Levítico 26:11 - Bible in Tzeltal de Oxchuc y Tenejapa

¹¹ “Jo'on me ya xnainon ta awolilic, ma ba ya jch'ayex ta co'tan.

Bible in Tzeltal Bachajón

¹¹ Ya xnahinon ta awohlilic, soc ma ba ya quihlayex ta co'tan.

Levítico 26:11 Iomraidhean Croise

2 Samuel 7:7

Ta spisil ora te la joinic ta beel, ma'yuc bi ora la calbey te mach'atic la cac'bey swentainbon te lum Israel cu'une te ya spasbon templo ta cedro”, uta me.

1 Reyes 6:13

Ja' te ya me x'ainon ta yolil te israeletic, soc ma ba ya jpijt'es te Israel te lum cu'une —xi'.

1 Reyes 8:13

Te jo'one la jpasix templo yu'un ya anain, te banti ya xnainat swenta sbajt'el q'uinal —xi'.

1 Reyes 8:27

“¿Melel bal te ya xnainat ta sba balumilal te Diosate? Melel te ch'ulchan te mero muq'ue, ma ba ya x'ochat a. ¿Ja'uc to balix a jiche te templo la jpasbate?

Salmos 106:40

Te Cajwaltic jajch' sc'ajc'al yo'tan ta stojol te lum yu'un; la spijt'es jilel manchuc me mero yu'un.

Salmos 76:2

Te templo yu'un ay ta sba wits Sión, ay ta Jerusalén.

Salmos 78:59

Te Dios ilin yu'un te c'alal la yil; jc'axel la xch'ay jilel te Israel,

Éxodo 25:8

Ya me apasbonic ch'ul awilal, yu'un tey me ya x'ainon ta awolilic.

Éxodo 29:45

Tey me ya x'ainon ta yolilic te israeletic, jo'on me Dioson yu'unic.

Éxodo 29:46

Jich me ya sna'ic te jo'on Ajwalilon te Dioson yu'unique. La jloq'ues tel ta Egipto yu'un ya x'ainon ta yolilic jo'on te Ajwalilon te Dioson yu'unique.

Jeremías 14:21

Ta swenta xch'ul yutsilal ac'oplal, ma xach'ojotic loq'uel, ma me jc'axeluc ya awilay te lume, ja' te bay amuc'ul nactijib te bayal yutsilale. Na'a me te trato la apas ta jtojoltique, ma me xch'ay ta awo'tan.

Lamentaciones 2:7

Te Cajwaltic ma'yuc sc'oplal c'ot ta yo'tan te scajtijib smajt'ane; la yilay te ch'ul templo yu'une. La yac'bey ta sc'ab scontro te ts'ajq'uetic ya scoltay sbaic a te lume. Ay awetic ta templo yu'un Cajwaltic, jich bit'il sc'aalelal q'uin yaiyel.

Joel 2:27

Ja'ex israeletic, ya me sc'an ya ana'ic te joinejex jo'on te Ajwalilon, te jo'on Dioson awu'unic te ma'yuc mach'a yan ay awu'unic. Ma'yuquix bi ora ya xtaotic yu'un q'uexlal te lum cu'une —xi'.

Levítico 20:23

Ma me xanopbeyic yat'el te mach'atic ya jloq'uesbeyex bael ta atojolique; ja'ic stuquelic la spasic spisil, ja' yu'un ma ba cujch'ix cu'un te smulique.

Levítico 26:15

teme ya ach'ayic soc teme ma'yuc sc'oplal awu'unic te bitic chapal cu'une, soc teme ma ba la awaq'uic c'otuc ta pasel te mandaliletic cu'une, jich me ma'yuc ta wenta c'ot awu'unic a te trato cu'une.

Levítico 26:43

Ja' me ya xjil ta libre awu'unic, bayal me yutsil ya x'ain te jayeb c'aal te ya xcux yo'tan awu'unic, te bit'il ma ba ya xnainex tey a. Ya me atojic te amulique, melel la awilaybonic te bitic chapal cu'un soc te mandaliletic te la ac'axintaybonique.

Levítico 26:44

“Manchuc me jich ya jpasbeyex, soc manchuc me ayex ta slum-sq'uinal acontroic, pero ma ba ya quilayex soc ma ba ya jch'ayex. Ma ba ya jlajinex soc ma me xch'ay cu'un te trato chapal cu'un soc te antiguo ame'-atatique, melel jo'on te Ajwalilon te Dioson awu'unique.

Zacarías 11:8

Ta jun nax u la jloq'ues oxtul jcananetic te c'ax co'tan yu'unique, jich nix la yilayonic.

Efesios 2:22

Jich ta swenta nax Cristo te pajal yacalex ta ts'ajc'uyel soc te yantique, swenta yu'un ya xnain tey a te Dios ta swenta te Espíritu yu'une.

Deuteronomio 32:19

Dios ilin yo'tan yu'un te jich la spasic la yile, la yilaybey te squerem-nich'nabic, la yilaybey te yantsil-nich'nabique.

Josué 22:19

Teme ma lecuc ta stojol Cajwaltic ya awaiyic in q'uinal to, la'ic ta bay q'uinal yu'un te Cajwaltique, ta bay ch'ul templo yu'un, ich'a aq'uinalic te banti ayotique. Ma xatoy abaic ta stojol te Cajwaltique, te ya xjajch'ex ta spasel yan scajtijib ta chiq'uel majt'anil a te bit'il ay yu'un Cajwaltic te Dios cu'untique.

Josué 22:31

Jich yu'un te Finees, snich'an sacerdote Eleazar, la yalbey: —Yo'tic c'otix ta co'tantic te sjoinejotic te Cajwaltique, te melel ma'yuc ta awo'tanic te toybail ta stojol. Jich ma jtatic castigo yu'un te Cajwaltique —xi'.

Apocalipsis 21:3

Soc la caiy stojol te ay mach'a tulan c'opoj tel ta ch'ulchan te jich la yale: “Aiya awaiy stojol, Dios nainemix ta yolil te ants-winiquetique. Ayix sna ta yolilic. Ja' me lum yu'un Dios ya xc'otic, soc ja' nix Dios ya xc'ot yu'unic te Diose.

Apocalipsis 7:15

Ja' swentail te tec'ajtic ta stojol smuc'ul snactijib te Diose. C'aal ajc'ubal ayic ta abatinel yu'un ta bay te templo yu'une. Te mach'a nacal ta muc'ul nactijibal, ya me scanantay soc ya me sjoin spisil ora.