Levítico 11:8 - Bible in Tzeltal de Oxchuc y Tenejapa

⁸ “Ma me xju' ya ati'beyic sbaq'uetal te chambalametique, soc mero ma xju' ya apicbeyic sbaq'uetal te c'alal ya xlajique, yu'un ma me lecuc sc'oplal.

Bible in Tzeltal Bachajón

⁸ Ma me xawe'beyic sbaq'uetal, soc ma xapicbeyic te schamen baq'uetal; ma me lecuc sc'oblal awu'unic.

Levítico 11:8 Iomraidhean Croise

Isaías 52:11

Loc'aniquix, loc'aniquix bael ta Babilonia; ma me x'apiquic te bila ma lecuc sc'oplale, loc'aniquix bael ta Babilonia. Lecubenuquex me ta lec, ja'ex te ya awich'ic bael sbiluquil te templo yu'un te Cajwaltique.

Oseas 9:3

Efraín ya sujt' bael ta Egipto, soc ta Asiria ya me swe'elin we'elil te ilaybile. Ma me xju' ya x'ainic xan ta bay slum-sq'uinal te Cajwaltique.

Levítico 11:7

“Te chitam, manchuc me xalal slots', pero ma ba ya xcha'jach' xan swe'el, ma lecuc sc'oplal ta ti'el.

Levítico 11:9

“Te chambalametic cuxulic ta yutil ja' ta mar o ta yantic muc'ul ja', ja' nax me ya xju' ya ati'ic te ay xch'in xiq'uic soc te ay sulile.

Levítico 5:2

“Teme ay mach'a ya spic te bila ma lecuc sc'oplale, jich bit'il sbaq'uetal lajem chambalam te stalel ma lecuc xi' sc'oplale, manchuc teme ja'mal chambalam, manchuc teme ja' te alaq'uil chambalam ayic ta ana, o teme ja' te chambalametic staslajan ya xbeenic ta lum, jich ma lecuc sc'oplal ya xc'ot te mach'a la spique, manchuc me ma la sna' te la spique.

San Mateo 15:11

Ma ja'uc amen sc'oplal ya xc'ot ta stojol Dios te winic yu'un te bila ya yotses ta yee. Ja' amen sc'oplal ya xc'ot ta stojol Dios yu'un te bila ya xloc' tel ta yee —xi' te Jesuse.

San Mateo 15:20

Ta spisil in to, ja' amen sc'oplal ya xc'ot ta stojol Dios yu'un. Yan teme ma spoc sc'ab c'alal ya xwe', ma ja'uc amen sc'oplal ya xc'ot yu'un stuquel —xi' te Jesuse.

San Marcos 7:15

Ma ja'uc amen sc'oplal ya xc'ot ta stojol Dios te winique yu'un te bila ya yotses ta ye. Ja' amen sc'oplal ya xc'ot ta stojol Dios yu'un te bila ya xloc' tel ta yo'tane.

San Marcos 7:18

La yal te Jesuse: —¿Yu'un bal ma c'ot ta awo'tanic uuc te ja'exe? ¿Yu'un bal ma xc'ot ta awo'tanic te ma ja'uc amen ya xc'oex ta stojol Dios yu'un te bila ya awotsesic ta aweique?

San Marcos 7:2

La yilic te bit'il ma lecuc sc'oplal sc'abic te ochic ta we'el cha'oxtul te jnopojeletic yu'un te Jesuse, melel ma jichuc la spoc sc'abic te bit'il albil sc'oplale. Jich jajch' slebeyic smul yu'un.

Hechos 10:28

Jich te Pedro jajch' yalbey yaiyic: —Te ja'exe ya ana'ic stojol te ay mandalil cu'untic jo'otic te judiootic te ma xju' ya join jbatic soc te mach'a jyanlum, ni ya xju' ya x'ochotic ta sna. Ja'uc me to, Dios la yac'bonix jna' stojol te ma xju' cal te ma lecuc sc'oplal jtuluc ants-winic soc ma xju' ya quilay.

Hechos 15:29

Ja' in to: Ma me x'ati'ic ti'bal te yich'oj milel smajt'anin te loc'ombaetique, soc ma me x'ati'beyic sti'balul te bay ts'otbil nax snuc' yich'oj milele, soc ma me xatuuntesic te ch'ich'e, soc ma me xyalex ta mulil. Teme ya ach'uunic in mandal to, lec me ayex abi. Ja' nax abi, quermanotac”, xi' te scartaique.

Romanos 14:21

Ja' lec ma x'ati' ti'bal soc ma xawuch' vino soc ma xapas te bila ya xchebaj yo'tan awermano yu'une, te ya xyalesot yu'une, soc te ya xpejc'aj yip yo'tan yu'une.

1 Corintios 8:8

Ma ja'uc ma lecuc ya yilotic Dios yu'un te bila ya jwe'elintique. Melel ma ja'uc ya xbolobotic yu'un teme ya jti'tique, soc ma yu'unuc ja' lec ya xc'ootic yu'un teme ma jti'tique.

2 Corintios 6:17

Ja' swentail te jich la yal xane: “Loc'anic me tel ta yolilic, parte me xawac' abaic, xi' te Cajwaltique. Ma me x'atsaquic te bila ilaybile. Jich me jun nax co'tan ya quiq'uex ta jtojol.

Efesios 5:11

Ma me xajoin abaic soc ta spasel te bila ma'yuc swentail ya spasic te mach'atic ayic ta ijc' q'uinale. Alaic ta jamal te bit'il amen te bila ya spasique.

Efesios 5:7

Jich yu'un ma me xajoin abaic soc ta spasel te bila ya spasique.

Colosenses 2:16

Jich yu'un, ma me ayuc mach'a ya yich'ex ta c'op yu'un te bila ya awe'elinic soc te bila ya awuch'ique, soc te bit'il ay sc'oplal te sc'aalelal te q'uinetique, soc yuninal te ue, soc te sc'aalelal cux-o'tane.

Hebreos 9:10

Ja' nax ya yalbey sc'oplal te bila ya swe'ique soc te ya yuch'ique soc te bi yilel ya sc'an ya spoc sc'abique. Melel ja' nax ay sc'oplal ta pasel ta stojol Dios ja' to te la sta yorail te la yich' jeltayel yu'un te Diose.