Levítico 11:2 - Bible in Tzeltal de Oxchuc y Tenejapa

² —Albeyaic te israeletic: “Ta spisil chambalametic cuxulic ta q'uinal

Bible in Tzeltal Bachajón

² Halbeyahic te snich'nab Israel: Ta spisil te chambahlametic cuxajtic ta q'uinal, hich ay te ya xhu' yac awe'ic:

Levítico 11:2 Iomraidhean Croise

Ezequiel 4:14

La jac'bey te jo'one: —Pero Cajwal, te jayebix c'aal te cuxulon ta q'uinale, ma'yuc bi ora jpicoj te bila amene. Soc ma'yuc bi ora jti'ojbey sbaq'uetal chambalam te stuquel nax lajeme, o ja' te chambalam yich'oj milel yu'un yantic jti'awal chambalame. Jc'axel ma'yuc bi ora jpasoj caiy prueba sbaq'uetal chambalam te bolobene —xoon ta stojol.

Daniel 1:8

Pero Daniel ma la sc'an te ya sboltes sba yu'un te swe'el soc te vino yu'un te muc' ajwalile. Ja' yu'un la sc'anbey te jwentainwanej yu'un j'at'eletic te manchuc ya sujot ta swe'el-yuch'el te bila ya swe'-yuch' te muc' ajwalile.

Levítico 11:1

Te Cajwaltic la sc'opon te Moisés soc te Aarón, jich albotic:

Levítico 11:11

Ma me xju' ya ati'beyic sbaq'uetalic; ilaybiluc me awu'unic, soc ya me awilaybeyic te sbaq'uetalic te c'alal ya xlajique.

Levítico 11:13

“Te mutetic, ma me xju' ya ati'ic in to, ya me sc'an te ilaybil awu'unique: ja'ic te águila, quebrantahueso-mut, águila yu'un mar,

Levítico 11:21

Manchuc me ya xwilic soc ya xbeenic ta lumq'uinal, ya xju' ya ati'ic teme jun ay soc ya'ic te yacanic yu'un xlut'lon ya xwilic ta lume.

Levítico 11:29

“Te chambalametic staslajan ya xbeenic ta lumq'uinale, ma me lecuc sc'oplal awu'unic, ja'ic te sabín, ch'oetic, soc spisil ta jchajp yantic chambalametic te staslajan ya xbeenic ta lumq'uinale,

Levítico 11:3

te ya xcha'jach' xan te swe'elique, soc te xalal slots'ic, ya me xju' ya sti'ic.

Levítico 11:34

Spisil we'elil te ya xtaot yu'un ya'lel te oxome, ma me lecuc sc'oplal ya xc'ot; soc spisil bila uch'balil te ay ta oxome, ma me lecuc sc'oplal ya xjil.

Levítico 11:39

“Teme ay ya xlaj chambalametic awu'unic te lec ta ti'ele, teme ay mach'a ya spicbey te sbaq'uetale, ma me lecuc sc'oplal ya xjil c'alal ta yijc'ubel q'uinal.

Levítico 11:4

Pero ma me xju' ya sti'ic stuquel te yantic chambalametic, manchuc teme ya xcha'jach' xan swe'elic, pero ma ba xalal slots'ic, soc ay xalal slots'ic pero ma ba ya xcha'jach' xan swe'elic: “Ja' te camello, melel ya xcha'jach' xan swe'el, pero ma ba xalal slots'. Ja' yu'un ma lecuc sc'oplal ta ti'el.

Levítico 11:9

“Te chambalametic cuxulic ta yutil ja' ta mar o ta yantic muc'ul ja', ja' nax me ya xju' ya ati'ic te ay xch'in xiq'uic soc te ay sulile.

San Mateo 15:11

Ma ja'uc amen sc'oplal ya xc'ot ta stojol Dios te winic yu'un te bila ya yotses ta yee. Ja' amen sc'oplal ya xc'ot ta stojol Dios yu'un te bila ya xloc' tel ta yee —xi' te Jesuse.

Hebreos 13:9

Ma me xawac' abaic ta lo'layel ta yaiyel stojol yantic nopjibaletic te ma ja'uc yaloj te Diose. Ja' lec te ja'uc ya yich' stulanil awo'tanic yu'un te bit'il ay yutsil yo'tan ta atojolic te Diose. Ma ta swentauc we'lil te lec ya xc'oex yu'une. Melel ma'yuc bi la staic a te mach'atic la xch'uunic spasele.

Hebreos 9:10

Ja' nax ya yalbey sc'oplal te bila ya swe'ique soc te ya yuch'ique soc te bi yilel ya sc'an ya spoc sc'abique. Melel ja' nax ay sc'oplal ta pasel ta stojol Dios ja' to te la sta yorail te la yich' jeltayel yu'un te Diose.