Levítico 3:2 - Bible in Tzeltal de Oxchuc y Tenejapa

² Te mach'a ya yac'bon jmajt'an, ya me scajan sc'ab ta sjol te chambalam ya yac'bon jmajt'anin, ya me sbojbey snuc' ta stojol te yochibal Nailpac' te banti ya quich' c'oponele. Jich te sacerdoteetic ya me stsijts'anbeyic xch'ich'el ta sjoyobal ta spat te scajtijib ta chiq'uel jmajt'ane.

Bible in Tzeltal Bachajón

² Ya scajan sc'ab ta sjol te mahtanil yu'une, ya smil ta yochibal Nahilpac' Templo yu'un tahojibal. Te snich'nab Aarón, te sacerdotehetic, ya stsihtsimbeyic sch'ich'el ta sjoyobal ta sba te scajtajib ta chiq'uel mahtanil.

Levítico 3:2 Iomraidhean Croise

Éxodo 29:10

“Ic'a bael te toro c'alal ta Nailpac' te bay ya quich' c'oponele, swenta yu'un te Aarón soc te snich'nab ya me yac' sc'abic ta sjol te chambalame.

Éxodo 29:11

Mila ta jtojol jo'on te Ajwalilon, ta bay yochibal te Nailpac' Temploe.

Éxodo 29:15

“Tsaca jcojt'uc te tat chije, swenta yu'un te Aarón soc te snich'nab ya me yac' sc'abic ta sjol,

Éxodo 29:16

mila me. Te xch'ich'el tsijts'anbeya ta sba soc ta sjoyobal te scajtijib ta chiq'uel milbil jmajt'ane.

Éxodo 29:19

“Tsaca te yan tat chije. Te Aarón soc te snich'nab ac'a yac' sc'abic ta sjol.

Isaías 53:6

Jpisiltic jowejemotic, jich bit'il ya spas chijetic, juju-jtul la jle jbetic jtuqueltic. Ja'uc me to, te Cajwaltic la yac' scuchbotic jmultic ta jpisiltic.

Levítico 1:11

Ya me sbojbey snuc' ta stojol norte yu'un te scajtijib ta chiq'uel majt'anil ta jtojol jo'on te Ajwalilone. Te snich'nab Aarón, ja' te sacerdoteetic cu'un, ya me stsijts'anbeyic ta xch'ich'el chambalam ta sjoyobal ta spat soc te scajtijib ta chiq'uel jmajt'ane.

Levítico 17:3

“Mach'auc israelil ya me sta smul teme ya yac' ta milbil majt'anil jcojt' toro, jcojt' chij, o jcojt' tentsun te ya smil ta spat o ta yutil te campamento.

Levítico 17:4

Teme ma ba ya yich'bon tel ta yochibal Nailpac' te banti ya quich' c'oponele, jo'on te Ajwalilon, swenta jmajt'an ta ch'ul awilal cu'une, ya me sta smul ta swenta bit'il la smal ch'ich'. Ja' yu'un ya me yich' loq'uesel ta yolil te slumale.

Levítico 3:3

“Te mach'a ya yic' tel te chambalam yu'un ya yac'bon jmajt'anin swenta lamal-o'tanile, ya me sc'an ya yac'bon ta jtojol swenta chic'bil jmajt'an te xepuil macal a te yutil xch'ujt' te chambalame,

Levítico 3:8

ya me scajan sc'ab ta sjol, ya me sbojbey snuc' ta stojol te Nailpac' te banti ya quich' c'oponele. Jich te sacerdoteetic ya me stsijts'anbeyic te xch'ich'el chambalam ta sjoyobal ta spat te scajtijib ta chiq'uel majt'anile.

Levítico 8:22

Te Moisés la yac' ta iq'uel tel te yan chij ta swenta xch'ultesel yat'el te sacerdoteetique. Te Aarón soc te snich'nab la scajan sc'abic ta sjol te chije.

Zacarías 12:10

“Ya me jnojesbey ta yo'tanic yutsil-o'tanil ta sc'oponel Dios, te patil alnich'anetic yu'un David soc te mach'atic nainemic ta Jerusalén. Jich me ora ya yilic te mach'a la slowique. Ya me smel yo'tanic yu'un, ya me x'oq'uic yu'un, jich me ta yo'tanic te bit'il laj te jip jtul snich'an, o teme ja' te ba alale.

Números 18:17

Ja'uc me to, ma me xawac' te jich ya yich' pasel te sbabial yalatac te wacaxetic, chijetic o tentsunetique. Ja'ic me ya yich' u'uninel cu'un. Ya me amilic; soc te xch'ich'el ya me amal ta scajtijib ta chiq'uel te jmajt'ane. Te xepuil ya me achic'bon swenta jmajt'an te buen bujts'an yic' ta jtojole.

Hechos 3:15

Jich la amilic te mach'a J'ac'cuxlejale, ja'uc me to, Dios la xcha'cuxes tel ta bay te animaetique. In te jo'otique, ja' testigootic yu'un.

Hechos 3:26

Te Dios la stsa te Yabate, soc la sticun tel ta atojolic, Dios la xcha'cuxes tel swenta yu'un ya yac'botic te bendicione, ja' te ya yac'botic quijq'uitaytic spasel te bila amene —xi' te Pedroe.

2 Corintios 5:21

Melel te Cristoe ma'yuc smul stuquel. Ja'uc me to, te Diose, ja' la yac'bey ta swenta xcuchel te jmultique, swenta yu'un jich me libre ya xc'ootic yu'un jmultic ta swenta bit'il jun c'oemotiquix soc te Cristoe.