Levítico 26:8 - Bible in Tzeltal de Oxchuc y Tenejapa

⁸ Te jo'tulex, ya me awac' anuquic ta atojolic jo'winic ta jtul; te jo'winiquex, ya me awaq'uic loc'uc ta anel ta atojolic lajunmil ta jtul. Te acontroic ya me alajinic ta puñal.

Bible in Tzeltal Bachajón

⁸ Ho'tuhlex yac anutsic bahel ho'winic (100) ta tuhl; ho'winiquex (100) yac anutsic bahel lajunmil (10,000) ta tuhl; soc te acontrahic ya me xlajic ta ye espada ta atojolic;

Levítico 26:8 Iomraidhean Croise

1 Crónicas 11:11

Ja' lista sbiilic te tulan soldadoetic yu'un David: Jasobeam, snich'an Hacmoni, ja' jtsobwanej yu'un te yoxebalic te mero tulanique. Ay jun buelta te la smil jo'lajunwinic (300) ta jtul soc slanza.

1 Crónicas 11:20

Te Abisai, te yermano Joab, ja' jtsobwanej yu'un te lajuneb xcha'winic (30) ta jtul te tulanic ta jyalele. Ay jun buelta la yac'bey guerra jo'lajunwinic (300) winiquetic, la smil ta spisilic soc slanza. Jich c'axem to xan pujc' sc'oplal stuquel a te bit'il te lajuneb xcha'winic (30) ta jtule,

Ester 9:16

Te judioetic nainemic ta yantic q'uinaletic la stsob sbaic uuc, pero ta yoxlajunebal c'aal yu'un te u Adar, yu'un ya scoltay sbaic soc ya sjinic te bila chapal yu'unic te scontroique. La smilic jo'lajuneb xchanwinic ta jmil (75,000) te scontroique, pero ma ba la spicbeyic stuquel te bila ay yu'unique. Ta xchanlajunebal c'aal a te u la xcux yo'tanic, bin nax yo'tanic la spasic q'uin soc we'elil.

Levítico 26:7

Te ja'exe ya me awac' loc'uc ta anel te acontroique, soc ya me alajinic ta puñal.

Zacarías 12:8

Jo'on Ajwalilon, ya me jcanantay te mach'atic nainemic ta Jerusalén. Te jayeb mach'atic ma'yuc yipic, mero bayal me yipic ya xc'otic, jich me yip ya xc'otic te bit'il muc' ajwalil David. Te patil alnich'anetic yu'un David jichic me te bit'il Dios, jich te bit'il ch'ul abat yu'un Cajwaltic, te neel ay ta beel yu'unique.

Números 14:9

Ja'uc me to, ma me xatoy abaic ta stojol te Cajwaltic, soc ma me xiwex yu'un te yajwal q'uinale, melel te jo'otic ya me jlajintic jich bit'il ya jlajintic te jwe'eltique. Ma me ayuc mach'a ya xc'opoj yu'un stuquelic, yan te jo'otic ay ta coliltic te Cajwaltique. Ma me ayuc xiwel ta awo'tanic —xiic.

Números 31:4

Ta juju-jchajp ya me sticun jmil (1,000) ta jtul winiquetic yu'un guerra —xi'.

Deuteronomio 28:7

“Te Cajwaltic ya me yac'bat ta ac'ab te acontrotac te c'alal ya yac'bat guerra. Ya me xnoptsajic tel ta atojol, mero chapalic ya xtalic, pero ya me xloq'uic ta anel ta atojol, ya me xpujc' bael ta anel.

Deuteronomio 32:30

¿Bi yu'un te jtul nax mach'a la yac' anuc jmil ta jtule? ¿Bi swentail te cheb nax la sticun ta anel lajunmil ta jtul? Ja' nax yu'un te Cajwaltic, te ja' Jcanantaywanej yu'unic, la sc'an la yac'bey ta sc'ab yu'un te controe.

Josué 23:10

Melel tic' nax ta jtulex te ya xju' ya awac' x'anic jmil ta jtul, melel te Cajwaltic te Dios cu'untic ja' la yac' guerra ta xc'uxtaybelex, jich nix bit'il te yalojbey sc'oplale.

Jueces 15:15

La stsac jun sbaquel yalan'e burro te ay tey a, te ma to bay bacubene, ja' la smil jmil (1,000) ta jtul filisteoetic a.