Levítico 2:1 - Bible in Tzeltal de Oxchuc y Tenejapa

¹ “Teme ay mach'a ya yich'bon tel jmajt'anin harina jo'on te Ajwalilon, ya me sc'an te ja' ya yich' tel harina te mero lec, soc ya me yac'bey aceite soc pom ta sba.

Bible in Tzeltal Bachajón

¹ Teme ay mach'a ya ya'be smahtanin harina te Jehová, ya me yac' lequil harina; ya ya'be aceite soc pom ta sba,

Levítico 2:1 Iomraidhean Croise

Éxodo 29:2

Te lequil harina pasbil ta trigo, pasa wajetic soc pimil wajetic a te ma ba yich'ojic levadura, ja' nax me ya yich' wots'el soc aceite, soc jayal waj te ma'yuc slevadurail te yich'oj tsijts'anel ta aceite.

Isaías 43:23

Ma la awac'bon chic'bil jmajt'an chijetic; ma la awich'on ta muc' soc milbil majt'anil. Ma ba lubat cu'un te la jc'anbat majt'anil; soc ma la cuts'inat yu'un sujbelat ta sc'anel pom.

Isaías 66:20

Ya me yiq'uic tel ta bayuc te nacionetic, ta spisil te alumal abaic te ja'exe. Ya me xtalic ta caballo, ta carreta, ta q'uechel ta silla, moel ta spat mula soc camelloetic. Ja' me majt'aniletic ta jtojol ta Jerusalén, ja' te ch'ul wits cu'une, jich bit'il majt'aniletic ya yich'ic tel te israeletic ta pocbil vasoetic ta templo cu'une. Jo'on jich la cal te Ajwalilone.

Ezequiel 46:20

Jich la yalbon: —Li' me te banti ya stac'ajtes te sbaq'uetal chambalametic te sacerdoteetique, ja' te ya yich' aq'uel ta milbil majt'anil yu'un falta staojique te mach'a ya xju' yu'un yac'beyel sjelol, soc te ya spayic te harina ya yich' aq'uel ta smajt'an Diose. Jich me ma puersauc ya yich' loq'uesel bael ta amac' ta spat te biluque, ni ja'uc te lum ya x'och sta sba soc te bitic ch'ultesbile —xi'.

Joel 1:9

jich nix yacalic ta oq'uel te sacerdoteetic. Melel ta templo ma'yuquix sit trigo tey a soc ma'yuquix vino yu'un smajt'an Cajwaltic.

Joel 2:14

Ma wan ya yac'beyex castigo, ya wan sticunbeyex bendición: sit trigo soc vino yu'un smajt'an te Awajwalic, te Dios awu'unique.

Levítico 14:10

Ta swaxaquebal c'aal ya stsac cheb chijetic te ma'yuc bila boloben ta sbaq'uetal, soc jcojt' me' chij te jun to nax ya'wilal te ma'yuc bila boloben ta sbaq'uetal; soc xan, ya me yich' tel olil sjuqueb kilo te mero lequil harina wots'bil soc aceite swenta majt'anil trigo, soc jteb ma sta olil litro aceite.

Levítico 24:7

Ya me awac'bey lequil pom ta juju-jchol, ya me xtuun soc ta swenta majt'anil yu'un jna'jibal. Te pom ya yich' chiq'uel swenta quich'jibal ta muc' jo'on te Ajwalilone.

Levítico 5:11

“Teme mero ma xju' yu'un smanel te cheb puliwoquetic, o cheb alal stsumutetic, ya me xju' ya yich'bon tel ta swenta jmajt'an yu'un smul cheb kilo mero lequil harina. Ma me xju' ya yac'bey aceite, soc ma me xyac'bey pom ta sba, melel ja' te majt'anil yu'un te mulile.

Levítico 6:7

Te sacerdote jich me ya stabey perdón yu'un Cajwaltic ta swenta te bila mulil te la spas te mach'a la sta falta, jich me pasbil perdón ya xjil yu'un te smule —xi' te Cajwaltique.

Levítico 9:17

Soc la yac' te majt'anil harina, la stsac jojp, la xchic' ta scajtijib soc te majt'aniletic te ya yich' chiq'uel ta jujun sabe.

