Levítico 16:2 - Bible in Tzeltal de Oxchuc y Tenejapa

² Jich la yalbey te Moisese: —Albeya te abanquil Aarón, te ma me biluc nax ora ya x'och bael ta yutil ch'ul awilal ta spat te pac' t'imile, soc ma me xnoptsaj bael ta banti te yawil perdón te ay ta sba te caja, swenta yu'un jich ma xlaj a. Melel ya me xchicnajon ta ilel ta sba tocal.

Bible in Tzeltal Bachajón

² Te Jehová la yalbe te Moisés: Halbeya te abanquil Aarón te ma biluc nax ora ya x'och bahel ta yutil te ch'ul awilal ta spat te tsalul pac', ta stojol te yawil stahel perdón te ay ta sba te scaxahul te chapbil-c'op, scuenta yu'un ma ba ya xcham a; como ya cac' chicnajucon ta tocal ta sba te yawil stahel perdón.

Levítico 16:2 Iomraidhean Croise

1 Reyes 6:16

Soc ta slajibal yutil te templo te ay baluneb metro snajt'ile, la smac ta ch'ujte' yu'un cedro ta toyol c'alal ta ye'tal. La xchajban ta lec, swenta yu'un ja' me ya xtuun ta Mero Ch'ul Awilal.

1 Reyes 8:6

Patil te sacerdoteetic la yich'ic bael te scajonil trato yu'un Cajwaltic, la yich'ic ochel ta yutil templo c'alal ta Mero Ch'ul Awilal. C'o yaq'uic ta ye'tal xic' te sloc'omba querubinetique.

2 Crónicas 5:14

Ta scaj te tocale, ma ju'ix yu'unic te sacerdoteetic te ya x'ainic tey a ta yalel wocol, melel te yutsilal xojobil te Cajwaltique noj ta templo.

Éxodo 30:10

Ja' in scajtijib jmajt'an to ja' nax me cu'un jtuquel te Ajwalilone. Te Aarón jun me buelta jujun ja'wil ya yac'bey ch'ich' te xulubiletic yu'un te scajtijib jmajt'ane, ja' me xch'ich'el te milbil jmajt'an te ya yich' tael perdón yu'un a te amulique. Jun me buelta jujun ja'wil, pero spisil me ja'wil ya yich' ac'ulayel te xch'ich'el milbil jmajt'an, swenta yu'un ya ataic perdón yu'un a te amulique —xi' te Cajwaltique.

Levítico 16:13

Ya me yac' ochel te pom ta sba ac'al ta jtojol jo'on te Ajwalilone, te xch'ailel pom ya me spots te yawil perdón ay ta sba te scajail trato. Jich me ma xlaj a te Aarón.

Levítico 16:34

“Ja' in to ja' me mandal ta atojolic te ma'yuc bi ora ya xlaj sc'oplal awu'unique: jun buelta ta jun ja'wil ya apasic te bila ya yich' pasulayel ta swenta stael perdón yu'un te amulique, ja' te muliletic spasojic te alumal israele. Jich me ya xc'o awal ta stojolic —xi' te Cajwaltique. Mero jich la yich' pasel te bit'il albot yu'un Cajwaltic te Moisese.

Levítico 23:27

—Ta slajunebal c'aal sjajch'el te sjuquebal u, ya me xc'ot Sc'aalelal Perdón. Ya me sc'an te ya apasic ch'ul tsoblej, soc ya me acom awe'elic ta sjunal c'aal. Ya me achiq'uic majt'anil swenta quich'jibal ta muc' jo'on te Ajwalilone.

Levítico 8:35

Ja' yu'un ya me sc'an te ya x'ainex juqueb c'aal soc juqueb ajc'ubal ta stojol te yochibal Nailpac' te banti ya yich' c'oponel te Cajwaltique. Ch'uunaic me te mandal yu'un Cajwaltic, jich me ma ba ya xlajex a, melel jich me ay te smandal Cajwaltic te la yalbone —xi' te Moisese.

Números 17:10

Jich yu'un te Cajwaltic la yalbey te Moisés: —Baan ac'a xan te sbastón Aarón ta stojol te scajonil trato, q'ueja tey a swenta sjultesibal stsa te jtoyba lume. Jich me ya xcomic ta bol c'op ta jtojol a, soc jich ma xlajic —xi' te Cajwaltique.

Números 18:7

Ja'at nax me atuquel soc anich'nab te ya xju' ya apasic te at'el ta sacerdoteil ta bay scajtijib majt'anil, soc biluc ya xjajch' ta pasel ta yutil te paq'ue. Te at'el ja'ex ay ta awentaic, melel jo'on cac'ojbeyex ta awentaic te at'el ta sacerdoteile. Teme ay mach'a ya x'at'ej ta sacerdoteil te ma'yuc ta swenta, ya me yich' castigo ta milel —xi' te Cajwaltique.

Números 4:19

Ma me staic castigo ta lajel ta scaj nax teme la spiquic te bitic ch'ultesbile. Jich me ya sc'an ya spasic te bit'il in to: Te Aarón soc snich'nab ja' me ya swentainic yalel juju-jtul te bila ya sc'an ya spasic soc te bila ya xc'ot ta swenta yich'el baele.

Números 4:5

Te c'alal ya xjajch'iquix ta beel te israeletique, te Aarón soc snich'nab ya sloq'uesic te pac' ya smac ta olil te ch'ul awilal, ja' me ya smuquic bael a te scajonil trato.

San Mateo 27:51

Jich ora jats coel tel c'alal sba c'alal ye'tal te pac' tsalbil a te temploe. Nijc' te lum q'uinale, soc jat te ch'entiquile.

Hebreos 6:19

Ja' snitojbotic co'tantic jich bit'il nitil ta ancla-taq'uin ta yejt'al ja' te barcoe. Jich ma xjowejotic. Ja' ayotic ta smaliyel te Mach'a ochemix tey a ta bay yutil te pac' tsalbil a te templo ta ch'ulchane.

Hebreos 9:25

Yan te muc' sacerdote te ay ta balumilale jujun to ja'wil ya x'och bael ta bay Mero Ch'ul Awilal te ya xc'o stsijts'an ta stojol Dios te ch'ich' te ma ja'uc xch'ich'el stuquele. Yan te Cristoe ma ba ya yac'ulay sba ta lajel bayal buelta stuquel.

Hebreos 9:3

Ta spat te xcha'tsalal spac'ul te nailpac' temploe, ja' Mero Ch'ul Awilal sbiil.

Hebreos 9:5

Ta sba te caxae ay querubinetic te ja' seña te tey ay a te Diose. Yaxintesejic ta xiq'uic te banti ya yich' ch'ayel te mulile. Ta ora to, ma ja'uc ya jcholbey xan sc'oplal spisil in to.

Apocalipsis 15:8

Noj ta ch'ail te temploe. Ja' xch'ailel xojobil yutsilal soc yu'el te Diose. Jtul ma'yuc mach'a ya xju' yu'un te ya x'och tey a ja' to teme lajix ta pasel a te juqueb castigoetic yich'oj ta sc'abic te juctul ch'ul abatetique.