Levítico 1:2 - Bible in Tzeltal de Oxchuc y Tenejapa

² —C'opojan soc te israeletic, albeya: “Te c'alal ay mach'a ya yich'bon tel jmajt'anin chambalam, ya me sc'an te ja' ya stsac tel jcojt'uc xwacax, o xchij, o ja' te stentsune.

Bible in Tzeltal Bachajón

² Halbeya te snich'nab Israel: Teme ay mach'a ya ya'be smahtan te Jehová, ya xhu' ya yac' wacax, tuminchij o tentsun.

Levítico 1:2 Iomraidhean Croise

Génesis 4:3

La sta yorail te la yac'bey smajt'an Dios te Caine. Ja' la yac' te sit yawal-sts'unube.

Génesis 4:5

Yan te Caín ma lecuc yo'tan Dios yu'un soc te smajt'an te la yac'beye. Jich te Caín bayal a ilin yu'un, yanaj sit yu'un te yilimbae.

1 Crónicas 16:29

ac'a yich' ich'el ta muc' awu'unic, jich nix te bit'il ya sc'ane; soc me majt'anil ya atejc'an abaic ta stojol, albeya wocol ta stojol te Cajwaltic ta ch'ul templo te t'ujbile.

Esdras 3:5

Ja' nix jich te chic'bil smajt'an Dios yu'un jujun c'aale, soc te yu'un jujun yach'il u, soc te jujun ch'ul q'uin yu'un Cajwaltic, soc te smajt'an la yac'beyic te mach'atic spasemal yo'tanic ya yac'beyic te Cajwaltique.

Éxodo 20:24

Pasbonic scajtijib ta chiq'uel jmajt'an ta ts'ubil lum. Milbonic jmajt'anin te achambalamique, ja' te achijic soc te awacaxique. Ay me ya achic'bonic jmajt'anin scojt'ol, soc ay me ya amilbonic jmajt'anin swenta seña te lamal-o'tanile. Ya xtalon ta jujun awilal te bay ya sc'an co'tan te ya ana'ulayone, tey me ya cac'beyex bendición a.

Números 15:3

biluc ora te ya awac'bonic jcojt' toro o jcojt' chij swenta chiq'uel te quich'jibal ta muc', jich bit'il milbil majt'anil o teme scojt'ol ya yich' chiq'uel te buen bujts'an te yiq'ue, chican teme ja' ya awac' a c'alal ya sts'aquej te ay bila jc'axel achapoje o teme majt'anil te mero spasemal awo'tan ya awaq'ue, o teme ja' te ay ya yich' pasel ta yorail te q'uine,

Números 5:15

Jich ta xchebalic, te winic ya me yic' bael te yinam ta stojol sacerdote, soc ya me yich'ic bael majt'anil. Te majt'anil cheb kilo harina yu'un cebada, pero ma me smalbey aceite, soc ma me xyac'bey pom ta sba te harina, melel majt'anil ta scaj yilimba te winique, ja' majt'anil swenta te mulile.

Números 7:15

jcojt' toro; jcojt' tat chij; jcojt' chij jun ya'wilal, te ya yich' aq'uel ta spisilic ta swenta majt'anil te scojt'ol ya yich' chiq'uele;

San Marcos 7:11

Yan te ja'exe jich ya awalic: “Teme ay mach'a ya yalbey te state o teme ja' te sme'e: ‘Ma xju' cu'un te ya jc'uxtayate, melel spisil te bila ay cu'une ja' Corbán’, teme ya yute,

Romanos 12:1

Jich yu'un, quermanotac, ya calbeyex wocol ta swenta bit'il bayal c'uxtaybilex yu'un te Diose, ac'a me abaic ta sc'ab Dios soc te abaq'uetalique. Ja'uc me cuxul smajt'an Dios ya xc'oex ta stojol, te ch'ultesbilex soc te lec yo'tan yu'un te Diose. Yu'un jich ya sc'an ch'uunel awu'unic te Diose.

Romanos 12:6

Yanyantic jmajt'antic yac'ojbotic te Diose, chican te bit'il ay yutsil yo'tan cu'untic te Diose. Jich yu'un, te mach'a ac'ot ta j'alwaneje, ac'a me yat'elin spasel ta swenta xch'uunjel yo'tan.

Efesios 5:2

C'ux me x'awaiy abaic spisil ora, jich te bit'il c'ux la yaiyotic te Cristo te la yac' sba ta lajel ta jwentatique. Melel la yac' sba ta milbil majt'anil te xuq'uet nax sbujts' yic' ta stojol te Diose.