Levítico 10:3 - Bible in Tzeltal de Oxchuc y Tenejapa

³ Patil te Moisés jich la yalbey te Aarón: —Ja' ay ta yo'tan Cajwaltic te c'alal jich la yale: “Te mach'atic ya xnoptsajic ta jtojol, ya me cac'bey yilic te jo'on te Ch'ul Diosone; ta spisil te israeletic ya me cac'bey yilic te xojobil cutsilale”, te xie —la yut. Te Aarón, ma ba c'opoj yu'un.

Bible in Tzeltal Bachajón

³ Ha yu'un te Moisés la yalbe te Aarón: Hich ay te bin yaloj te Jehová: Te mach'atic ya xnohpojic ta jtojol, ya ca'be yil te ho'on Ch'ul Dioson; ta stojol spisil te pueblo ya me x'ich'oton ta muc', xchi. Mayuc bin la yal yu'un te Aarón.

Levítico 10:3 Iomraidhean Croise

Génesis 18:25

Ma niwan jichuc ya apas te pajal ya amil te mach'atic ma'yuc smulic soc te mach'atic ay smulique, ma niwan jichuc awo'tan te pajal c'oem sc'oplalic awu'un. ¿Ma bal lecuc ya yaiy chajbanwanej te Mach'a swentainej chajbanwanej ta spamal te balumilale? —xi'.

Job 2:10

La sjac' te Job: —Ants, ma x'ana' q'uinal. Teme jun co'tantic ya quich'tic te bila lec ya yac'botic te Diose, ¿bi yu'un ma ba ya quich'tiquix a jiche te bila amen ya yac'botic tele? —xi' yu'un te Job. Jich ma la sta smul ta stojol Dios te Job. Manchuc me ay swocol, pero ma ba loc' bol c'op ta ye stuquel.

Salmos 119:120

Te jbaq'uetal ya xnijc' yu'un xiwel ta atojol; ya quich' ta muc' te bila chapal awu'une.

Salmos 148:14

Ja' yac'ojbey yip te lum yu'une. Albeyaic yutsilal ta apisilic te jun awo'tanic ta stojol, ta spisil te israeletic, te ja' lum yu'un te nopol ay ta sts'eele. ¡Bin nax yutsil te Cajwaltique!

Salmos 39:10

Ma me xamajonix, Cajwal, comaix te ac'abe, ayonix ta lajel yu'un.

Salmos 39:9

“La jcom jba, ma ba la jam que jichuc uma', melel ja'at jich la apasbon.

Salmos 46:10

“Lamana me abaic. Na'aic me te jo'on Dioson. Jo'on me toyolon yu'un spisil nacionetic; jo'on me toyolon yu'un ta spamal te balumilale”, xi' te Diose.

Salmos 89:7

Mero muc' Diosat, ayat ta xi'el; joytaybilat yu'un spisil bitic cuxajtic ta ch'ulchan.

Salmos 93:5

Cajwal, te mandaliletic awu'un mero ma xch'ay stuquelic; te ach'ul-utsilal ja' xch'alil sbajt'el q'uinal te templo awu'une.

Éxodo 14:17

Te jo'one ya jtulantesbey yo'tanic te egipcioetique, jich me ya snutsex. Ja'uc me to, tey me ya cac'bey yil cu'el a te faraón soc spisil te soldadoetic yu'un te ayic ta carreta soc ta caballoetique.

Éxodo 14:4

Ja'uc me to, ya jtulantesbey yo'tan te faraón swenta yu'un ya me snutsex. Jich me ya cac'bey xan yil cu'el, soc spisil te soldadoetic yu'une. Tey me ya sna'ic a te egipcioetic te jo'on Ajwalilone —xi' te Cajwaltique. Te israeletic jich la spasic te bit'il albotique.

Éxodo 19:22

Te sacerdoteetique ya xju' ya xnoptsajic tel ta jtojol, ya me sc'an neel ya slecubtes sbaic, teme repente tan ya xbajt'ic cu'un —xi' te Cajwaltique.

Éxodo 19:24

Te Cajwaltic, jich la yal: —Baan, coan bael, ta patil ya me xtalat soc Aarón. Yan te sacerdoteetic soc te lum ma me xc'axic tel, teme ya xmoic tel ta bay ayone, repente tan ya xbajt'ic cu'un —xi' te Diose.

Éxodo 30:30

“Te aceite, malbeya ta sjol Aarón soc te snich'nab, yu'un ja' xch'ultesjibal ta sacerdoteil cu'un.

