Levítico 1:3 - Bible in Tzeltal de Oxchuc y Tenejapa

³ “Teme wacax te chambalam ya yac'bon ta jmajt'an te scojt'ol ya yich' chiq'uele, ya me sc'an te ja' te toro te ma'yuc bila boloben ta sbaq'uetal. Swenta yu'un ya stsacbot a te majt'anil, ya me sc'an ya yac'bon ta jtojol jo'on te Ajwalilon ta stojol te yochibal Nailpac' te banti ya quich' c'oponele.

Bible in Tzeltal Bachajón

³ Teme ya yac' wacax scuenta scohtol chic'bil mahtanil, ha me stat te mayuc bin jihnem yu'un; ya me yac' ta yochibal Nahilpac' Templo yu'un tahojibal scuenta yu'un ya x'ich'ot ta cuenta yu'un Jehová.

Levítico 1:3 Iomraidhean Croise

Génesis 22:13

Jich te Abraham la stoy sit, la sujt'es sba. La yil ay tat chij te quijc'ajem xulub ta pimil ch'ixtiquil. Ba stsac te tat chije, ja' la smilbey smajt'anin te Diose, ja' sjelol te snich'ane.

Génesis 22:2

Albot yu'un te Diose: —Ic'a bael te jip jtul anich'an Isaac te bayal c'ux ta awo'tane, baan soc ta sq'uinal Moriah. Tey ta bay wits te ya calbate, ya me xc'o amilbon jmajt'anin te anich'an, scojt'ol me ya yich' chiq'uel ta jtojol —xi' sc'oplal yu'un te Diose.

Génesis 22:8

La sjac' te Abraham: —Jnich'an, Dios ya slebotic te chij ya xtuun cu'untic ta spasel te smajt'ane —la yut. Pajal yacalic ta beel bael xchebalic.

Génesis 8:20

Te Noé la spasbey scajtijib smajt'an Cajwaltic. La stsa te chambalametic soc te mutetic te lec sc'oplale. Juju-jcojt' ta chajbalchajp la smilbey smajt'anin te Diose soc la xchic'bey scojt'ol ta scajtijib.

2 Crónicas 29:32

Te chambalametic la yiq'uic tel ta swenta chic'bil majt'anile, lajuneb xchanwinic (70) toroetic, jo'winic (100) te tat chijetic soc lajunwinic (200) chijetic. Ta spisilic la yich' ac'beyel Cajwaltic te chic'bil majt'anile.

2 Crónicas 35:12

La sq'uejic bael te xepuil te ya xbajt' ta chiq'uele, ja' chican te jayeb ta jtsojp te nanatic yu'un te lume, swenta yu'un ya yac'beyic smajt'an te Cajwaltic, jich te bit'il ay sc'oplal ta libro yu'un Moisés. Jich nix la spasic yu'un te toroetique.

Salmos 110:3

Te lum awu'un bin nax yo'tan ya yac' sba ta ac'ab te bi c'aalil ya awaiy tsalawe. Ta sba te ch'ul witstiquil, jich bit'il ts'ujul ya xchicnaj te yac ta sacubel tel te q'uinale, jich me c'oem a te aqueremil te yanyan ta ach'ubel jujun c'aale.

Salmos 40:8

Dios cu'un, jo'on ya jmulan spasel te bila ya sc'an awo'tane; quich'oj ta yolil co'tan te mandal awu'une”, xoon.

Éxodo 12:5

Te chambalam jujun me ja'wil ya'wilal, stat me, ma'yuc bila boloben ta sbaq'uetal, chican teme chij o tentsun.

Éxodo 24:5

La yalbey te queremetic te ya xba smilbeyic smajt'anin Cajwaltic toroetic te ya xchic'bey scojt'ol, soc ay ya yac'bey smajt'anin swenta seña lamal-o'tanil.

Éxodo 29:18

Ac'a ta scajtijib te milbil jmajt'ane, yu'un scojt'ol me ya yich' chiq'uel, melel ja' majt'anil quich'jibal ta muc' jo'on te Ajwalilon, te bujts'an yic' ta jtojole.

