Levítico 3:8 - Bible in Tzeltal de Oxchuc y Tenejapa

⁸ ya me scajan sc'ab ta sjol, ya me sbojbey snuc' ta stojol te Nailpac' te banti ya quich' c'oponele. Jich te sacerdoteetic ya me stsijts'anbeyic te xch'ich'el chambalam ta sjoyobal ta spat te scajtijib ta chiq'uel majt'anile.

Bible in Tzeltal Bachajón

⁸ Ya scajan sc'ab ta sjol te mahtanil yu'un, ya smil ta stojol te Nahilpac' Templo yu'un tahojibal. Te snich'nab Aarón ya stsihtsimbeyic sch'ich'el ta sjoyobal ta sba te scajtajib ta chiq'uel mahtanil.

Levítico 3:8 Iomraidhean Croise

Levítico 1:5

Ya me sbojbey snuc' ta jtojol te toroe. Te snich'nab Aarón, ja' te sacerdoteetic cu'un, ya me yac'bon jmajt'anin te xch'ich'ele. Patil ya me stsijts'anbeyic ta ch'ich' ta sjoyobal ta spat te scajtijib ta chiq'uel jmajt'an te ay ta stojol te yochibal Nailpac' te banti ya quich' c'oponele.

1 Pedro 2:24

Ja' la xcuchbotic jmultic ta cruz-te' ta sbaq'uetal stuquel te Cristoe. Yu'un jich ya xlaj sc'oplal ta co'tantic a te mulile, soc jich me ya cat'elintic spasel te bila leque. Melel ja' colemex yu'un te bit'il laj ta ejch'entesele.

Efesios 3:12

Soc ja' ta swenta Cristo te ya xju' ya xnoptsajotic ta stojol te Diose. Jun co'tantic ya x'ochotic tey a ta swenta bit'il te xch'uunjel co'tantique.

Efesios 2:18

Melel ta swenta Cristo, jcha'chajbaltic ya xju' ya x'ochotic ta stojol te Jtatic Dios ta swenta jun nax Espíritu.

2 Corintios 5:21

Melel te Cristoe ma'yuc smul stuquel. Ja'uc me to, te Diose, ja' la yac'bey ta swenta xcuchel te jmultique, swenta yu'un jich me libre ya xc'ootic yu'un jmultic ta swenta bit'il jun c'oemotiquix soc te Cristoe.

2 Corintios 5:19

Ja' bi, ja' te Dios ya yac' te ya xjunaj yo'tan sbaic soc te mach'atic ayic ta balumilal ta swenta Cristo. Ma ba ya sna'bey smulic te ants-winiquetique. Soc ja' yac'ojbotiquix cat'eltic ta xcholel te bit'il ya xjunaj yo'tan sbaic soque.

San Mateo 3:17

Soc ay mach'a c'opoj tel ta ch'ulchan: —Ja' in to, ja' te Jnich'an te bayal c'ux ta co'tane, bin nax co'tan yu'un —xi'.

Isaías 53:6

Jpisiltic jowejemotic, jich bit'il ya spas chijetic, juju-jtul la jle jbetic jtuqueltic. Ja'uc me to, te Cajwaltic la yac' scuchbotic jmultic ta jpisiltic.

Levítico 4:24

Ya me scajan sc'ab ta sjol te tat tentsun, ya me sbojbey snuc' ta jtojol ta yawil te banti ya yich' milel te chambalametic yu'un ya xba yich'ic chiq'uel, melel ja' milbil majt'anil ta swenta te mulile.

Levítico 4:15

Te mamaletic ich'bilic ta muc' yu'un te lume, ya me xc'o scajan sc'abic ta sjol te toro ta jtojol jo'on te Ajwalilone, soc tey me ora ya sbojbeyiquix snuc' a te toroe.

Levítico 4:4

Te ya yic'bon tel ta jtojol, ya me xtal yac' ta stojol te yochibal Nailpac' te banti ya quich' c'oponele, tey me ya scajanbey sc'ab ta sjol a, ya me sbojbey snuc' ta jtojol.

Levítico 3:13

ya me scajan sc'ab ta sjol, ya me sbojbey snuc' ta stojol te Nailpac' te banti ya quich' c'oponele. Jich te sacerdoteetic ya me stsijts'anbeyic te xch'ich'el ta sjoyobal ta spat te scajtijib ta chiq'uel te majt'anile.

Levítico 1:11

Ya me sbojbey snuc' ta stojol norte yu'un te scajtijib ta chiq'uel majt'anil ta jtojol jo'on te Ajwalilone. Te snich'nab Aarón, ja' te sacerdoteetic cu'un, ya me stsijts'anbeyic ta xch'ich'el chambalam ta sjoyobal ta spat soc te scajtijib ta chiq'uel jmajt'ane.

Levítico 1:4

Ya me scajan sc'ab ta sjol te chambalam, jich me ya stsacbot te chambalam ya yac', swenta spasbeyel perdón yu'un te muliletic ay ta swenta.