Levítico 3:1 - Bible in Tzeltal de Oxchuc y Tenejapa

¹ “Teme ay mach'a ya yic' tel xwacax, chican teme stat o sme', swenta yu'un ya yac'bon ta milbil jmajt'an jo'on te Ajwalilon ta swenta lamal-o'tanil, ya me sc'an te ma'yuc bila boloben ta sbaq'uetal te chambalam ya yac'bon jmajt'anine.

Bible in Tzeltal Bachajón

¹ Teme ha ya yac' milbil mahtanil scuenta lamal q'uinal, teme ya yac' wacax, teme stat o yantsilel, ya me yac' ta stojol Jehová te mayuc bin jihnem yu'un.

Levítico 3:1 Iomraidhean Croise

1 Crónicas 21:26

Tey la spas a te scajtijib smajt'an te Cajwaltic, soc la yac'bey te chic'bil smajt'ane, soc te milbil smajt'an ta swenta seña te lamal-o'tanil. La sc'opon te Cajwaltic, aiybot sc'op yu'un, soc la sticun tel c'ajc' c'alal ta ch'ulchan, tey jul ta sba te scajtijib majt'anil te scojt'ol ya xc'ajq'ue.

Éxodo 20:24

Pasbonic scajtijib ta chiq'uel jmajt'an ta ts'ubil lum. Milbonic jmajt'anin te achambalamique, ja' te achijic soc te awacaxique. Ay me ya achic'bonic jmajt'anin scojt'ol, soc ay me ya amilbonic jmajt'anin swenta seña te lamal-o'tanile. Ya xtalon ta jujun awilal te bay ya sc'an co'tan te ya ana'ulayone, tey me ya cac'beyex bendición a.

Éxodo 24:5

La yalbey te queremetic te ya xba smilbeyic smajt'anin Cajwaltic toroetic te ya xchic'bey scojt'ol, soc ay ya yac'bey smajt'anin swenta seña lamal-o'tanil.

Éxodo 29:28

Ja' me ya xtuunix yu'un soc te snich'nabe. Ja' me jmandal ta sbajt'el q'uinal ta stojol te israeletique te ya yac'bonic majt'an, ja' me milbil majt'anil swenta seña te lamal-o'tanile.

Proverbios 7:14

“Te jo'one wojey cha'jey la jchap te ya cac' milbil majt'anil swenta lamal-o'tanil, nax to nax c'ot ta pasel cu'un te bila jchapoje.

Ezequiel 43:27

Juqueb me c'aal jich ya spasic. Ta swaxaquebal c'aal bael ya me xjajch' yaq'uic te majt'anil te chic'bil scojt'ole soc te milbil majt'anil swenta lamal-o'tanile. Jich me ya quiq'uex ta jtojol a, bin nax me co'tan ta atojolic. Jo'on Ajwalilon te jich caloje —xi' te Cajwaltique.

Ezequiel 45:15

Yan stuquel te chijetique, ya me awiq'uic tel jmajt'anin jcojt' ta lajunwinic (200) te yich'oj jujp'esel ta mero lequil ac ta Israel. Ja'ic me te jmajt'an harina, yu'un te chic'bil milbil majt'anil ta scojt'ol, soc yu'un te milbil majt'anil swenta lamal-o'tanil, te ya yich' aq'uel yu'un te perdón yu'un muliletic. Jo'on Ajwalilon te jich caloje.

Levítico 1:10

“Teme xchij, o teme stentsun te chambalam ya yac'bon jmajt'anin te scojt'ol ya yich' chiq'uele, ya me sc'an ja' te stat te ma'yuc bila boloben ta sbaq'uetal.

Levítico 1:3

“Teme wacax te chambalam ya yac'bon ta jmajt'an te scojt'ol ya yich' chiq'uele, ya me sc'an te ja' te toro te ma'yuc bila boloben ta sbaq'uetal. Swenta yu'un ya stsacbot a te majt'anil, ya me sc'an ya yac'bon ta jtojol jo'on te Ajwalilon ta stojol te yochibal Nailpac' te banti ya quich' c'oponele.

Levítico 17:5

Te chambalametic ma me smilic ta yol q'uinal te israeletic te ya yac'bonic jmajt'anin, jo'on te Ajwalilone. Ya me sc'an ya yiq'uic bael ta stojol sacerdote ta yochibal Nailpac' te banti ya quich' c'oponele, swenta yu'un ya yac'bon jmajt'anin, ja' me te milbil majt'anil swenta lamal-o'tanile.

Levítico 3:6

“Teme ay mach'a ya yic'bon tel ta jtojol jcojt'uc xchij o stentsun swenta yu'un ya yac'bon ta milbil jmajt'an ta swenta te lamal-o'tanile, ya me sc'an te ja' ya yac'bon jmajt'anin te state, o te sme'e, pero ya sc'an te ma'yuc bila boloben ta sbaq'uetal.

