Levítico 26:3 - Bible in Tzeltal de Oxchuc y Tenejapa

³ “Teme ya ach'uunbonic spasel te mandaliletic cu'une, teme ya apasic ta spisile, soc teme jich ya apasic spisil ora te bit'il ya cale,

Bible in Tzeltal Bachajón

³ Teme yac at'unic te bintic caloj ta mandar soc teme yac atsahtayic ta pasel te mandariletic cu'une,

Levítico 26:3 Iomraidhean Croise

Nehemías 1:9

Pero teme ya sujt'otic ta atojole, soc teme ya cac'tic c'otuc ta pasel te mandaliletic awu'une, soc teme ya x'och jpastic xan spisil orae, melel awaloj te ya atsobotic tel tey a, soc awaloj te ya awac'otic xan tey ta banti tsabil awu'un te ch'ultesbil yu'un te abiile, manchuc me la quich'tic puquel bael c'alal ta xujc' sti'il te balumilale.

Éxodo 23:25

Ja' nax me xaquejan abaic ta jtojol jo'on te Ajwalilon te Dioson awu'unique, melel ja' ya cac'bat bendición yu'un awe'el soc te ja' ya awuch'ique. “Ma xcac' xnoptsaj chamel ta atojol.

Isaías 1:19

Teme ya xc'ot ta awo'tanic xch'uunel te jmandale, ya me awe'elinic te bi slequil ya yac' te lumq'uinale.

Isaías 30:23

Te Cajwaltic ya me yac'bat tel ja'al yu'un te awawal te ya awaj ta lumq'uinale, te lumq'uinal ya me yac' bayal trigo te lec ta tuuntesele. Jich c'aalil ya sta lec swe'elic ta c'axem to xan te chambalametic awu'unique.

Jeremías 11:4

Ja' te trato la jpas ta stojol te antiguo ame'-atatic c'alal la jloq'ues tel ta Egipto, ja' te nación te jich c'oem ta stojolic te bit'il horno yu'un te jten-taq'uine. La calbey: “Ch'uunbonic jc'op, pasaic spisil te bila mandal ya cal, ja'ex me lumex cu'un soc jo'on Dioson awu'unic.

Levítico 19:25

Ta yo'ebal ja'wil ya me xju' ya alo'beyiquix sit a. Jich me bayal sit ya yac'beyex a te te'e. Jo'on Ajwalilon, Dioson awu'unic.

Zacarías 8:12

Melel te lamal q'uinal ya me yich' ts'unel ta yolilic. Ya me yac' sit te sts'usubilic, soc ya me sitin te bila ya yich' ts'unel a ta lumq'uinale, soc te ch'ulchan ya me yac' coel tel sts'ujulel. Ta spisil, jo'on me ya cac'bey yu'uninic te mach'atic lum cu'un te ya xjilique.

Malaquías 3:10

Ich'bonic tel jun ta slajunebal te abiluquic ta bay yawil ta templo, jich me ay we'eliletic ta jna. Pasawonic ta prueba, ya me awilic te ya jambeyex sventanail te ch'ulchane, ya me xco tel ta atojolic bayal te bendicione.

Deuteronomio 7:12

“Te bit'il la awaiyiquix te bila chapale, teme ya ach'uunic spasel baele, te Cajwaltic Dios cu'untic jun me yo'tan ya yac' c'otuc ta pasel te bila trato yu'une, soc te bila yalojbey ta stojolic te antiguo jme'-jtatique.

Apocalipsis 22:14

Bin nax me yutsilic te mach'atic ya sac' sc'u'-spaq'uic swenta yu'un jich ya xju' ya slo'beyic sit te te' ya yac' cuxinele, soc jich me ya xju' ya x'ochic bael tey a ta bay sti' sts'ajc'ul te muc'ul lume.