Levítico 1:5 - Bible in Tzeltal de Oxchuc y Tenejapa

⁵ Ya me sbojbey snuc' ta jtojol te toroe. Te snich'nab Aarón, ja' te sacerdoteetic cu'un, ya me yac'bon jmajt'anin te xch'ich'ele. Patil ya me stsijts'anbeyic ta ch'ich' ta sjoyobal ta spat te scajtijib ta chiq'uel jmajt'an te ay ta stojol te yochibal Nailpac' te banti ya quich' c'oponele.

Bible in Tzeltal Bachajón

⁵ Ya smil te jcolel toro ta stojol Jehová. Te snich'nab Aarón, ha te sacerdotehetic, ya ya'beyic smahtanin Jehová te ch'ich', ya stsihtsimbeyic ta sjoyobal te scajtajib ta chiq'uel mahtanil te ay ta yochibal te Nahilpac' Templo yu'un tahojibal.

Levítico 1:5 Iomraidhean Croise

2 Crónicas 35:11

Jich yu'un la smilic te chambalametic yu'un te Q'uin Pascua. Ja' yacalic ta spoch'el chambalametic te levitaetic, yan te sacerdoteetic la stsijts'anbeyic xch'ich'el ta scajtijib majt'anil, te la yaq'uic c'axel te levitaetique.

Éxodo 29:11

Mila ta jtojol jo'on te Ajwalilon, ta bay yochibal te Nailpac' Temploe.

Éxodo 29:16

mila me. Te xch'ich'el tsijts'anbeya ta sba soc ta sjoyobal te scajtijib ta chiq'uel milbil jmajt'ane.

Éxodo 40:6

Ac'a te scajtijib ta chiq'uel milbil majt'anil ta nopol yochibal ch'ul awilal, ja' te Nailpac' te bay ya quich' c'oponele.

Isaías 52:15

Ja' nix jich bayal nacionetic jchajp nax me q'uinal ya yaiyic; te muc' ajwaliletic, te c'alal ya yilique, ma me xwejt' bi ya yalic yu'un. Melel ya yilic, soc ya xc'ot ta yo'tanic te bi jc'axel ma'yuc bay yaiyojic stojole.

Ezequiel 36:25

Ya me jpoquex ta mero lequil ja', ya me jpocbeyex spisil te bila bolobenex yu'une; ya me jlecubtesex te bit'il bolobenex yu'un te yich'el ta muc' te lotil diosetic awu'unique.

Ezequiel 43:18

Te Cajwaltic jich la yalbon: —Teme c'ot yorail te ya yich' pasel te scajtijib ta chiq'uel majt'anile, ja' me ya yich' pasel te bila yich'ojix alele. Ya me yich' chiq'uel chambalam ta sba te scajtijib majt'anile, ja' me te scojt'ol chic'bil majt'anile, soc ya me yich' tsijts'anel ta ch'ich' te scajtijib ta chiq'uel majt'anile.

Levítico 1:11

Ya me sbojbey snuc' ta stojol norte yu'un te scajtijib ta chiq'uel majt'anil ta jtojol jo'on te Ajwalilone. Te snich'nab Aarón, ja' te sacerdoteetic cu'un, ya me stsijts'anbeyic ta xch'ich'el chambalam ta sjoyobal ta spat soc te scajtijib ta chiq'uel jmajt'ane.

Levítico 1:15

Te sacerdote ya yac'bon te jmajt'an ta scajtijib ta chiq'uel, ya me sc'ocbey loq'uel te sjole. C'alal ya xlaj ta spits'el coel xch'ich'el ta spajc'ul te scajtijib jmajt'ane, ya me xchic' te mut ta scajtijib jmajt'ane.

Levítico 16:15

C'alal la spasix, ya me smil te tentsun swenta milbil majt'anil yu'un smul te yajwal lume, ya me yich'bey bael xch'ich'el ta banti spat te pac' t'imile; tey ta yutile ya me stsijts'anbey ta sba soc ta yelaw te yawil perdone, mero jich nix te bit'il la spasbey te xch'ich'el toro.

Levítico 17:11

Melel spisil te bitic cuxulique, ja' cuxul a te xch'ich'el ay ta sbaq'uetale. Jo'on cac'ojbeyex ta scajtijib ta chiq'uel majt'anil te xch'ich'el te chambalame, melel ja' ta swenta te ch'ich' te ya atojic a te ya xcol te acuxlejalique, melel ta swenta ch'ich' ya xtojob scolel te acuxlejale.

