Levítico 12:3 - Bible in Tzeltal de Oxchuc y Tenejapa

³ Te alal ya me yich' circuncisión te c'alal ya sta waxaqueb c'aal yayinele.

Bible in Tzeltal Bachajón

³ Ta swaxaquebal c'ahc'al ya yich' circuncisión te alale.

Levítico 12:3 Iomraidhean Croise

Éxodo 22:30

Te sba yalatac te awacaxic soc te achijique, te c'alal ya x'ayinic, juqueb me c'aal ya sjoin te sme'ique. Teme la staix waxaqueb c'aale, ya me awac'bonic.

Levítico 12:4

Pero te sme'e ya to slecubtes xan sba yu'un te ma lecuc sc'oplal yu'un te xch'ich'ele, ja' to me teme ts'acaj oxlajuneb xcha'winic (33) c'aale. Ma me xju' ya stsac biluquetic te ch'ultesbile, soc ma me xju' ya x'och ta Nailpac' Templo teme ma ba ts'acajem te jayeb c'aal te ya slecubtes sbae.

Levítico 15:3

Te bit'il ma ba lec sc'oplal yu'un te bila ya xmale, jich ay: Manchuc me ya xmal loq'uel ta sbaq'uetal, manchuc ya xmajc' ta sbaq'uetal te ma xmal loq'uele, pero puersa me ma ba lec sc'oplal ya xjil yu'un.

San Lucas 1:59

Ta xwaxaquebal c'aal a tal yilic te ya yich' circuncisión ta sbaq'uetal te alale. C'an yac'beyic sjelolin te state, ja' te Zacariase.

San Lucas 2:21

Ta waxaquebal c'aal yayinel a te alale, la spasbeyic circuncisión ta sbaq'uetal. Jesús sbiil c'ot yu'unic, jich nix te bit'il albot yu'un ch'ul abat te María te c'alal ma to yic'ojuc a te alale.

Hechos 15:1

Ay mach'atic talic ta sq'uinal Judea, tal yac'beyic snop te quermanotactic: —Teme ma xyich'ic circuncisión jich bit'il la yal mandal te Moisese, ma xju' ya xcolex —xiic.

Romanos 3:19

Jna'ojtic stojol te bit'il spisil te bila ya yal te mandalile, ja' sc'oplalic te mach'atic ayic ta swenta te mandalile, swenta yu'un jich macal yeic ya xc'ot spisilic a. Spisil ants-winiquetic quechelic ta yich'el castigo yu'un te Diose.

Gálatas 3:17

Ja' ya cal in to: Te Dios la spas trato soc te Abrahame, ja' swentail te ma teyuc laj sc'oplal a te bit'il lajuneb xcha'winic xcha'bajc' (430) ja'wil ta patil, chicnaj te mandalile. Melel te mandalil te patil chicnaje, ma ja'uc la slajinbey sc'oplal te bila la yal Dios ta stojol te Abrahame.

Gálatas 5:3

Te mach'a ya xch'uun yich'el te circuncisione, ya calbey xan yaiyic te puersa me ya xch'uun spasel spisil te bila ya yal te mandalile.

Deuteronomio 30:6

Ya me yac'beyex ta awo'tanic smarcail te trato, soc nix te patil alnich'anetic awu'unique, swenta yu'un c'ux me ya awaiyic ta spisil awo'tanic soc ta spisil ach'ulelic. Jich me ya awich' acuxlejalic a.

Filipenses 3:5

Melel te jo'one ta swaxaquebal c'aal cayinel a te la quich' ta jbaq'uetal te circuncisione, mero israel-winicon, sts'umbalon te Benjamine, mero hebreo-winicon, fariseoon yu'un te mandalile.

Colosenses 2:11

Soc te bit'il jun ayex soc te Cristoe jich la awich'ic circuncisión. Ja'uc me to, ma ja'uc te circuncisión te pasbil ta sc'ab ants-winiquetic. Ja'ix te circuncisión te la awich'ic ta swenta Dios te bit'il la ach'uunic te Cristoe. Jich colex ta libre yu'un te amulawil-baq'uetalique.