Levítico 23:2 - Bible in Tzeltal de Oxchuc y Tenejapa

² —Albeya te israeletic te bila ya calbate: “Ja' in to, ja' sc'aalelal te bayal sc'oplal ta jtojol jo'on te Ajwalilone, ja' me te ch'ul tsoblejetic sbiil ya xc'ot awu'unique.

Bible in Tzeltal Bachajón

² Halbeya te snich'nab Israel: Te q'uinetic yu'un Jehová, te yac apuquic ta halel te ha ch'ul tsoblejetic, hich ayic:

Levítico 23:2 Iomraidhean Croise

2 Reyes 10:20

Ja' yu'un la yal te ya yich' puquel ta alel te ya yich' pasel buen q'uin yu'un Baal. Jich la yich' pasel yu'unic.

1 Crónicas 23:31

Soc tey me ayic ta templo spisil ora te c'alal ya yich' aq'uel spisil te chic'bil majt'anil ta stojol Cajwaltic ta sc'aalelal te cux-o'tan, soc ta yorail te q'uinetic yu'un te yach'il u, soc te q'uinetic te bayal sc'oplalique. Tey me ayic ta templo ta abatinel yu'un te Cajwaltic, ja' chican te bit'il cholol yajtalul te sbiilique.

2 Crónicas 2:3

Ta patil te Salomón la sticunbey ta alel te Hiram te muc' ajwalil ta lum Tiro, jich la yalbey: “Jich me xapas ta jtojol te bit'il la apasbey te jtat David, te la aticunbey cedroetic, swenta yu'un ya yich' pasel palacio a ta bay ya xju' ainele.

2 Crónicas 30:5

Jich la snopic te ya me spucbeyic bael sc'oplal ta spisil Israel, ja' to ta Beerseba c'alal ta Dan, te ya yich'ic iq'uel tel ta Jerusalén ta q'uin Pascua yu'un te Cajwaltic, te Dios yu'un Israel. Ma ba spasojic te bit'il ay ta pasel ta neelal te ay bayal ya stsob sbaic jich bit'il ts'ibubil mandal.

Esdras 3:5

Ja' nix jich te chic'bil smajt'an Dios yu'un jujun c'aale, soc te yu'un jujun yach'il u, soc te jujun ch'ul q'uin yu'un Cajwaltic, soc te smajt'an la yac'beyic te mach'atic spasemal yo'tanic ya yac'beyic te Cajwaltique.

Salmos 81:3

Oq'uesinaic oq'ues te c'alal ya sta yorail te yach'il u, soc nix te c'alal ya sta yorail ya sep sba, te ja' sc'aalelal te mero muc'ul q'uin cu'untique.

Éxodo 32:5

C'alal la yil te Aarón, la spasbey scajtijib ta chiq'uel milbil smajt'an te sloc'ombail alal toro. Jich la yal ta aw te Aarón: —¡Pajel ya jpasbeytic sq'uin swenta yich'jibal ta muc' te Cajwaltique! —xi'.

Isaías 33:20

Ilawil te Sión, te lum yu'un te q'uinetic cu'untique; tojlina bael ta q'ueluyel te Jerusalén, ja' te lum te canantaybil stuquele. Jich me c'oem te bit'il campamento te stalel tey a, te xujt' ma sbots' te estacaetic yu'une, soc te ma xtuch' te slazoile.

Lamentaciones 1:4

Mel-o'tantic nax sba te beetic yu'un Sión, ma'yuc mach'a ya xtal ta q'uinetic. Te yochibal te lume jocholiquix; te sacerdoteetic ya x'oq'uic. Ma'yuc ta q'uinal ya yaiyic te ach'ixetique; te Jerusalén ch'auben yo'tanic.

Ezequiel 44:24

Ta banti ay c'op ya me xchajbanwanic; ja' me juecetic, ja' me ya xchajbanwanic a te mandaliletic cu'une. Ya me xch'uunic spasel te mandaliletic cu'un soc te nopjibaletic cu'une, te ya yalbey sc'oplal spisil te q'uinetic cu'une. Ya me yich'ic ta muc' te c'aaleltic swenta cux-o'tan ch'ultesbil cu'une.

