Levítico 2:10 - Bible in Tzeltal de Oxchuc y Tenejapa

¹⁰ Ta bay c'alal ya xjil te jmajt'an, te ja' mero ch'ultesbil a te bit'il yantic jmajt'an te ya yich' chiq'uel ta swenta quich'el ta muq'ue, ja' me yu'un stuquel te Aarón soc te patil alnich'anetic yu'une.

Bible in Tzeltal Bachajón

¹⁰ Te jayeb ya xhil yu'un te mahtanil, ha yu'un Aarón soc te snich'nabe. Ha te bin mero ch'ultesbil yu'un te mahtaniletic ya yich'ic chiq'uel ta stojol Jehová.

Levítico 2:10 Iomraidhean Croise

2 Crónicas 31:14

Te mach'a ya scanantay te yochibal templo te ay ta sloq'uib c'aal te Coré sbiil, te snich'an Imna, ja' swentainej te majt'anil te la yaq'uic ta spasemal yo'tanic ta swenta Dios te israeletique, soc ay ta swenta te ya yich' puquel te majt'anil ta swenta Cajwaltic soc te bitic ch'ultesbil ta stojol te Diose.

Esdras 2:63

Soc xan te ajwalil la yal mandal te ma xju' ya swe'ic te we'eliletic ch'ultesbil ja' to teme ay jtul sacerdote te ya sjojc'o ta swenta Urim soc Tumim.

Ezequiel 44:29

Ya me xju' ya swe'ic te trigo o cebada ya yac'bonic te israeletique, soc te chambalametic ya yich'ic milel yu'un mulil soc te majt'anil yu'un te falta staojique. Ta spisil te bi ch'ultesbil ya yac'bonic te israeletique, ja' me yu'unic stuquelic.

Ezequiel 46:20

Jich la yalbon: —Li' me te banti ya stac'ajtes te sbaq'uetal chambalametic te sacerdoteetique, ja' te ya yich' aq'uel ta milbil majt'anil yu'un falta staojique te mach'a ya xju' yu'un yac'beyel sjelol, soc te ya spayic te harina ya yich' aq'uel ta smajt'an Diose. Jich me ma puersauc ya yich' loq'uesel bael ta amac' ta spat te biluque, ni ja'uc te lum ya x'och sta sba soc te bitic ch'ultesbile —xi'.

Levítico 10:12

Patil te Moisés la yalbey te Aarón, soc uuc te Eleazar soc te Itamar, ja' te cheb xan snich'nab jilem Aarón: —Tsacaic te majt'anil harina te jilem te ja' sobrail te chic'bil majt'aniletic la yich' aq'uel ta stojol te Cajwaltique, we'aic te bila ma'yuc slevadurail ta nopol scajtijib ta chiq'uel majt'anil, melel mero ch'ultesbil.

Levítico 14:13

Ya me smil te chij ta ch'ul awilal te banti ya yich' bojel snuq'uic te chambalametic, te ya yich'ic aq'uel swenta milbil majt'aniletic yu'un mulil, soc te ya yich' aq'uel swenta majt'anil te scojt'ol ya yich' chiq'uele. Te milbil majt'anil yu'un te falta staoje, ja' me yu'un te sacerdote pajal soc te milbil majt'anil yu'un mulile, melel mero ch'ultesbil.

Levítico 2:3

Te bay c'alal ya xjil xan te jmajt'ane, te ja' mero ch'ultesbil te c'axem jich a te bit'il yantic jmajt'an te ya yich' chiq'uel ta swenta quich'el ta muc' jo'on, ja' me yu'un stuquel te Aarón soc te patil alnich'anetic yu'une.

Levítico 21:22

Ya xju' ya swe' te waj cu'une, pajal sc'oplal te ch'ultesbil, soc te mero ch'ultesbile,

Levítico 5:13

Te sacerdote jich me ya stabey perdón ta stojol te mach'a staoj smule, chican te bila mulile, jich me pasbil perdón ya xc'ot a te smule. Te bay c'alal ya xjil te majt'anil harina, ja' me ya yich' te sacerdote, jich te bit'il spisil majt'anil harina.” Jich me ya awal ta stojolic —xi' te Cajwaltique.

Levítico 6:16

Te sobra xan ya xjil te majt'anile, ja' me ya swe'elin soc snich'nab te Aarón, ma'yuc slevadurail ya swe'ic ta yawil ch'ultesbil ta yamac'ul te Nailpac' te banti ya quich' c'oponele.

Levítico 6:23

Ta spisil te majt'aniletic ya yac' te sacerdoteetic, ya me sc'an te mero jc'axel ya yich' lajinel ta chiq'uele, ma me ayuc mach'a ya xju' ya swe'elin —xi'.

Levítico 6:9

—Ac'beya sna' te Aarón soc te snich'nab te bit'il ya sc'an ya spasic te majt'aniletic te scojt'ol ya yich' chiq'uele, jich me xawalbey: “Te chambalam ya yich' milel, ya me yich' aq'uel jilel sjunal ajc'ubal ta sba ac'al ta scajtijib, swenta yu'un ya xchic'ot yu'un a te c'ajq'ue.

Levítico 7:7

“Te majt'anil yu'un te mach'a ay sfalta scaj te la yu'unin te bila ma yu'unuque, pajal nix soc te majt'anil yu'un te mach'a ya sta smule, pajal me ya yich' pasel ta xchebal: te majt'anile ja' me yu'un te sacerdote ya x'at'ej ta sc'anel te perdone.

Números 18:9

Te milbil majt'aniletic te ma ba ya yich' chiq'uel, tey me ya xloc' awu'un ta spisil te majt'anil harina, soc te milbil majt'aniletic yu'un mulil, soc te majt'aniletic yu'un faltaetic, te ya yac'bonic te israeletique. Spisil te ch'ul majt'aniletic, awu'un me soc te anich'nabe.

1 Samuel 2:28

Soc la jtsa loq'uel ta yolil spisil sts'umbal Israel te mach'atic ya x'ochic ta sacerdoteil cu'un, swenta yu'un ya me yac'bonic chic'bil jmajt'an ta scajtijib cu'un, soc ya me xchic'bonic pom, soc ya me slapic tel efod ta jtojol. Soc xan, te antiguo ats'umbalic la cac'bey te majt'aniletic te ya yac' ta chiq'uel te israeletic ta swenta quich'el ta muq'ue.