Éxodo 29:4

Ic'a bael te Aarón soc te snich'nab ta yochibal te Nailpac' te bay ya quich' c'oponele. Albeya, ac'a spoc sbaic.

Éxodo 29:42

Te chic'bil jmajt'an ta swenta quich'jibal ta muq'ue, ja' me ya yaq'uic ta cajalcaj bael te awal-anich'anic ta spisil ora ta jtojol ta yochibal Nailpac' te bay ya quich' c'oponele, melel tey ya jta jbajtic ta c'op a.

Éxodo 32:6

Jich yu'un ta yan c'aal sab jajch'ic ta yac'beyel milbil smajt'an te scojt'ol ya yich' chiq'uele, soc xan yan milbil smajt'an te swenta seña te lamal-o'tanile. Te lume la snajc'an sbaic ta we'el ta uch'el, soc jajch' spasic q'uin.

Éxodo 35:21

Ja'uc me to, ta spisilic te mach'atic te tijbot yo'tanic, mero spasemal yo'tanic la yich'ic tel majt'anil yu'un Cajwaltic, yu'un ya yich' pasel a te Nailpac' te bay ya yich' c'oponel, soc spisil te bitic ya xtuun tey a, soc te ch'ul c'u'iletique.

Éxodo 35:29

Spisil te israeletic, winiquetic soc antsetic, la yich'beyic tel smajt'an Dios yu'unic ta swenta spasemal yo'tanic, ja' te jayeb mach'atic te tijbot yo'tanic yu'un te ya yaiyic coltaywanej ta at'el, yu'un jich ya yich' pasel spisil te bila albil mandal yu'un Cajwaltic te Moisese.

Éxodo 35:5

Tsobaic laj majt'anil yu'un te Cajwaltique. Spisil te majt'anil ya cac'beytic Cajwaltic, spasemaluc laj me co'tantic ta jyalel. Ya me quich'tic tel oro; plata; bronce;

Éxodo 36:3

Ja'ic la stsac ta sc'abic te majt'aniletic la sc'ases te Moisés, te la yaq'uic israeletic, swenta yu'un ya xjajch' ta pasel a te Nailpac' Templo te tey ya yich' na'el a te Diose. Ja'uc me to, te israeletic, swenta jujun c'aal la yich'ic tel majt'anil te yacalic ta yaq'uel ta spasemal yo'tanique.

Éxodo 38:1

Te Bezaleel la spas ta acacia te scajtijib ta chiq'uel te milbil majt'aniletic, pajal xchanxujc'ul. La yac' cheb metro soc jo'eb xcha'winic centímetro (2.25 m) te jujun xujc', soc jun metro soc jo'eb xcha'winic centímetro (1.25 m) te stoylejale.

Isaías 1:11

Te Cajwaltic ya yal: —¿Bistuc ya awac'bonic bayal milbil majt'anil? Tic'onix a te chic'bil tat chijetic soc te xepuil wacaxetic te buen mac'linbilique; ma smulanix co'tan xch'ich'el te wacaxetic, chijetic soc te tentsunetique.

Ezequiel 20:40

Ta spisil Israel ya me xch'uunonic ta ch'ul wits cu'un, tey ta toyol wits yu'un Israel te ay ta lumq'uinal cu'une. Jo'on Ajwalilon, te jich caloje. Bin nax me co'tan ya quiq'uex ta jtojol a. Tey me ya jc'anbeyex a te majt'aniletic awu'unique, soc ya me jc'anbeyex te ya awich'bonic tel te sba sit bila ya xloc' awu'unique, soc ta spisil te bitic ch'ultesbil awu'unic, yu'un jo'on cu'un.

Ezequiel 40:39

Tey ta muc'ul cuarto yu'un ochibal ay chaneb mesaetic tey a, cheb ayic ta juju-jejch'. Ta sba te mesaetic ya smilic te chambalametic te ya yich'ic chiq'uel scojt'ole, soc te ya yich' milel ta swenta mulil, soc ta swenta falta te staojique.