Levítico 3:13

ya me scajan sc'ab ta sjol, ya me sbojbey snuc' ta stojol te Nailpac' te banti ya quich' c'oponele. Jich te sacerdoteetic ya me stsijts'anbeyic te xch'ich'el ta sjoyobal ta spat te scajtijib ta chiq'uel te majt'anile.

Levítico 3:2

Te mach'a ya yac'bon jmajt'an, ya me scajan sc'ab ta sjol te chambalam ya yac'bon jmajt'anin, ya me sbojbey snuc' ta stojol te yochibal Nailpac' te banti ya quich' c'oponele. Jich te sacerdoteetic ya me stsijts'anbeyic xch'ich'el ta sjoyobal ta spat te scajtijib ta chiq'uel jmajt'ane.

Levítico 3:8

ya me scajan sc'ab ta sjol, ya me sbojbey snuc' ta stojol te Nailpac' te banti ya quich' c'oponele. Jich te sacerdoteetic ya me stsijts'anbeyic te xch'ich'el chambalam ta sjoyobal ta spat te scajtijib ta chiq'uel majt'anile.

Levítico 4:29

Ya me scajan sc'ab ta sjol te chambalam ya yac' yu'un te smule, ya me sbojbey snuc' ta yawil yu'un te scajtijib majt'anil te scojt'ol ya yich' chiq'uele.

Levítico 4:33

Ya me scajanbey sc'ab ta sjol te chij, ya me sbojbey snuc' swenta bit'il ya yich' milel swenta majt'anil yu'un te mulile, tey me ta yawil ta banti ya yich' milel te chambalametic yu'un ya yich' chiq'uele.

Levítico 4:7

Soc ya me xjaxbey jtebuc ch'ich' te xulubiletic yu'un te scajtijib ta chiq'uel pom, te ay ta jtojol ta Nailpac' te banti ya quich' c'oponele. Spisil te xch'ich'el ay to ya xjile, ya me smalbey ta yacan te scajtijib ta chiq'uel majt'anil, te ay ta stojol te yochibal Nailpac' te banti ya quich' c'oponele.

Miqueas 6:6

¿Bi ya cut jba te ya jtejc'an jba ta stojol Cajwaltic, te Dios ay ta toyole? ¿Ya bal jtejc'an jba ta stojol soc wacaxetic te jun ja'wil ya'wilale, swenta yu'un ya cac'bey chic'bil smajt'anin?

Números 18:17

Ja'uc me to, ma me xawac' te jich ya yich' pasel te sbabial yalatac te wacaxetic, chijetic o tentsunetique. Ja'ic me ya yich' u'uninel cu'un. Ya me amilic; soc te xch'ich'el ya me amal ta scajtijib ta chiq'uel te jmajt'ane. Te xepuil ya me achic'bon swenta jmajt'an te buen bujts'an yic' ta jtojole.

Hebreos 10:11

Spisil mach'atic yich'oj yat'elic ta sacerdoteil ta bay te judioetique jujun c'aal ya spas yat'elic ta stojol te Diose. Bayal buelta ya yaq'uic te milbil smajt'an Dios te c'aemic ta yaq'uel te jxujt' ma xch'ay a te mulile.

Hebreos 12:24

soc ta bay teq'uel ta c'op te Jesús ta xchajbanel te yach'il tratoe, soc ta ba ay te xch'ich'el te yich'oj tsijts'anel te c'axem to xan t'ujbil a te bit'il xch'ich'el te Abele.

1 Pedro 1:2

Tsabilex yu'un te Jtatic Diose, yu'un xjajch'ibal to jich xchapoj ta yo'tan, soc te ya xch'ultesbeyex awo'tanic ta swenta te Espiritue. Swenta yu'un jich me ya ach'uunic soc jich me ya awich'ic tsijts'anel ta xch'ich'el te Jesucristoe. C'axem to xan ac'a yac'beyex yutsil yo'tan soc lamaluc me q'uinal ya awaiyic yu'un.

1 Samuel 1:25

C'o smilic jcojt' toro. Jich la yac'beyic yil te alal te Elí.