Levítico 4:12 - Bible in Tzeltal de Oxchuc y Tenejapa

¹² ya me yich' tsobel ta spisil, ya me sloq'uesic bael ta spat te campamentoe. Ta jun awilal te lec sc'oplal te banti ya yich' ch'ayel te stanul c'ajq'ue, tey ta sba te stanul c'ajc' busule, ya me yac'beyic si'il soc ya stsumbeyic sc'aal.

Bible in Tzeltal Bachajón

¹² ha spisil te jcolel toro te hile, ya me sloq'ues bahel ta fuera yu'un te campamento ta jun lugar te ma ba bohloben sc'oblal, te banti ya yich' ch'ayel te stanul c'ahc', ya me schic' ta sba si' ta banti ay te stanul c'ahc'.

Levítico 4:12 Iomraidhean Croise

Éxodo 29:14

Yan te sbaq'uetal, te snujc'ulel soc te stsa' te toro, chic'a ta spat te acampamentoic, melel majt'anil yu'un mulil.

Ezequiel 43:21

Ya me atsac te toro la yich' aq'uel yu'un mulile, ya me achic' ta pat templo, tey ta lugar te la yich'ix tsael yu'un ja' ya xtuun ae.

Levítico 13:46

Te jayeb c'aal yich'oj te chamele, “ma lecuc”, xi' me sc'oplal; soc stuquel me ya xnain ta spat campamento.

Levítico 16:27

“Te toro soc te tentsun la yich'ic milel yu'un te smulique, te la yich'ic ich'el bael xch'ich'el ta yutil ch'ul awilal, swenta yu'un jich ya yich' tael a te perdón yu'un te muliletique, ya me yich' ich'el loq'uel ta spat yu'un campamento te snujc'ulel, sbaq'uetal soc te sbaal xch'ujt'e, ya me yich' chiq'uel tey a.

Levítico 4:21

Ya me sloq'uesic bael ta spat campamento te toro, ya me xchiq'uic tey a, jich nix te bit'il la yich' pasel te sbabial toro, melel ja' te milbil majt'anil swenta smul spisilic te lume.

Levítico 6:23

Ta spisil te majt'aniletic ya yac' te sacerdoteetic, ya me sc'an te mero jc'axel ya yich' lajinel ta chiq'uele, ma me ayuc mach'a ya xju' ya swe'elin —xi'.

Levítico 6:30

Pero ma me xju' ta we'el majt'anil chambalam yu'un mulil te yich'oj ich'el bael xch'ich'el ta yutil Nailpac' te banti ya quich' c'oponel, ta stabeyel perdón yu'un mach'a sleoj smule. Te milbil majt'anil ya me yich' chiq'uel ta c'ajc' stuquel.

Levítico 6:4

jich yu'un ya me xjil ta swenta te mulile. Ya me sujt'es te bi la yelc'an, o teme ay mach'a la suj ta yaq'uel ta puersa, o teme la slo'lay, o teme ja' te biluc ch'ayemix a la sta,

Levítico 8:17

Pero te jich xan yipal jil te toroe, ja' te snujc'ulel, te sbaq'uetal, soc te bitic ma xtuunixe, la stsumbey sc'aal ta spat te campamento yu'unique, jich nix te bit'il albot yu'un te Cajwaltique.

Levítico 9:11

Pero te sbaq'uetal soc te snujc'ulel la xchic' ta spat te campamentoe.

Números 15:35

Jich yu'un te Cajwaltic la yalbey te Moisés: —Te winic ac'a yil swocol ta lajel. Ta spisil te israeletic ac'a xch'ojic ta ton ta spat te scampamentoique —xi' te Cajwaltique.

Números 19:3

Te ja'ex ya me awac'beyic ta sc'ab te sacerdote Eleazar, yu'un ja' me ya sloq'ues bael ta spat campamento, ya me yal mandal ta milel ta stojol.

Números 19:5

Ta patil chic'aic te me' wacax ta stojol te sacerdote, chic'aic te snujc'ulel, sbaq'uetal, xch'ich'el soc stsa'.

Números 5:3

Ac'a sloq'uesic bael ta campamento teme winiquetic o teme antsetic. Jich me lec sc'oplal ya xjil a te campamento ta bay nainemon ta yolilique —xi' te Cajwaltique.

Hebreos 13:11

Melel ta bay te nailpac' temploe, te muc' sacerdote ya yich' ochel xch'ich'el chambalametic ta bay te Mero Ch'ul Awilal ta swenta xch'ayel te mulile. Yan te sbaq'uetal te chambalametique ya yich' chiq'uel c'alal ta spat sti'il te lume.