Levítico 24:2 - Bible in Tzeltal de Oxchuc y Tenejapa

² —Pasa ta mandal te israeletic, ac'a yich'bat tel lequil aceite yu'un oliva, swenta yu'un ya me xtil spisil a te stsumjibal c'ajq'uetique.

Bible in Tzeltal Bachajón

² Pasa ta mandar te snich'nab Israel te ac'a yich'bat tal lequil aceite yu'un pits'bil olivahetic scuenta yu'un hich ya xtihl spisil ora te tsumbil c'ahq'ue.

Levítico 24:2 Iomraidhean Croise

2 Corintios 4:6

Melel ja' la yal stuquel te Diose, te ya sacubuc q'uinal ta bay te ijc' q'uinale. Soc ja' nix te la yac' sacubuc q'uinal ta bay te co'tantique, swenta yu'un jich me ya jna'beytic sba a te yutsilal te Diose, te chican ta ilel ta sit yelaw te Jesucristoe.

San Juan 8:12

Te Jesús cha'c'opoj xan. Jich la yal: —Jo'on J'ac'-saquil-q'uinalon yu'un te balumilale. Jich yu'un te mach'a ya st'unone, ma ba ya xbeenix ta ijc' q'uinal, ayix xcuxlejal ta swenta te saquil q'uinale —xi' te Jesuse.

Hechos 26:18

Yu'un ya me xc'o ajambey sitic, swenta yu'un ya yijq'uitayic te ijc' q'uinale, jich me ya xbeenic ta saquil q'uinal. Soc swenta yu'un ma me ayuc xan ta sc'ab te Satanase, ja' me ya yac' sbaic ta sc'ab te Diose. Jich me ya xch'uunonic, soc ya me jpasbey perdón yu'un te smulique, soc ya me yac' ainuquic tey a ta banti ainemic te mach'atic ch'ultesbilique”, xi' ta yalbelon te Jesuse.

San Juan 5:35

Te Juan jich c'ot ta atojolic te bit'il luz te chicnaj q'uinal ta atojolic yu'une. In te ja'exe ay sbujts' awo'tanic yu'un jun chebuc c'aal te luz yu'une.

San Juan 1:9

Te mach'a luz ta mero melele soc te ya yac' xojobil ta stojol ants-winiquetic, yaquix ta talel ta balumilal stuquel.

San Juan 1:4

Ja' ya yac' cuxlejal stuquel. In te cuxlejale, ja' te ay saquil q'uinal ta stojolic te ants-winiquetique.

San Lucas 12:35

“Chapaluquex me, chuculuc me ach'ujt'ic, soc yacuc me ta tilel ac'ajq'uic.

San Lucas 1:79

swenta yu'un ya me yac' sacubuc q'uinal ta stojol te mach'atic ayic ta sc'ubulil te ijc' q'uinale soc ta bay yaxinal te lajele, soc ya me stojtesotic bael ta sbelal te lamal q'uinale —xi' te Zacariase.

San Mateo 5:16

Ja' nanix jich te ja'exe tilemex jichuc luz ta stojol te ants-winiquetique, melel teme ya yilic te lequil at'elil ya apasique, jich me ya yalbeyic yutsilal te Jtatic te ay ta ch'ulchane.

San Mateo 4:16

te ants-winiquetic te ayic ta ijc' q'uinale, tilemix muc'ul luz ta stojolic. Sacubenix q'uinal ta stojol te mach'atic ayic ta yaxinal te lajele”, te xie.

Isaías 11:2

Te Espíritu yu'un Dios spisil me ora ay ta stojol. Ya me yac'bey sp'ijil yo'tan, soc sp'ijil sjol, swenta ya yaiy tojteswanej soc yip yu'el. Ya me sna'bey sba te Cajwaltic soc ya me yich' ta muc'.

Isaías 8:20

swenta yu'un ya x'ac'botic sna'ic te bila ya yal —xiic me. Jich nix ya yalbeyex a, pero te bila ya yalique puro jowil c'op.

Proverbios 6:23

Ta mero melel, te mandaliletic soc te jp'ijubteseltic ja'ic tsumbil lámpara c'oemic; te tojtesel soc te tac'uyel ja'ic te be yu'un te cuxlejale.

Salmos 119:130

Ya awac' ta cholel te ac'op, jich ya sacub q'uinal yu'un; melel ya xp'ijub yu'un te ac'op te ants-winiquetic te peq'uelique.

Salmos 119:105

Te ac'ope xojobajem cacan ta beel yu'un, soc sacuben te jbe yu'une.

2 Crónicas 13:11

Ja'ic ya yaq'uic milbil majt'anil ta sab soc ta xmalc'aal, ja' te scojt'ol ya yich' chiq'uele, soc te pom te bujts'an yiq'ue, soc ya yaq'uic ta lequil mesa te waj te ch'ultesbil ta stojol Dios. Soc ta jujun xmalc'aal ya stsumic te c'ajq'uetic te ya yaq'uic ta yawil te pasbil ta oro. Melel te jo'otic jch'uunejbeytic smandal te Cajwaltic te Dios cu'untique, yan te ja'exe la awijq'uitayiquix ta awo'tanic.

Éxodo 40:24

La yac' te scajtijib c'ajq'uetic ta yutil te Nailpac' te bay ya yich' c'oponel Dios, ja' te bay mero stojol te mesa, ta bay stojol sur yu'un te ch'ul awilal.

Éxodo 39:37

te scajtijib c'ajq'uetic te lequil oro pasbil soc te ch'in c'ajq'uetic yu'un, ja' te ya yich'ic cajanel ta scajtijib, soc spisil te bitic ya xtuun yu'une; te aceite te ya xtuun yu'un te c'ajq'uetic;

Levítico 24:1

Te Cajwaltic la sc'opon te Moisés, jich la yalbey:

Levítico 24:3

Ja' me ya x'och ta swenta xchajbanel te Aarón, swenta yu'un ta sjunal ajc'ubal ya xtil ta jtojol jo'on te Ajwalilone. Ma me xcom ni junuc ajc'ubal ta tilel ta Nailpac' te banti ya quich' c'oponel, ta spat yu'un te pac' t'imil ta stojol te cajón yu'un trato. Te jmandal stalel me ya xjil, ya me xc'ax ta stojol me'il-tatiletic soc ya me xc'ax ta stojol alnich'anetic.