Levítico 1:10

“Teme xchij, o teme stentsun te chambalam ya yac'bon jmajt'anin te scojt'ol ya yich' chiq'uele, ya me sc'an ja' te stat te ma'yuc bila boloben ta sbaq'uetal.

Levítico 14:10

Ta swaxaquebal c'aal ya stsac cheb chijetic te ma'yuc bila boloben ta sbaq'uetal, soc jcojt' me' chij te jun to nax ya'wilal te ma'yuc bila boloben ta sbaq'uetal; soc xan, ya me yich' tel olil sjuqueb kilo te mero lequil harina wots'bil soc aceite swenta majt'anil trigo, soc jteb ma sta olil litro aceite.

Levítico 16:7

Patil ya me stsac te cheb tentsunetic te Aarón, ya me scojt'anbon ta jtojol, jo'on te Ajwalilon, ta stojol te yochibal Nailpac' te banti ya quich' c'oponele.

Levítico 17:4

Teme ma ba ya yich'bon tel ta yochibal Nailpac' te banti ya quich' c'oponele, jo'on te Ajwalilon, swenta jmajt'an ta ch'ul awilal cu'une, ya me sta smul ta swenta bit'il la smal ch'ich'. Ja' yu'un ya me yich' loq'uesel ta yolil te slumale.

Levítico 17:8

“Soc mach'auc israelil, o jyanlumil te nainemic ta awolilic, te ya yaq'uic majt'anil te scojt'ol ya yich' chiq'uele, o yan milbil majt'anile,

Levítico 17:9

teme ma ba ya yic' bael ta yochibal Nailpac' te banti ya quich' c'oponele, yu'un jmajt'an jo'on te Ajwalilone, ya me yich' loq'uesel ta yolil te yajwal lume.

Levítico 23:12

Ja' nix te bi c'aalil ya yac'bon ta jtojol jtom te bila sbabial loc' awu'unique, ya me yac'bon ta jtojol jcojt' chij te ay jun ya'wilale, ja' me te ma'yuc bila boloben ta sbaq'uetal, swenta majt'anil te scojt'ol ya yich' chiq'uel, yu'un quich'el ta muc' jo'on te Ajwalilone.

Levítico 23:18

Ya me sjoin ta iq'uel bael juqueb chijetic swenta jun ya'wilalic, te ma'yuc bila boloben ta sbaq'uetalic, jcojt' toro soc cheb tat chij, swenta majt'anil te scojt'ol ya yich' chiq'uel, swenta quich'el ta muc' jo'on te Ajwalilon, chic'bil majt'anil te bujts'an yic' ta jtojole. Ja' nix sjoy te majt'anil swenta harina soc vino.

Levítico 3:1

“Teme ay mach'a ya yic' tel xwacax, chican teme stat o sme', swenta yu'un ya yac'bon ta milbil jmajt'an jo'on te Ajwalilon ta swenta lamal-o'tanil, ya me sc'an te ma'yuc bila boloben ta sbaq'uetal te chambalam ya yac'bon jmajt'anine.

Levítico 4:15

Te mamaletic ich'bilic ta muc' yu'un te lume, ya me xc'o scajan sc'abic ta sjol te toro ta jtojol jo'on te Ajwalilone, soc tey me ora ya sbojbeyiquix snuc' a te toroe.

Levítico 4:23

Te bi ora ya sna' te staoj smule, ya me sc'an te ya yic' bael jcojt'uc tat tentsun te ma'yuc bila boloben ta sbaq'uetale, ya me yac'bon jmajt'anin.

Levítico 4:3

“Teme ja' te muc'ul sacerdote cu'un te ya sta smule, te jich ya yac'bey sta smul uuc a te yajwal lume, ya me sc'an te ya yac'bon jmajt'anin jo'on te Ajwalilon jcojt' toro te ma'yuc bila boloben ta sbaq'uetal, swenta milbil majt'anil yu'un te mulil c'oem ta pasele.

