Levítico 2:12 - Bible in Tzeltal de Oxchuc y Tenejapa

¹² Ya xju' ya awac'bonic jmajt'anin levadura soc chab swenta sba sit awawal-ats'unubic, pero ma me xachiq'uic ta scajtijib jmajt'an swenta bujts'an yic' ta jtojol jo'on te Ajwalilone.

Bible in Tzeltal Bachajón

¹² Ya xhu' yac awa'beyic smahtanin Jehová scuenta sba sit, pero ma me xachiq'uic ta scajtajib ta chiq'uel mahtanil scuenta sumet yic'.

Levítico 2:12 Iomraidhean Croise

Génesis 23:17

Jich te Abraham la smanbey sq'uinal Efrón, ja' te ch'in sq'uinal te ay ta Macpela, te ay ta stojol sloq'uib c'aal yu'un Mamre. La yich' te q'uinal, soc te nailch'en, soc te jayeb ste'el ta sejpele.

2 Crónicas 31:5

Ja' mandalil te pujc' bael ta stojol te israeletic, jich mero bayal la yaq'uic, ja' la yaq'uic te bay lequic te loq'uem yu'unique: trigo, vino, aceite, chab soc spisil te bitic sit awalts'unubil ta q'uinale. Soc la yich'ic bael jujun ta slajunebal ta spisil te bitic ay yu'unique, c'ax bayal ta jyalel.

Éxodo 22:29

“Ma me wocoluc ya awich'bonic tel jmajt'anin sba sit te awawal soc te sba ya'lel te ats'usube. “Ya me awac'bonic te sba anich'anique.

Éxodo 23:19

“Te bay mero lec sba sit te awawal-ats'unubic, ya me awich'ic tel ta templo cu'un te Ajwalilon te Dioson awu'unique. “Ma me xapay alal tentsun ta ya'lel xchu' te sme'e.

Éxodo 34:22

“Pasa q'uin yu'un Semanaetic, ja' sq'uinul te sba sit trigo, soc pasa yan q'uin yu'un te c'ajoj te ay ta slajibal ja'wile.

Levítico 23:10

—Albeya te israeletic te bila ya calbate: “Te c'alal ya x'ochex bael ta q'uinal te ya cac'beyexe, te c'alal ya aset'ic te bila sbabial ya xloc' sit, ya me awac'beyic ta stojol sacerdote te sba tomol ya xloc' ta set'el awu'unique.

Levítico 23:17

Ya me awich'ic tel te bitic ay awu'unic ta anaic, ja' me te cheb wajetic te yich'oj pasel ta mero lequil harina, yich'oj tac'ajtesel soc levadura te panetic, chaneb kilo yalal juju-jpejch', swenta toyilayel majt'anil sba sit awawal-ats'unub ta jtojol jo'on te Ajwalilone.

Levítico 7:13

Ja' nix ya sjoin te pimil waj yich'oj levadura te milbil majt'anil swenta yalel wocol ta jtojole, soc swenta lamal-o'tanile.

Números 15:20

Ya me awac'bonic jtebuc harina te loq'uel to te sbabial ya yich' wots'el, ya me achajbanbonic waj jmajt'anin.

Números 18:12

Soc ya cac'bat te sbabial sit yawal-sts'unub israeletic te ya yich'bonic tel jujun ja'wil: ja' te lequil aceite, te lequil vino soc te lequil trigo.

1 Corintios 15:20

Ja'uc me to, smelelil te cha'cux tel ta bay animaetic te Cristoe. Ja' sbabial cha'cux tel yu'un te mach'atic wayemique.

Deuteronomio 26:10

Ja' yu'un la quich' tel yo'tic te sba sit te lumq'uinal la awac'bon ja'at te Cajwalat te Diosat cu'untique”, xaat me. “Ja' me yorail a ya me apajch'anbey ta stojol te Cajwaltic te Dios cu'untique, soc ya me aquejan aba ta stojol.

Apocalipsis 14:4

Ja'ic te mach'atic ma ba la sboltes sbaic soc te antsetique, melel ju' yu'unic te ma ba nujbinique. Ja'ic nax stuquelic te ya stsac'linic te Alalchije, chican te banti ya xbajt'e, soc ja'ic te coltaybilic loq'uel ta yolil te ants-winiquetique, swenta yu'un ja'ic sba sit c'oem ta stojol te Diose soc te Alalchije.