Levítico 9:4

soc xan jcojt' wacax soc jcojt' tat chij swenta yu'un ya yich' milel smajt'anin te Cajwaltic swenta te lamal-o'tanile. Ac'a me yich'ic tel soc majt'anil harina, wots'bil me soc aceite, melel ya me xtal ta atojolic yo'tic te Cajwaltique —xi' te Moisese.

Malaquías 1:11

Ta spisil nacionetic ta balumilal ay mach'atic te yich'ojonic ta muq'ue; ta bayuc ta spisil ya xchiq'uic pom ta swenta quich'jibal ta muc', soc ya yac'bonic majt'aniletic te lequique.

Números 18:9

Te milbil majt'aniletic te ma ba ya yich' chiq'uel, tey me ya xloc' awu'un ta spisil te majt'anil harina, soc te milbil majt'aniletic yu'un mulil, soc te majt'aniletic yu'un faltaetic, te ya yac'bonic te israeletique. Spisil te ch'ul majt'aniletic, awu'un me soc te anich'nabe.

Números 28:5

Te majt'anil harina cheb me kilo te mero leque, wots'bil me soc jun litro yaceiteil oliva.

Números 29:18

Soc ya me yich' aq'uel ta majt'anil te harina soc vino, jich nix me te bit'il yajtalul te toroetic, te tat chijetic soc te alal tat chijetic, jich te bit'il caloj mandal.

Números 7:13

Te majt'anile, ja' jun muc'ul plato pasbil ta plata, jmil soc lajuneb xcha'winic xcha'bajc' (1,430) gramo te yalale; soc jun muc'ul taza te pasbil ta plata te ay lajuneb sbalunlajunwinic xcha'bajc' (770) gramo (jich ay yalal te jun gramo te bit'il chapal ta ch'ul awilal). Pajal nojelic soc lequil harina te yich'oj wots'el soc aceite ta swenta smajt'an Dios;

Números 7:19

Jich nix yipal la yac' te bit'il Naasón.

Números 8:8

Ac'a me stsaquic jcojt' toro soc jtebuc lequil harina wots'bil soc aceite ta swenta majt'anil harina, soc yan xan jcojt' toro ta swenta milbil majt'anil yu'un te mulile.

San Juan 6:35

Jesús jich la yalbey: —Jo'on wajon yu'un te cuxlejale. Te mach'a ya xtal ta jtojole xujt' ma xwi'naj yo'tan; soc te mach'a ya xch'uunone, xujt' ma xtaquej yo'tan.

1 Juan 2:20

Yan te ja'exe, malbilix ta awo'tanic te Ch'ul Espiritue, jich spisil ya ana'iquix te bitic aye.

1 Juan 2:27

Ja'uc me to, te ja'exe malbilix ta awo'tanic te Ch'ul Espíritu te la yac'beyex te Jesucristoe, jich me jc'axel ya x'ain ta awo'tanic. Jich ma puersauc te ay mach'a ya sp'ijubtesexe. Ja' nix ya yac'beyex ana'ic stojol spisil te Espiritue. Yu'un melel spisil te bila ya yac'beyex anopic stuquele; ma lotil c'opuc te bila ya yale. Te bit'il p'ijubtesbilex yu'un te Espiritue, jich me jc'axel jun ya x'ainex soc te Cristoe.

Judas 1:20

Yan te ja'ex quermanotac te c'uxex ta co'tane, ja' me ac'a yipin awo'tanic te xch'uunjel awo'tanic te ch'ultesbile. Spisil me ora c'oponaic Dios ta swenta te Ch'ul Espiritue.

Apocalipsis 8:3

Tal yan ch'ul abat. C'o stejc'an sba ta bay sts'eel scajtijib majt'anil. Yich'oj ta sc'ab te yawil xchic'jibal pom te pasbil ta oroe. Ac'bot ta sc'ab bayal pom swenta stsac'tesjibal sc'oponel Dios yu'un te mach'atic ch'ul lum yu'un te Diose. La yac' ta sba te scajtijib majt'anil te pasbil ta oro te ay ta stojol te muc'ul nactijibale.