Levítico 13:3 - Bible in Tzeltal de Oxchuc y Tenejapa

³ Te sacerdote ya me stsajtay yil ta lec te chamel ay ta snujc'ulel, teme sacuben te stsotsil ta banti ay te xchamele, soc teme pujulix ochel yu'un te snujc'ulele, mero ja' me te c'a'el-chamele. Teme la stsajtayix yil ta lec te sacerdote, ya me yal ta jamal te ma lecuquix sc'oplale.

Bible in Tzeltal Bachajón

³ Te sacerdote ya me yil te c'a'el ay ta snuhculel, teme sacuben te stsotsel ta banti ay te c'a'ele, soc teme hich yilel te bin ut'il lohmajemix cohel yu'un te snuhculel, ha me c'a'el-chamel abi. Teme la stsahtayix yil ta lec te sacerdote ya me yalbe te bohloben sc'oblal.

Levítico 13:3 Iomraidhean Croise

Génesis 13:3

C'ax tel ta Néguev, c'unc'un c'ot ta Betel ta bay la stejc'an snailpac' ta neelal, olil be ay yu'un Betel soc yu'un Hai.

Ezequiel 16:30

Jo'on Ajwalilon te jich ya cale: Mero boloben awo'tan ta jtojol a te la apasbey te yat'el jmulawil ants, te ma ba q'uexawat ta spasele.

Ezequiel 44:23

“Te sacerdoteetic ya me yac'beyic snop stsajtayel te lum cu'un te bila ch'ultesbile soc te bila ma ch'ultesbiluque, te bila lec sc'oplale soc te bila ma lecuc sc'oplale.

Oseas 7:9

Mero ma ba ya xc'ot ta yo'tan te ja' lajinbot yip yu'un te jyanlumetique. Asta te stsotsil sjol ma sna' stojol teme sacubenixe.

Levítico 10:10

swenta yu'un jich me ya ana'ic stsajtayel a te bila ch'ultesbile, soc te bila ma ba ch'ultesbiluque, soc te bila lec sc'oplale soc te bila ma lecuc sc'oplale;

Levítico 13:10

Te sacerdote ya me stsajtay yil ta lec, teme yac ta sacubel te sijt'emal te snujc'ulele, soc teme yac ta sacubel te stsotsile, teme chican ta ilel te sijt'emale,

Levítico 13:2

—Teme ay mach'a sijt'em te sbaq'uetale, teme saluben, teme yac ta bolobel snujc'ulel yilele, o teme ay sc'a'el te jich yilel te bit'il c'a'el-chamel, ya me yich' iq'uel bael ta stojol sacerdote Aarón, o ja' te sacerdoteetic te ja' patil alnich'anetic yu'une.

Levítico 13:20

Teme ya yil te sacerdote te ja' pujulix ochel te banti bolobene, te ja' toyol ay te snujc'ulel ay to jileme, soc teme sacubenix te stsotsile, ya me yal ta jamal te ma lecuc sc'oplal te mach'a ay ta chamele, melel te chamel yich'oje ja' te c'a'el-chamele.

Levítico 13:4

“Teme sac te banti boloben te snujc'ulele, pero teme ma ba pujul ochel yu'un te snujc'ulele, soc teme ma ja'uc sacuben te stsotsile, te sacerdote ya me smac juqueb c'aal te mach'a ay ta chamele.

Levítico 13:8

Teme la yil te sacerdote te yac ta pujq'uel bael ta sbaq'uetal te mach'a ay ta chamele, te sacerdote ya me yal ta jamal te ma lecuc sc'oplal te mach'a ay ta chamele. Melel te chamel yich'oje, ja' te c'a'el-chamel te ma squejch'aje.