Levítico 9:18

Te Aarón la sbojbey snuc' te wacax soc te tat chij te la yaq'uic te israeletic yu'un milbil majt'anil swenta te lamal-o'tanile. Te snich'nab Aarón la yac'beyic te xch'ich'ele. Jich te Aarón la stsijts'anbey ta sjoyobal ta spat te scajtijib ta chiq'uel majt'anile.

Levítico 9:4

soc xan jcojt' wacax soc jcojt' tat chij swenta yu'un ya yich' milel smajt'anin te Cajwaltic swenta te lamal-o'tanile. Ac'a me yich'ic tel soc majt'anil harina, wots'bil me soc aceite, melel ya me xtal ta atojolic yo'tic te Cajwaltique —xi' te Moisese.

Amós 5:22

Ma jc'an te chic'bil majt'anil ya awac'bonic yu'un quich'jibal ta muq'ue, ni te majt'aniletic harina; ma ba ya jtsacbat te jujp'en wacaxetic te ya amilic te seña te jun co'tan jbatique.

Malaquías 1:14

Ch'aybil me ya xc'ot te mach'a ya xlo'laywan te ya yal ta jamal te lec ayic ta sc'op te xchamsbalam te ya xtal smilbonic te bolobene. Jo'on te muc' Ajwalilon, jo'on xi'bilon yu'un spisil te nacionetic —xi' te Cajwaltic te Spisil ya xju' yu'une.

Malaquías 1:8

te ma'yuc bila amen ta ac'opic a te ya awac'bonic ma'sit chambalametic, coxoetic, soc te ay xchamelic. Baan, ilawilic, ich'beya bael te ajwalil awu'unic, ya me awilic teme bin nax yo'tan ya stsacbat smajt'anine —xi' te Cajwaltique.

Números 15:8

Teme ja' te ya yich' milel toro ta swenta chiq'uel ta scojt'ol, teme ja' te milbil majt'anil ta swenta lamal-o'tanil, o teme ja' te ts'acaj te bila jc'axel achapoj,

Números 6:14

Soc ya me yich' aq'uel ta jtojol, jo'on te Ajwalilon, jcojt' tat chij te jun ya'wilal te ma'yuc bila boloben ta sbaq'uetal ta swenta majt'anil te scojt'ol ya yich' chiq'uele; jcojt' me' chij te jun ya'wilal te ma'yuc bila boloben ta sbaq'uetal ta swenta milbil majt'anil yu'un te smule; soc jcojt' tat chij te ma'yuc bila boloben ta sbaq'uetal swenta milbil majt'anil ta swenta seña lamal-o'tanil.

Números 7:17

soc ta slajibal, ja' milbil majt'anil ta swenta seña lamal-o'tanil: cha'cojt' toroetic, jo'cojt' tat chijetic, jo'cojt' tat tentsunetic soc jo'cojt' chijetic te jun ya'wilalique. Ja' majt'anil te la yac' Naasón te snich'an Aminadab.

Deuteronomio 12:27

Ta sba te scajtijib ta chiq'uel majt'anil yu'un te Cajwaltic te Dios cu'untique, ya me awaq'uic te majt'anil te scojt'ol ya yich' chiq'uele. Te xch'ich'el te chambalam ya awaq'uique, ya me amalic ta scajtijib majt'anil yu'un te Cajwaltic te Dios cu'untique, te sbaq'uetale ya xju' ya ati'beyic stuquel.

Colosenses 1:20

Soc ja' ta swenta Cristo te ya yac' junajuc ta stojol Dios spisil te bitic ay ta balumilale soc uuc te bitic ay ta ch'ulchane. Tey la yac' lamajuc q'uinal a ta swenta bit'il la smal xch'ich'el ta cruz.

Hebreos 10:22

Jich yu'un spisiluc me co'tantic ac'a noptsajucotic ta stojol te Diose, te bit'il jc'axel ay xch'uunjel co'tantique, te melel jc'axel la yutstesbotiquix co'tantic yu'un te jmultique soc pocbilix jbaq'uetaltic yu'un te lequil ja'e.

1 Juan 1:3

Ja' ya calbeyex awaiyic te bila quilojtic soc te bila caiyojtic stojole, swenta yu'un jich me jun nax ya xc'ootic ta jpisiltic, jich nix te bit'il jun nax ayotic soc te Dios Tatile soc uuc te Snich'ane, ja' te Jesucristoe.

Jueces 20:26

Jich yu'un ta spisil te soldadoetic yu'un Israel soc spisil te lume, cha'bajt'ic ta Betel ta oq'uel ta stojol te Cajwaltique. Sjunal c'aal c'ax yu'unic, ma ba we'ic, soc la yac'beyic majt'anil la xchic'beyic Cajwaltic, soc la smilic majt'anil swenta lamal-o'tanil.

Jueces 21:4

Ta yan c'aal te israeletic jajch'ic ta sab, la spasbeyic jun scajtijib smajt'an Cajwaltic, la yac'beyic chic'bil smajt'an soc milbil majt'anil ta swenta lamal-o'tanil.