Levítico 4:32

“Teme ja' yic'oj tel jcojt' chij jmajt'anin yu'un te smule, ya me sc'an ja' ya yic' tel te me' chij te ma'yuc bila boloben ta sbaq'uetal.

Levítico 5:15

—Te mach'a ma spasemaluc yo'tan ya sle smul, teme la sta falta ta swenta bit'il la scom sba ta yaq'uel te bila ch'ultesbil cu'un jo'on te Ajwalilone, ya me xju' ya yic'bon tel jcojt' xchij te ma'yuc bila boloben ta sbaq'uetal, swenta milbil jmajt'an yu'un te falta staoje, ya me yic'bon tel ta jtojol jo'on te Ajwalilone. Te stojol te chije ya me yich' tojel ta plata, chican te bit'il ay te sp'isjibal yalal te yac ta tuunel ta ch'ul awilal ta swenta te majt'anile.

Levítico 5:18

Ja' yu'un ya me stsac jcojt' xchij, ja' me te ma'yuc bila boloben ta sbaq'uetal. Te stojole ja'at ni me ya atsajtaybey. Ya me yich'bey bael ta stojol sacerdote swenta milbil majt'anil, swenta yu'un jich me ya sta a te perdón yu'un smul te mach'a la sta falta te ma sna' te la sta smule, jich me pasbil perdón ya xc'ot te smule.

Levítico 6:2

—Teme ay mach'a la sta smul, teme yu'un ya sc'an slo'layon jo'on te Ajwalilone, scaj te la slo'lay te spat-xujq'ue, teme ay bi la yich'bey ta majanel, o teme ay bi la sq'uejbey, o teme ay bi la yelc'anbey, o teme la yuts'in,

Levítico 6:8

Te Cajwaltic la sc'opon te Moisés, jich la yalbey:

Levítico 7:16

Yan teme ja' ta swenta bit'il ay bila xchapoj ta jtojole, o teme swenta nax spasemal yo'tan te ya yac'bon te chambalam te mach'a ya yaq'ue, ya me sc'an te ja' nix te sc'aalelal te bi ora ya yich' aq'uel te ya yich' ti'el te sbaq'uetale. Teme ay to jil te ti'bale, ya xju' ta ti'el ta xchebal c'aal stuquel;

Levítico 8:18

Te Moisés la yac' ta iq'uel tel te tat chij ya yich' milel swenta majt'anil te scojt'ol ya yich' chiq'uele. Te Aarón soc te snich'nabe, la scajan sc'abic ta sjol te chije.

Levítico 8:21

La spoc ta ja' te bitic ay ta yutil xch'ujt', soc la spocbey ya' te chije, la xchic' spisil ta scajtijib majt'anil, ja' majt'anil te bujts'an yic' ta stojol te Cajwaltic, jich nix te bit'il albot yu'une.

Levítico 9:2

Jich la yalbey te Aarón: —Ic'a tel jcojt' toro yu'un ya yich' aq'uel ta milbil majt'anil yu'un te amulique, soc jcojt' tat chij te ma'yuc bila boloben ta sbaq'uetal, yu'un ya yich' aq'uel swenta majt'anil te scojt'ol ya yich' chiq'uele. Ya me awac'bey ta stojol te Cajwaltique.

Zacarías 13:7

Te Cajwaltic te Spisil ya xju' yu'un jich ya yal: —Puñal, jajch'an ta swenta scontroinel te jcanan cu'une, swenta scontroinel te abat cu'une. Mila te jcanane, te chijetic ya me xpujq'uic bael, te jo'one ya me x'ochon ta scontroinel te alal chijetique.

Malaquías 1:14

Ch'aybil me ya xc'ot te mach'a ya xlo'laywan te ya yal ta jamal te lec ayic ta sc'op te xchamsbalam te ya xtal smilbonic te bolobene. Jo'on te muc' Ajwalilon, jo'on xi'bilon yu'un spisil te nacionetic —xi' te Cajwaltic te Spisil ya xju' yu'une.

