Levítico 23:3 - Bible in Tzeltal de Oxchuc y Tenejapa

³ “Waqueb nax me c'aal ya x'at'ejat, te sjuquebal c'aal ma me ayuc bila at'elil ya apas a. Melel ja' te c'aal mero tsabil yu'un sc'aalelal cux-o'tan, soc ay me ch'ul tsoblej awu'unic a. Ta bayuc ayex, ja' me c'aal yu'un cux-o'tan ta swenta quich'jibal ta muc' jo'on te Ajwalilone.

Bible in Tzeltal Bachajón

³ Waqueb c'ahc'al ay a'tel, yan te shuquebal c'ahc'al ha sc'ahc'alel cux-o'tan, ha sc'ahc'alel ch'ul tsoblej; ma me x'a'tejex a. Ha sc'ahc'alel cux-o'tan ta scuenta Jehová ta bayuc te ya xnahinex.

Levítico 23:3 Iomraidhean Croise

Éxodo 16:23

Te Moisés, jich la yal: —Jich na'ax te mandal yu'un te Cajwaltique —xi' yu'un. Soc la yal: —Pajel ja' meix te sc'aalelal te cux-o'tan te ch'ultesbil yu'un te Cajwaltique. Te bila ya sc'an ya apayique, payaic me yo'tic. Te bila ya sc'an ya yich' pasele, pasaic me. Spisil te bitic ya spas sobraile, ijq'uitayaic ta swenta te pajele —xi' te Moisese.

Éxodo 16:29

Ac'a c'otuc ta awo'tanic te jo'on Ajwalilon awu'unic te la cac'beyex jun c'aal yu'un cux-o'tan. Ja' swentail ta swaquebal c'aal ya cac'beyex we'elil ta swenta cheb c'aal. Jich yu'un ta sjuquebal c'aal ya me x'ainex ta anaic, ma me xloq'uex a —xi' te Diose.

Éxodo 16:30

Jich la xcux yo'tanic ta sjuquebal c'aal te lume.

Éxodo 23:12

“Waqueb me c'aal xapas spisil te bitic ay ta pasel awu'une. Ta sjuquebal c'aal ya me acux awo'tan. Jich me ya xcux yo'tanic uuc te awacax soc te aburroe. Jich me ya xcha'yich' xan yip a te awabat soc te mach'a q'uejel taleme.

Éxodo 34:21

“Waqueb me c'aal ya x'at'ejex, ta sjuquebal c'aal ya me acux awo'tanic. Manchuc me yorailix ts'unbajel, o teme yorailix c'ajoj, puersa me ya acux awo'tanic.

Isaías 56:2

Bin nax yutsil te mach'a ya xch'uun spasel te mandaliletique, te jun nax yo'tan ya sc'otes ta pasele; te ya yich' ta muc' te bi c'aalil yu'un te cux-o'tanile soc te ma ba ya sboltesbey sc'oplal, ja' te ya scanantay sba te ma spas te bila amene —xi'.

Isaías 56:6

Te jyanlumetic, teme ya yac' sbaic ta jtojol ta swenta abatinel cu'un soc teme ya xc'uxbajonic ta yo'tane, swenta abatetic ya xc'ot cu'un. Teme ya yich'bonic ta muc' te bi c'aalil yu'un te cux-o'tanile, soc te ma ba ya sboltesbey sc'oplale, soc teme jun yo'tan ay ta sna'el te trato cu'une,

Isaías 58:13

“Ich'a ta muc' te c'aal yu'un cux-o'tanil; ma me xawat'elin te bitic ya sc'an awo'tan a te ch'ul c'aal cu'une. Jichuc me ya xc'ot ta awo'tan te ja' jun c'aal swenta sbujts'-o'tanile; ja' te ch'ul c'aal yu'un Cajwaltic te ya sc'an te ya x'ich'ot ta muq'ue. Ich'a ta muc', ma xawat'elin xchajbanel aiyejetic awu'un a, ni ma me xbajt' ta awo'tan yu'un te bitic ya sc'an awo'tan spasele.

Levítico 19:3

“Ta juju-jtulex ich'aic ta muc' te atatic, soc ich'aic ta muc' te ame'ique. “Ya me awich'bonic ta muc' te sc'aalelal cux-o'tan. Jo'on Ajwalilon, Dioson awu'unic.

San Lucas 13:14

Yan te mach'a yich'oj yat'el ta sinagoga, ilin yo'tan yu'un te bit'il Jesús la slamantesbey xchamel ta sc'aalelal cux-o'tan. Jich caj yalbey te mach'a stsoboj sbaique: —Ay waqueb c'aal te ya xju' ya x'at'ejotique. Ja' me yorail ya xtalex a te ya awac' ta lamantesel te achamelique. Ma me ja'uc ta sc'aalelal cux-o'tan —la yut.

San Lucas 23:56

C'alal sujt'ic bael ta na, la xchajbanbeyic xpoxil sbaq'uetal te bujts'an nax yiq'ue. Jich la xcux yo'tanic ta sc'aalelal cux-o'tan, jich te bit'il ya yal te mandalile.

Hechos 15:21

Melel ta namey to tel, ay mach'a ya xchol ta stojolic ta bay juju-jsejp lumetic te mandalil yu'un te Moisese, soc ya yich' ilel ta bay sinagogaetic ta jujun sc'aalelal te cux-o'tane —xi' te Jacoboe.

Apocalipsis 1:10

Te bit'il ayon ta wentainel yu'un te Espiritue, ja' c'ot ta pasel a te bi c'aalil yu'un te Cajwaltique. Jich la caiy stojol te ay mach'a tulan yac ta c'op ta jpat. Jich sc'op la caiy te bit'il sc'op te oq'uese.