Levítico 12:2 - Bible in Tzeltal de Oxchuc y Tenejapa

² —Albeya te israeletique: “Te c'alal ya yic' yal te antse, teme ya yalatay jtul ch'in querem, juqueb me c'aal ma lecuc sc'oplal, jich te bit'il c'alal stalel ya yil te xchamele.

Bible in Tzeltal Bachajón

² Halbeya te snich'nab Israel: Te ants, c'alal ya xhahch yal soc ya yalatay tut querem, huqueb c'ahc'al bohloben sc'oblal ya xhil, hich te bin ut'il jayeb c'ahc'al bohloben sc'oblal te ya yil schamel.

Levítico 12:2 Iomraidhean Croise

Génesis 1:28

Dios la yac'bey bendición, jich la yalbey: —Esmajanic ta lec, nojesaic ta spamal te balumilale, tuuntesaic te q'uinale. Ja' me ya awentainic xchayul ja'etic soc te mutetique, soc spisil te chambalametic te ya xbeenic ta lumq'uinal —xi'.

Génesis 3:16

Te Diose jich la yalbey te antse: —Ya me xtoy awocol ta alajel, ay me xc'uxul ya x'alajat. Te bila ya sc'an te abaq'uetale, ja' me ay ta swenta te amamlale, ja' me ya ach'uunbey smandal stuquel —xi' sc'oplal.

Job 14:4

Ma'yuc mach'a ya spas te ay bila lec ya xloc' yu'un a te bila ma lecuque.

Job 15:14

Ma'yuc winic te mero leque, ma'yuc mach'a libre ay yu'un smul.

Job 25:4

¿Ya bal xju' yu'un jtul winic te ayinem ta swenta ants, te toj yo'tan soc mero lec yo'tan ta stojol te Diose?

Salmos 51:5

Ta mero melel, amenonix a te c'alal ayinone; ayonix ta mulil a te c'alal ayon to ta xch'ujt' a te jme'e.

Levítico 12:1

Te Cajwaltic la sc'opon te Moisés, jich la yalbey:

Levítico 12:5

Pero teme ch'in ach'ix te yal ya x'ayine, cheb me semana ma lecuc sc'oplal yu'un, jich te bit'il ya spas te stalel ya yil xchamele. Soc ya me slecubtes xan sba yu'un te ma lecuc sc'oplal yu'un te xch'ich'ele, ja' to teme loc' waqueb xchanwinic (66) c'aale.

Levítico 15:19

“Teme ya sta yorail te ya yil xchamel swenta jujun u te antse, ma ba lec sc'oplal ya xjil juqueb c'aal yu'un. “Mach'auc a te ya xpicot yu'un te antse, ma ba lec sc'oplal ya xjil c'alal yijc'ubel q'uinal.

Levítico 18:19

“Ma me xwayat soc ants teme ay xchamel ta swenta jujun u.

Levítico 5:3

“Teme ay mach'a ya spic te bila ma lecuc sc'oplal te ay ta swenta ants-winiquetic, biluc a te ma lecuc sc'oplal ya xjil yu'une, pero teme ma ba ya sna' ta ora, teme patilix ya sna'e, ma lecuc sc'oplal ya xjil yu'un.

San Lucas 2:22

Te c'alal c'axix a te jayeb c'aal te ya yal te mandalil yu'un Moisés te ma lecuc sc'oplalique, la yiq'uic bael ta lum Jerusalén te alale, yu'un ba yaq'uic ta stojol te Cajwaltique.