Números 15:3

biluc ora te ya awac'bonic jcojt' toro o jcojt' chij swenta chiq'uel te quich'jibal ta muc', jich bit'il milbil majt'anil o teme scojt'ol ya yich' chiq'uel te buen bujts'an te yiq'ue, chican teme ja' ya awac' a c'alal ya sts'aquej te ay bila jc'axel achapoje o teme majt'anil te mero spasemal awo'tan ya awaq'ue, o teme ja' te ay ya yich' pasel ta yorail te q'uine,

Números 15:8

Teme ja' te ya yich' milel toro ta swenta chiq'uel ta scojt'ol, teme ja' te milbil majt'anil ta swenta lamal-o'tanil, o teme ja' te ts'acaj te bila jc'axel achapoj,

Números 19:2

—Jo'on Ajwalilon, ya cal mandal. Albeya te israeletic, ac'a yiq'uic tel jcojt'uc me' wacax te tsaj stsotsil te ma'yuc bay cajanbil yugo-te' ta snuq'ue.

Números 23:19

Te Dios ma jichuc te bit'il mach'a ya xlaje: Ma spas lot, ma sujt'es sc'op. Teme ay bila ya yal, ya sc'otes ta pasel. Teme ay bila ya yal ta jamal te ya spase, ya sc'otes ta pasel te sc'ope.

Números 23:27

Jich yu'un te Balac la yal: —La' me, ya quic'at bael ta yan jejch'. Ma niwan bila ya yalix a te Dios teme tey ya ac'anbey castigo —xi'.

Números 23:3

Te Balaam la yalbey te Balac: —Jilan li' ta bay milbil majt'anil to, te bit'il ya to xboon ta sleel Cajwaltic teme ya xtal staone. Ora me ya calbat te bila ya yac'bon jna' —xi' te Balaam. Te Balaam bajt' ta bay t'axal wits.

Números 23:30

Te Balac la spas te bi la yal te Balaam, ta jujun scajtijib la smil jcojt' toro soc jcojt' tat chij.

Números 28:11

“Ta sba c'aalil ta jujun u ya me awac'bonic milbil jmajt'an te scojt'ol ya yich' chiq'uel: cha'cojt' toro, jcojt' tat chij soc juqueb ta jcojt' alal tat chijetic te jun ya'wilalic, te ma'yuc bila boloben ta sbaq'uetal.

Números 28:19

Te majt'anil te scojt'ol ya yich' chiq'uele, ya me awac'bonic cha'cojt' toro, jcojt' tat chij soc juqueb alal tat chijetic te jun ya'wilalic, te ma'yuc bila boloben ta sbaq'uetal.

Números 28:31

Te majt'anil te scojt'ol ya yich' chiq'uel soc te sjoy te harina soc te vino, ya me awac'bonic jmajt'anin. Parte me ya awaq'uic te chic'bil scojt'ol chambalam swenta te jujun c'aale, te ma'yuc bila boloben xujt'uc ta sbaq'uetal te chambalametique.

Números 29:13

Ta sba c'aalil q'uin ya me awaq'uic majt'anil te scojt'ol ya yich' chiq'uel te bujts'an yic' ta jtojol jo'on te Ajwalilone: oxlajuncojt' toroetic, cha'cojt' tat chijetic soc chanlajuncojt' alal tat chijetic te jun ya'wilalic, te ma'yuc bila boloben ta sbaq'uetal.

Números 29:2

Swenta majt'anil te scojt'ol ya yich' chiq'uel te bujts'an yic' ta jtojol, ya me awaq'uic jcojt' toro, jcojt' tat chij soc juqueb alal tat chijetic te jun ya'wilalic, te ma'yuc bila boloben ta sbaq'uetal ta spisilique.

