Levítico 16:3 - Bible in Tzeltal de Oxchuc y Tenejapa

³ Te Aarón ya me x'och bael ta yutil te ch'ul awilal, pero ya me yic' tel jcojt' toro swenta milbil majt'anil yu'un mulil, soc jcojt' tat chij swenta yu'un ya x'och ta majt'anil te scojt'ol ya yich' chiq'uele.

Bible in Tzeltal Bachajón

³ Hich ya x'och bahel te Aarón ta ch'ul awilal: Ya x'och soc jcoht jcolel toro scuenta mahtanil yu'un mulil soc jcoht tat tuminchij scuenta scohtol chic'bil mahtanil.

Levítico 16:3 Iomraidhean Croise

Levítico 1:10

“Teme xchij, o teme stentsun te chambalam ya yac'bon jmajt'anin te scojt'ol ya yich' chiq'uele, ya me sc'an ja' te stat te ma'yuc bila boloben ta sbaq'uetal.

Levítico 1:3

“Teme wacax te chambalam ya yac'bon ta jmajt'an te scojt'ol ya yich' chiq'uele, ya me sc'an te ja' te toro te ma'yuc bila boloben ta sbaq'uetal. Swenta yu'un ya stsacbot a te majt'anil, ya me sc'an ya yac'bon ta jtojol jo'on te Ajwalilon ta stojol te yochibal Nailpac' te banti ya quich' c'oponele.

Levítico 16:6

Ya me yac' te toro swenta milbil majt'anil yu'un smul, swenta yu'un jich ya sta te perdón yu'un smul soc nix te smul te mach'atic ay yu'une.

Levítico 4:1

Te Cajwaltic la sc'opon te Moisés, jich la yalbey:

Levítico 4:3

“Teme ja' te muc'ul sacerdote cu'un te ya sta smule, te jich ya yac'bey sta smul uuc a te yajwal lume, ya me sc'an te ya yac'bon jmajt'anin jo'on te Ajwalilon jcojt' toro te ma'yuc bila boloben ta sbaq'uetal, swenta milbil majt'anil yu'un te mulil c'oem ta pasele.

Levítico 8:14

Patil te Moisés la yac' ta iq'uel tel toro ya yich' milel yu'un te mach'a ya sta smule. Te Aarón soc te snich'nab la scajan sc'abic ta sjol te toro.

Levítico 8:18

Te Moisés la yac' ta iq'uel tel te tat chij ya yich' milel swenta majt'anil te scojt'ol ya yich' chiq'uele. Te Aarón soc te snich'nabe, la scajan sc'abic ta sjol te chije.

Levítico 9:2

Jich la yalbey te Aarón: —Ic'a tel jcojt' toro yu'un ya yich' aq'uel ta milbil majt'anil yu'un te amulique, soc jcojt' tat chij te ma'yuc bila boloben ta sbaq'uetal, yu'un ya yich' aq'uel swenta majt'anil te scojt'ol ya yich' chiq'uele. Ya me awac'bey ta stojol te Cajwaltique.

Levítico 9:3

Te israeletic albeya, ac'a stsaquic tel jcojt' tat tentsun swenta milbil majt'anil yu'un mulil, jcojt' toro soc jcojt' chij, pero ja' me te c'axem ta jun ja'wile, ja'ic me te ma'yuc bila boloben ta sbaq'uetal, swenta yu'un ya me yich' aq'uel ta swenta majt'anil te scojt'ol ya yich' chiq'uel,

Hebreos 9:12

Tey ochemix stuquel a te Cristo ta banti te Mero Ch'ul Awilale. Soc ma ja'uc xch'ich'el tat tentsun soc xch'ich'el alal wacax te c'o yac' ta ilel ta stojol te Diose. Ja' c'o yac' stuquel te xch'ich'ele. Jc'axel ochemix tey a ta bay te Mero Ch'ul Awilale. Jich la swejt'esbotiquix jcoleltic yu'un jmultic sbajt'el q'uinal.

Hebreos 9:7

Yan ta bay te xcha'tsalale, ja' nax stuquel te muc' sacerdote te ya x'och bael jun buelta ta jun ja'wil. In te c'alal ya x'och baele, puersa ya yich' ochel xch'ich'el chambalametic te ya xc'o stsijts'an tey a swenta xch'ayjibal te smule soc xch'ayjibal smul uuc te slumale te ma'yuc ta yo'tanic te bila mulil te la spasique.