Levítico 14:37

“Te c'alal ya stsajtay yil ta lec te sacerdote te bila ma lecuc sc'oplale, teme ya yil te spajc'ul na te ay c'ubenic te señailetic, teme jtebuc yax o teme tsajtsajtic, teme c'ubenic ta spajc'ul te nae,

Levítico 14:54

Ja' te bitic ya sc'an ya yich' pasel swenta slecubtesel sc'oplal te banti ya xjajch' te c'a'el-chamele,

Levítico 14:56

teme sijt'ubel, soc teme yac ta bolobel snujc'ulel te ants-winique,

Levítico 5:3

“Teme ay mach'a ya spic te bila ma lecuc sc'oplal te ay ta swenta ants-winiquetic, biluc a te ma lecuc sc'oplal ya xjil yu'une, pero teme ma ba ya sna' ta ora, teme patilix ya sna'e, ma lecuc sc'oplal ya xjil yu'un.

Hageo 2:11

—Jo'on Ajwalilon te Spisil ya xju' cu'un ya calbat te ya me ajojc'obey te sacerdoteetic bit'il c'oem ya yaiyic ta swenta te mandaliletic te c'ope:

Malaquías 2:7

Ja' me yat'elic te sacerdoteetic ta sp'ijubtesel te lum te yacuc sna'bonic jbae; soc jich me spisilic ya xtalic ta sleel p'ijubtesel ta stojolic, melel ja'ic te j'alwanejetic cu'un, jo'on Ajwalilon te spisil ya xju' cu'une.

San Mateo 16:19

Jo'on ya cac'bat syaveal ta sjamel soc smaquel ta banti ay ta ajwalinel te Dios te ay ta ch'ulchane. Te bila ya achuc li'to ta balumilale, jich chucul ya xc'ot ta ch'ulchan. Soc te bila ya achap ta balumilale, jich chapal ya xc'ot ta ch'ulchan —xi' te Jesuse.

San Juan 20:23

Te mach'a ya awac' ch'ayuc te smule, jc'axel ch'ayemix abi. Yan te mach'a ma xawac' ch'ayuc te smule, jich ma xch'ay te smule —xi' te Jesuse.

Hechos 20:28

Jich yu'un tsajtaya me abaic ja'ex, soc canantayaic ta stsojbol te chijetic ta banti yac'ojbeyex awat'elic ta scanantayel te Ch'ul Espiritue. Canantayaic te jch'uunjeletic yu'un te Cajwaltic te manbil ta xch'ich'el yu'une.

Romanos 7:7

¿Bila ya caltic yu'un jiche? ¿Mulil bal te mandalile? ¡Ma jichuc! Ja'uc me to, te manchuc ayuc te mandalile, ma la jna' te bila a te mulil te jichuque. Ma la jna' teme mulil te bic'tal-o'tanil te manchuc la yal ta jamal te mandalil te “ma me xbic'taj awo'tan”, te xie.

1 Timoteo 1:20

Jich c'otix ta swenta te Himeneo soc te Alejandro. La caq'uix ta sc'ab Satanás ta xchebalic, swenta yu'un jich me ya xp'ijubic a. Jich ma ba ya stoybac'optayic xan yan buelta te Diose.

2 Timoteo 3:13

Yan te mach'atic amen yat'elic soc te jlo'laywanejetique, yanyanic ta bolobel stuquelic. Yaquic ta lo'laywanej soc yaquic ta lo'layel uuc.

Hebreos 13:7

Juluc me ta awo'tanic te mach'atic ya x'at'ejic ta atojolique, te la xcholbeyex awaiyic te sc'op Diose. Na'aic me te bila lec ju' yu'unic spasele, soc nopbeya yo'tanic te bit'il la yac' xch'uunjel yo'tanique.

Apocalipsis 2:23

Soc ya me quejch'entes ta lajel te yalataque. Jich me ya sna'ic stojol spisil jch'uunjeletic te jna'oj te bila snopoj ta sjolic soc ta yo'tanic. Jich me ya cac'bey stoj juju-jtul, chican bi yilel te yat'elique.