Isaías 39:8

Te Ezequías la yal ta yo'tan: “Te jayeb xan c'aal cuxulon lamal nax q'uinal, soc jun nax co'tan ya x'ainon”. Jich yu'un la sjac'bey sc'op te Isaías: —Te sc'op Cajwaltic la awich'bon tele, c'uxtayel ta jtojoltic yu'un —xi'.

Isaías 49:3

Jich la yalbon: —Israel, ja'at cabatat, ja' me ta awenta te ya cac' ta ilel te cutsilale —xi'.

Isaías 52:11

Loc'aniquix, loc'aniquix bael ta Babilonia; ma me x'apiquic te bila ma lecuc sc'oplale, loc'aniquix bael ta Babilonia. Lecubenuquex me ta lec, ja'ex te ya awich'ic bael sbiluquil te templo yu'un te Cajwaltique.

Ezequiel 20:41

Te c'alal ya jtsobex tel ta lumq'uinaletic soc ta nacionetic te banti pujq'uemex bael ta ora in to, soc te c'alal ya cac' ta ilel ta awolilic te jo'on ch'ul Diosone, soc te ya yilic te yantic lumetique, tey me yorail ya quich'beyexix a te jmajt'an awu'unic te mero bujts'ane.

Ezequiel 28:22

jich xawalbey: “Jich ya yal te Cajwaltique: ‘Ya calbat ta jamal Sidón, jo'on me acontroon; ta awolil me ya xchicnaj te xojobil cutsilale. Te c'alal ya cac'bat ta atojol te castigo, te jich ya xchicnaj a te ch'ul Diosone, spisil ants-winiquetic ya me sna'ic te jo'on Ajwalilone.

Ezequiel 38:16

Jich me ya xc'o awac'beyic guerra te lum Israel cu'une. Ja'at Gog, ya me xc'o apots c'oem jichuc buen pimil tocal te lumq'uinale. Ta slajibal bael te c'aale, ya me cac' ya xtal awac'bey guerra te lum cu'une, swenta yu'un ja'at me ta awenta te ya cac'bey sna'ic te nacionetic te jo'on Ch'ul Dioson.

Ezequiel 40:46

Te cuarto te ay bael ta stojol norte, ja' yu'unic te sacerdoteetic ya yac' sbaic ta abatinel ta scajtijib ta chiq'uel smajt'an te Diose. Ja'ic te patil alnich'anetic yu'un Sadoc. Mero ja'ic nax me te ya xju' ya xnoptsajic ta abatinel ta stojol Cajwaltic te levitaetic in to —xi'.

Ezequiel 42:13

Te winique jich la yalbon: —Te cuartoetic ayic ta stojol norte, soc nix te ayic ta stojol sur, te ayic ta elawal yu'un te amac' macale, ch'ul cuartoetic me spisilic. Te sacerdoteetic ya xnoptsajic ta stojol Cajwaltic ya me swe'ic tey a te smajt'an Dios te mero ch'ultesbile. Tey nix ya yaq'uic a te smajt'an Dios te mero ch'ultesbile, ja'ic me te smajt'an Dios ta swenta mulil soc te smajt'an Dios yu'un te falta staojique, melel mero ch'ultesbil.

Levítico 21:15

swenta yu'un ma xbolob te sts'umbale, melel jo'on Ajwalilon te ch'ultesbil cu'une —xi' te Cajwaltique.

Levítico 21:17

—Albeya te Aarón te yo'tic soc ta patil bael, ma me xju' ya yac'bey te majt'anil waj ta jtojol ni jtuluc te patil alnich'an yu'un teme ay banti ma lecuc te sbaq'uetale,

Levítico 21:21

Ma me ayuc jtuluc te patil alnich'an yu'un sacerdote Aarón te ya xju' ya yac'bon ta jtojol te majt'aniletic yu'un ya yich'ic chiq'uel teme ay banti ma lecuc te sbaq'uetale. Ja' yu'un, ma xju' ya yac'bon majt'anil waj ta jtojol te Dioson yu'une.

Levítico 21:6

ac'a me xch'ultes sbaic ta mero melel ta jtojol te Dioson yu'unique, ma me xyaq'uic bolobuc sc'oplal te jbiil, melel ja'ic te ya yaq'uic ta jtojol te majt'anil ya yich' chiq'uel, ja' te we'elil cu'un. Ja' yu'un ya me sc'an te spisil ora ch'ultesbil ya x'ainique.

Levítico 21:8

Ma me xawac' scap sbaic soc yantic, melel ja'ic me te ya yaq'uic waj ta jtojol. Ch'ultesbilic me ta atojol, melel jo'on Ajwalilon, ch'ul Dioson, soc jo'on te ya jch'ultesexe.