Oseas 2:11

Ya me jlajinbey sc'oplal te sbujts' yo'tane; mero ma'yuc sbujts' yo'tan ya yaiy ta spasel te q'uinetic yu'une, jich bit'il te yach'il u, soc ta jujun sc'aalelal cux-o'tan, soc spisil te q'uinetic ya spase.

Joel 1:14

Tsobaic te lume, coma awe'elic; tsobaic ta templo yu'un Cajwaltic, ja' te Dios awu'unique. Tsobaic te ancianoetic soc ta spisil te yajwal lumq'uinale, c'oponaic te Cajwaltique.

Joel 2:15

Oq'uesinaic oq'ues ta wits Sión. Tsobaic te yajwal lum, coma awe'elic;

Levítico 23:1

Te Cajwaltic la sc'opon te Moisés, jich la yalbey:

Levítico 23:21

“Ja' nix ta yorail a, ya me apasic ch'ul tsoblej, ma me ayuc bila at'elil ya xju' ya apasic. Te jmandal stalel me ya xjil, ya me xch'uunic me'il-tatiletic soc alnich'anetic ta cajalcaj ta bayuc ayuquex ta nainel.

Levítico 23:37

“Ja'ic me te sc'aalelal te bayal sc'oplal te ya yich' pasel q'uinetic ta jtojol jo'on te Ajwalilone. Ya me sc'an ya yich' alel te ja'ic te ch'ul tsoblejetic awu'unic, ja' me ta yorail a te ya awac'bonic chic'bil jmajt'an jo'on te Ajwalilone, soc majt'anil te scojt'ol ya yich' chiq'uel, majt'anil harina, majt'anil vino, chican te bila pasel ya sc'an te jujun sc'aalelal te q'uinetique.

Levítico 23:4

“Ja' in ajtal to bayal sc'oplal yu'un ya yich' pasel a te ch'ul tsoblejetic swenta quich'jibal ta muc' jo'on te Ajwalilon, ja'ic in to:

Levítico 23:44

Jich la yalbey te israeletic te Moisés, jich la yac'bey sna'ic te bitic c'aalil te tsabil te bayal sc'oplal ta stojol Cajwaltique.

Nahúm 1:15

¡Ilawilic! Ya xtalix ta sba witstiquil te mach'a ya xtal yalbey sc'oplal te lamal q'uinale. Ja'at Judá, pasa te q'uinetic awu'une; c'otesa ta pasel te bitic awaloj ta jamale. Mero ma me xyochintayatix te mach'atic amen yo'tanique; jc'axel la yich'iquix jinel.

Números 10:10

Soc oq'uesinaic oq'uesetic ta sc'aalelal sbujts' q'uinal ya awaiyic ta q'uin, o ja' te yach'il u, c'alal ya awaq'uic chic'bil majt'anil soc te majt'anil swenta seña te lamal-o'tanile. Jich te jo'on ya me jna'ex. Jo'on Ajwalilon te Dioson awu'unique —xi' te Cajwaltique.

Números 29:39

“Ja'ic me majt'aniletic ya awac'bonic te bi c'aalil te albil sc'oplale, soc te majt'anil te ya sc'otes ta pasel a te bila xchapoje, teme majt'anil te spasemal yo'tan ya yaq'ue, teme ja' te scojt'ol ya yac' ta chiq'uele, teme majt'anil harina soc vino, o ja' te majt'anil swenta seña lamal-o'tanile”, uta me —xi' te Cajwaltique.

San Juan 5:1

Patil la sta yorail q'uin yu'un te judioetique. Jich cha'mo xan bael ta Jerusalén te Jesuse.

Colosenses 2:1

Ya jc'an te ya ana'ic stojol te bit'il tulan yacon ta at'el ta jcoltaybelex ja'ex soc uuc te quermanotactic te ayic ta lum Laodicea, soc spisil te quermanotactic te ma ba yilojbonic jsite.

Colosenses 2:16

Jich yu'un, ma me ayuc mach'a ya yich'ex ta c'op yu'un te bila ya awe'elinic soc te bila ya awuch'ique, soc te bit'il ay sc'oplal te sc'aalelal te q'uinetique, soc yuninal te ue, soc te sc'aalelal cux-o'tane.