San Lucas 1:35

Jich la yal te ch'ul abate: —Ya xjul ta awenta te Ch'ul Espiritue. Ya me yaxintesat ta yu'el te Ch'ul Dios te mero toyol aye. Jich te ch'ul alal ya x'ayin awu'une, Snich'an Dios ya xc'ot te sbiile.

San Juan 1:36

La yil yac ta c'axel bael te Jesuse. Jich la yal te Juane: —¡Ilawilic in to. Ja' te mero Alalchij yu'un te Diose! —xi'.

San Juan 10:7

Jich yu'un te Jesús la xcha'yalbey yaiyic xan: —Jamal ya calbeyex, jo'on ti'corralon yu'un te chijetique.

San Juan 10:9

Jo'on ti'corralon. Te mach'a ya x'och bael ta jwenta, ya me xcol. Jun yo'tan ya x'och soc jun yo'tan ya xloc' ta corral, soc ya me sta swe'el tey a.

2 Corintios 8:12

Melel te mach'a toyol yo'tan te ya yaq'ue, lec ya yil te Diose te jich yipal ya xju' yu'un ya yaq'ue. Ma ba c'ax jich ya xc'anbotic a te bila ma'yuc yu'unique.

2 Corintios 9:7

Juju-jtul ac'a yac' te jich yipal snopoj ta yo'tane. Ma me socuc mel-o'tan te ya yaq'ue, soc ma me sujbiluc te ya yaq'ue, melel ja' c'ux ta o'tanil yu'un Dios te mach'a bin nax yo'tan ya yaq'ue.

Efesios 2:18

Melel ta swenta Cristo, jcha'chajbaltic ya xju' ya x'ochotic ta stojol te Jtatic Dios ta swenta jun nax Espíritu.

Efesios 5:27

Swenta yu'un jich ay bayal yutsilal te jch'uunjeletic te ya stejc'an ta stojole. Ma'yuc bay ts'ilajem soc ma'yuc bay boloben, soc xujt' ma'yuc chican te bila ma lecuque. Jich ch'ultesbil ya xc'ot, soc ma'yuc te smule.

Deuteronomio 12:27

Ta sba te scajtijib ta chiq'uel majt'anil yu'un te Cajwaltic te Dios cu'untique, ya me awaq'uic te majt'anil te scojt'ol ya yich' chiq'uele. Te xch'ich'el te chambalam ya awaq'uique, ya me amalic ta scajtijib majt'anil yu'un te Cajwaltic te Dios cu'untique, te sbaq'uetale ya xju' ya ati'beyic stuquel.

Deuteronomio 15:21

Yan teme ay bila boloben te sbaq'uetale, teme coxo o teme ma'sit, o teme ay yan bila spasoje, ma me xawac'bey ta milbil smajt'an Cajwaltic stuquel.

Deuteronomio 17:1

“Ma me xawac'beyic ta milbil smajt'an Cajwaltic Dios te toro soc chij te ay bila boloben ta sbaq'uetale, melel mero ma smulan ta jc'axel te Cajwaltique.

Hebreos 7:26

Jich te Jesuse, ja' Muc' Sacerdote te ya xju' yu'un ya scoltayotique, ch'ul Dios stuquel, ma sna' sleel smul, ma'yuc mulil quechel ta swenta, ma ba slac'oj sba soc te jmulawiletique, soc ic'otix moel c'alal ta stoyolil te ch'ulchane.

Hebreos 9:14

Yan te xch'ich'el Cristo c'axem to xan ay yip stuquel. Melel ta swenta Espíritu te sbajt'el q'uinal aye, ju' yu'un stuquel te Cristo te la yac' sba ta lajel ta stojol Dios swenta milbil smajt'an te xujt' ma ba ts'ilajeme. Jich te xch'ich'ele jc'axel ya spocbotic co'tantic te ts'ilajemic yu'un cat'eltic te quechelotic ta lajel yu'une, swenta yu'un jich me ya cac' jbajtic ta abatinel yu'un te cuxul Diose.