Levítico 22:9

“Albeya, ac'a xch'uunic spasel te bila caloj, melel ja' me xcuchoj smul ya xc'otic yu'un teme ma ba ya xch'uunbonic, soc jich me ma ba ya xlajic teme ya xch'uunique. Jo'on Ajwalilon te ch'ultesbilic cu'une.

Levítico 8:35

Ja' yu'un ya me sc'an te ya x'ainex juqueb c'aal soc juqueb ajc'ubal ta stojol te yochibal Nailpac' te banti ya yich' c'oponel te Cajwaltique. Ch'uunaic me te mandal yu'un Cajwaltic, jich me ma ba ya xlajex a, melel jich me ay te smandal Cajwaltic te la yalbone —xi' te Moisese.

Números 16:5

jich la yalbey te Coré soc te mach'atic sjoinej: —Pajel ta sab te Cajwaltic ya me yac' ta na'el te mach'a ay ta swenta soc mach'a ch'ultesbil yu'un te ya xju' ya xchic'bey te majt'aniletique. Ja' nax me ya xju' ya xchic'bey majt'anil te mach'a ya stsa stuquele.

Números 20:12

Ja'uc me to, te Cajwaltic la yalbey te Moisés soc Aarón: —Te bit'il ma la xch'uun awo'tan te ya jcoltayate, ni ma la awac'onic ta ich'el ta muc' ta stojol te israeletic, jich ma x'ochex bael soc ta bay q'uinal ya cac'bey te israeletique —xi'.

San Mateo 10:37

“Ja' te mach'a c'ax jich c'ux ya yaiy ta yo'tan sme'-stat te bit'il c'ux ya yaiyone, ma snujp'in te ja' cu'un ya xc'ote. Soc te mach'a ja' c'ax c'ux ya yaiy ta yo'tan yal-snich'an te bit'il c'ux ya yaiyone, ma snujp'in te ja' cu'un ya xc'ote.

San Juan 12:28

Jich yu'un, Jtat, ac'a me ta ich'el ta muc' te abiile —xi' te Jesuse. Ay mach'a c'opoj tel ta ch'ulchan. Jich la yal: —La cac'atix ta ich'el ta muc' soc ya me cac'at xan ta ich'el ta muc' —xi'.

San Juan 14:13

Spisil te bila ya ac'anbeyic te Tatil ta jwenta, ya me jpasbeyex. Jich me ya x'ac'ot ta ilel yutsilal te Tatile ta swenta te Snich'ane.

Deuteronomio 32:51

Ja'ex ta achebalic ma junuc awo'tanic la awac' abaic ta jtojol ta sitic te israeletic te c'alal ayex ta Meriba-cades a, ta jochol taquin q'uinal Zin, ma ba la awich'onic ta muc' ta yolilic.

2 Tesalonicenses 1:10

Te c'alal ya xtale, ya me x'ich'ot ta muc' ta yolil te mach'atic ch'ul lum yu'un te Diose, soc jelawen yutsilal sc'oplal ya xbajt' yu'un ta spisilic te jch'uunjeletic yu'une. Jich te ja'exe, tey me ayex uuc a, te melel la ach'uunbotic te c'op te tal caltic awaiyique.

1 Pedro 4:17

Yu'un yorailix te ich'el ta c'ope. Ja' neel ya x'ilbot yat'elic te alnich'anetic yu'un te Diose. Teme ja' neel ya quich'tic ich'el ta c'op te jo'otique, ¿bit'il ya xc'ot ta loq'uel stuquel te mach'atic ma sc'an xch'uunic te lec yach'il c'op yu'un te Diose?

1 Samuel 2:30

Te bit'il jich yaloj te Cajwaltic, te Dios cu'untic te israelotic, te ya apasbey yat'el spisil ora ja'at soc te mach'atic ay awu'une, yo'tic ya yal ta jamal: “Ma'yuc bi ora jich ya xc'otix ta pasel. Te mach'a ya yich'on ta muq'ue, ya me quich' ta wenta; te mach'a ma'yuc jc'oplal ta yo'tan, jc'axel ma'yuc swentail ya xc'ot cu'un. Jo'on Ajwalilon jich caloj.

1 Samuel 3:18

Te Samuel la xcholbey yaiy spisil te bitic albot yu'un te Cajwaltic, ma'yuc la smuc ta yo'tan. Te Elí jich la yal ta spisil yo'tan: —Ja' Cajwaltic stuquel. Ac'a spas te bi lec ta pasel ya yaiye —xi'.

1 Samuel 6:20

Te yajwal lum Bet-semes, jich la yalic: —¿Mach'a ya xju' ya stoy sba ta stojol te Cajwaltic, te ja' mero ch'ul Dios stuquele? ¿Mach'a ya xc'ot ta swenta teme loc' bael ta jtojoltique? —xiic.