xbajt'ic ta spasel te bila amene, mero ya stuuntesic yip sbaq'uetalic ta spasel te bila ma stojiluque. Ja' swentail te la yut jilel Cajwaltic te q'uinale, jich a taquej te lumq'uinale, c'ajq'uem yilel a jil te aquiltic ta jochol taquin q'uinal.

Ezequiel 18:20

Ja' nax te mach'a ya sle smule, ya me xlaj stuquel. Ma xju' teme ya stojbey smul stat te nich'anile, ni ja'uc te tatil ya xju' ya stojbey smul te nich'anile. Te mach'a stojil ya spase, ya me yich' smajt'an yu'un te stojil la spase; yan te mach'a amen te yat'ele, ja' me ya yich' castigo yu'un te smule.

Ezequiel 18:4

Jo'on cu'un spisilic te ants-winiquetique, jich te me'il-tatiletic soc nix te alnich'anetique. Te mach'a ya sle smule, ya me xlaj.

Levítico 17:16

Pero teme ma ba ya sac' te sc'u'-spaq'ue, soc teme ma ba ya spoc sba ta ja', xcuchoj me ya xjil te smule.” Jich me ya xc'o awal ta stojolic —xi' te Cajwaltique.

Levítico 19:8

Te mach'a ya sti', ja' smul ya xc'ot, ya me yich' loq'uesel ta stojol te slumale, swenta bit'il la yixlan te bila ch'ultesbil cu'une.

Levítico 20:17

“Teme ay winic ya yic' yinamin xwix o yijts'in-ach'ix, manchuc me yijts'in ta swenta stat o ta swenta sme', teme la sta sba soque, ya me yich'ic loq'uesel ta stojol te slumalique. Melel te bit'il ya sta sba soc te jun sme' o jun stat soque, mero q'uexlaltic sba ta pasel. Ja' yu'un te mach'a ya spase, ya xcuch te smul yoloj la slee.

Levítico 4:2

—Albeya te israeletic: “Teme ay mach'a ya sta smul te ma spasemaluc yo'tan ya xc'axintay te mandaliletic cu'un jo'on te Ajwalilone, teme ay bila ya spas te ma jichuc pasel ya sc'ane, ja' me ya yich' pasel in to:

Levítico 5:15

—Te mach'a ma spasemaluc yo'tan ya sle smul, teme la sta falta ta swenta bit'il la scom sba ta yaq'uel te bila ch'ultesbil cu'un jo'on te Ajwalilone, ya me xju' ya yic'bon tel jcojt' xchij te ma'yuc bila boloben ta sbaq'uetal, swenta milbil jmajt'an yu'un te falta staoje, ya me yic'bon tel ta jtojol jo'on te Ajwalilone. Te stojol te chije ya me yich' tojel ta plata, chican te bit'il ay te sp'isjibal yalal te yac ta tuunel ta ch'ul awilal ta swenta te majt'anile.

Levítico 5:17

“Teme ay mach'a ya sta smul swenta bit'il la xc'axintaybon te mandaliletic cu'une, manchuc teme ma sna', pero ya me sta falta yu'un soc xcuchoj me smul ya xjil yu'un.

Levítico 7:18

Teme ay mach'a ya sti'bey sbaq'uetal ta yoxebal c'aal smilel a te majt'anil swenta lamal-o'tanil, te milbil majt'anil ma'yuc sc'oplal ya xc'ot, soc ma'yuc ta jwenta ya xc'ot. Te ti'bale ilaybil me ya xc'ot. Teme ay mach'a ya sti'e, ja' me smul ya xc'ot.

Números 9:13

Ja'uc me to, te mach'a ya yijq'uitay ta pasel te q'uin Pascua, teme lec sc'oplal soc teme ma ba c'ubul beenique, ya me yich'ic loq'uesel ta yolil te slumale. Scaj te ma la yac' ta stojol Cajwaltic te majt'anil te albil sc'oplale, jich me xcuchoj ya xjil te smule.

San Mateo 26:63

Ja'uc me to, te Jesuse jp'al ma c'opoj. Jich yu'un te muc' sacerdote la yalbey xan: —Ya me awal ta melel ta stojol te cuxul Dios teme ja'at Cristoat te Snich'anat te Diose —la yut.

1 Pedro 2:24

Ja' la xcuchbotic jmultic ta cruz-te' ta sbaq'uetal stuquel te Cristoe. Yu'un jich ya xlaj sc'oplal ta co'tantic a te mulile, soc jich me ya cat'elintic spasel te bila leque. Melel ja' colemex yu'un te bit'il laj ta ejch'entesele.

Jueces 17:2

La yal sba ta jamal ta stojol sme': —Te jmil soc jo'winic (1,100) ta jsejp plata te ay mach'atic la yelc'anbate, te la awalbey amen sc'oplal te j'eleq'ue, jo'on quich'oj, jo'on xc'otuc quelc'anbat. Yo'tic ya jsujt'esbat. La caiyix stojol te yacat ta yalel te awac'ojix yu'unin te Cajwaltique, te ya yich' pasel jun loc'omba a te buen pasbil soc pac'bil ta plata —xi'. La sujt'esbey te plata, ja' yu'un te sme' la yal: —Cal, ac'a yac'bat bendición te Cajwaltique —xi'.