Levítico 2:4 - Bible in Tzeltal de Oxchuc y Tenejapa

⁴ “Teme la awac'bon jmajt'anin harina te wobil ta horno, pimil waj me xawac'bon soc ja'uc me pasbil a te buen lequil harina wots'bil soc aceite, pero ma me ayuc slevadurail, o teme ja' te jayal waj ma ba yich'oj levadura te yich'oj tsijts'anel ta aceite.

Bible in Tzeltal Bachajón

⁴ C'alal yac awac' mahtanil harina te ta'ajem ta horno, ha me pimil pan te pasbil ta lequil harina te ma ba yich'oj levadura soc wots'bil ta aceite, o jayal pan ma ba yich'oj levadura te jaxbil nax ta aceite.

Levítico 2:4 Iomraidhean Croise

Salmos 22:14

Jich c'oemon te bit'il ja' te ya xmale; te jbaquel pitc'ujemiquix. Te co'tan jich c'oem te bit'il chabec' te ya x'ulub ta yutil te jbaq'uetale.

Éxodo 12:8

Ta ajc'ubal me, wobil me ta c'ajc' ya ati'ic te ti'bale, te ya sjoin ta tuuntesel awu'unic te ch'aal itaj soc te waj te ma ba yich'oj levadura.

Éxodo 16:31

Te israeletic maná c'ot sbiil yu'unic te bila la stam swe'ique. Saquic jichuc sbac' culantu. Chi' jich bit'il jayal galleta te pasbil soc chabe.

Éxodo 29:2

Te lequil harina pasbil ta trigo, pasa wajetic soc pimil wajetic a te ma ba yich'ojic levadura, ja' nax me ya yich' wots'el soc aceite, soc jayal waj te ma'yuc slevadurail te yich'oj tsijts'anel ta aceite.

Isaías 42:1

“Li' ay te cabat, te mach'a ya jwentain, ja' te tsabil cu'une, te mach'a bin nax co'tan yu'une. Cac'ojbey ta stojol te espíritu cu'un swenta yu'un ya me yich' tel te stojil ta chajbanel ta spisil te nacionetique.

Isaías 61:1

Te espíritu yu'un Cajwaltic ay ta jtojol. Melel te Cajwaltic stsaojon soc sticunejon tel ta yalel sc'oplal te lec yach'il c'op ta stojol te me'baetique, tal cac' lamajuc xchamelic te mach'a ay swocolique, tal calbey te ya x'ac'otic ta libre te mach'atic ayic ta mosoile, soc te ya xjilic ta libre mach'atic ayic ta chuquele.

Ezequiel 46:20

Jich la yalbon: —Li' me te banti ya stac'ajtes te sbaq'uetal chambalametic te sacerdoteetique, ja' te ya yich' aq'uel ta milbil majt'anil yu'un falta staojique te mach'a ya xju' yu'un yac'beyel sjelol, soc te ya spayic te harina ya yich' aq'uel ta smajt'an Diose. Jich me ma puersauc ya yich' loq'uesel bael ta amac' ta spat te biluque, ni ja'uc te lum ya x'och sta sba soc te bitic ch'ultesbile —xi'.

Levítico 1:11

Ya me sbojbey snuc' ta stojol norte yu'un te scajtijib ta chiq'uel majt'anil ta jtojol jo'on te Ajwalilone. Te snich'nab Aarón, ja' te sacerdoteetic cu'un, ya me stsijts'anbeyic ta xch'ich'el chambalam ta sjoyobal ta spat soc te scajtijib ta chiq'uel jmajt'ane.

Levítico 10:12

Patil te Moisés la yalbey te Aarón, soc uuc te Eleazar soc te Itamar, ja' te cheb xan snich'nab jilem Aarón: —Tsacaic te majt'anil harina te jilem te ja' sobrail te chic'bil majt'aniletic la yich' aq'uel ta stojol te Cajwaltique, we'aic te bila ma'yuc slevadurail ta nopol scajtijib ta chiq'uel majt'anil, melel mero ch'ultesbil.

Levítico 6:17

Ma me xju' ya yich' payel soc levadura. Ja'ic cac'ojbeyic yu'un ya xc'ot ta swentaic te bay c'alal ya xjil te chic'bil majt'anil cu'un te bila mero ch'ultesbile. Ja' nix jich te bit'il milbil majt'anil yu'un te mach'a ya sta smule, soc milbil majt'anil yu'un te mach'a ya yaiy lo'laywanej.

Levítico 7:12

Teme ja' te milbil majt'anil swenta yalel wocol ta jtojol jo'on te Ajwalilone, ya me yich' aq'uel soc te pimil waj ma ba yich'oj levadura te ya yich' wots'el soc aceite; soc te jayal waj ma ba yich'oj levadura te tsijts'anbil nax ta aceite; soc pimil waj pasbil ta harina, ja' me te mero leque, ya me yich' wots'el soc aceite.

Números 6:15

Soc ya me yich' aq'uel jun ch'in moch wajetic te lec pasbil ta harina, te ma ba yich'oj levadura, te wots'bil soc aceite; soc te jayal waj te ma ba yich'oj levadura, te ja' nax tsijts'anbil ta aceite, ya me sjoin te majt'anil harina soc vino.

San Mateo 26:38

Jich la yal: —Bayal ayon ta mel-o'tan. Jlajelonix ya caiy. Jilanic li'to te ja'exe. Pajal me ac'a jwic' jsitic —xi' te Jesuse.

San Juan 12:27

“Ta ora to bayal ayon ta mel-o'tan. ¿Bi ya cal yu'un? ¿Ya bal cal: “Jtat, coltayawon te bila ya xc'ot ta pasel ta jtojole”, xoon bal? Ja'uc me to, ja' talemon yu'un.

San Juan 3:34

Melel te mach'a ticunbil yu'un te Diose, ja' ya yal te sc'op Diose, yu'un ma p'isbiluc nax Espíritu ya yac' te Diose.

Hebreos 7:26

Jich te Jesuse, ja' Muc' Sacerdote te ya xju' yu'un ya scoltayotique, ch'ul Dios stuquel, ma sna' sleel smul, ma'yuc mulil quechel ta swenta, ma ba slac'oj sba soc te jmulawiletique, soc ic'otix moel c'alal ta stoyolil te ch'ulchane.

1 Pedro 2:1

Jich yu'un jc'axel me ac'a jiluc awu'unic spisil ta jchajp te bila amen ta pasele, soc spisil te lo'laywaneje, te cha'lam-o'tanil, te bic'tal-o'tanile, soc jiluc me awu'unic spisil ta jchajp le-mulil.

1 Pedro 2:22

Ma'yuc la sle smul stuquel te Cristoe soc ma ba lo'laywan ta c'op.