Levítico 26:7 - Bible in Tzeltal de Oxchuc y Tenejapa

⁷ Te ja'exe ya me awac' loc'uc ta anel te acontroique, soc ya me alajinic ta puñal.

Bible in Tzeltal Bachajón

⁷ Yac anutsic bahel acontrahic, te ya xlajic ta espada ta atojolic.

Levítico 26:7 Iomraidhean Croise

1 Crónicas 19:15

C'alal la yilic amonetic te aniquix bael te siriaetic, anic loq'uel ta stojol te Abisai te yijts'in Joab, ochic bael ta lum. Jich yu'un te Joab sujt' bael ta Jerusalén.

Ester 9:16

Te judioetic nainemic ta yantic q'uinaletic la stsob sbaic uuc, pero ta yoxlajunebal c'aal yu'un te u Adar, yu'un ya scoltay sbaic soc ya sjinic te bila chapal yu'unic te scontroique. La smilic jo'lajuneb xchanwinic ta jmil (75,000) te scontroique, pero ma ba la spicbeyic stuquel te bila ay yu'unique. Ta xchanlajunebal c'aal a te u la xcux yo'tanic, bin nax yo'tanic la spasic q'uin soc we'elil.

Salmos 81:15

Te mach'atic ay slab yo'tanic ta stojol Cajwaltic ya me xyalic jilel ta lum stuquelic, soc jc'axel me chapal ya xjil te ya xba yich'ic castigo.

Levítico 26:36

“Te ja'exe, teme ay to cuxulex jilel tey ta slumal te acontroique, ya me cac' taluc xiwel ta awo'tanic. Manchuc me jun nax yabenal te' xchajlujet ya xc'ot ta lum te c'alal ya xyal coele, ya me axi'ic. Ya me xloq'uex ta anel, jich te bit'il tenbilex ta puñal ya awaiyique.

Levítico 26:6

Ya me cac' lamajuc q'uinal ta atojolic ta alum-aq'uinalic, soc jun me awo'tanic ya xwayex, ma me ayuc mach'a ya xiwtesex, ya me cac' loc'uc ta aq'uinalic te jti'awal ja'mal chambalametic, soc ma me ayuc guerraetic ya xtal ta atojolic.

Levítico 26:8

Te jo'tulex, ya me awac' anuquic ta atojolic jo'winic ta jtul; te jo'winiquex, ya me awaq'uic loc'uc ta anel ta atojolic lajunmil ta jtul. Te acontroic ya me alajinic ta puñal.

Deuteronomio 28:7

“Te Cajwaltic ya me yac'bat ta ac'ab te acontrotac te c'alal ya yac'bat guerra. Ya me xnoptsajic tel ta atojol, mero chapalic ya xtalic, pero ya me xloq'uic ta anel ta atojol, ya me xpujc' bael ta anel.

Deuteronomio 32:30

¿Bi yu'un te jtul nax mach'a la yac' anuc jmil ta jtule? ¿Bi swentail te cheb nax la sticun ta anel lajunmil ta jtul? Ja' nax yu'un te Cajwaltic, te ja' Jcanantaywanej yu'unic, la sc'an la yac'bey ta sc'ab yu'un te controe.

Josué 23:10

Melel tic' nax ta jtulex te ya xju' ya awac' x'anic jmil ta jtul, melel te Cajwaltic te Dios cu'untic ja' la yac' guerra ta xc'uxtaybelex, jich nix bit'il te yalojbey sc'oplale.

Jueces 15:15

La stsac jun sbaquel yalan'e burro te ay tey a, te ma to bay bacubene, ja' la smil jmil (1,000) ta jtul filisteoetic a.

Jueces 4:16

Te Barac la snuts bael te soldadoetic soc te carretaetic c'alal ta Haroset-goim. Te bi c'aalil c'ot ta pasele, ma'yuc ni jtuluc soldado yu'un Sísara te cuxul jilel, spisil lajic.

Jueces 7:23

Jich la yich' iq'uel tel te sts'umbal Neftalí, te sts'umbal Aser soc te sts'umbal Manasés, swenta yu'un ya me snutsic bael te madianetique.

1 Samuel 14:13

Te Jonatán xcotlajan moel ta yacan soc ta sc'ab, ts'acal ta spat te abat yu'une. Te jayeb filisteoetic la yac' bot'quejuc ta lum te Jonatán, tey yac slajinbel smilel xan ta ora te yabate.