Jueces 8:5 - Bible in Tzeltal de Oxchuc y Tenejapa

⁵ Ta Sucot ay bi la sc'an te Gedeón ta stojolic te mach'atic ainemic tey a: —Wocoluc a, ac'bon jtebuc swe'elic te mach'atic sjoinejonic tel, mero lubeniquix ta jyalel. Ja' yacotic ta snutsel bael te ajwalil-madianetic, ja' te Zeba soc Zalmuna —xi'.

Bible in Tzeltal Bachajón

⁵ Hich la yalbe te winiquetic yu'un Sucot: Awocoluc, a'beyahic jtebuc pan te mach'atic st'unojonic tal, yu'un mero luhbeniquix, te ho'on yacon ta snutsel bahel te Zeba soc Zalmuna, te ajwaliletic yu'un Madián, xchi.

Jueces 8:5 Iomraidhean Croise

Génesis 14:18

Te muc' ajwalil yu'un Salem, te Melquisedec sbiile, ja' te mach'a yich'oj yat'el ta sacerdoteil yu'un te Dios te toyol ay stuquele, la sloq'ues waj soc vino.

Génesis 33:17

Te Jacob been bael c'alal ta Sucot, tey c'o spas sna a, soc la spasbey snain nailwamal te xchamsbalame. Ja' swentail te Sucot sbiil c'ot yu'une.

Salmos 60:6

Te Dios c'opoj tel c'alal ta ch'ul templo yu'un: “Bin nax me co'tan ya jpuc te Siquem, soc ya me jpuc te stenlej xatal q'uinal yu'un Sucot.

Deuteronomio 23:4

Melel te c'alal c'axex tel ta sq'uinalique, te c'alal loq'uexix tel ta sq'uinal Egipto, ma ba la yac'beyex awe'elic, soc ni lajuc yac'beyex awuch'ic ja'. Soc la stojic te Balaam, te snich'an Beor te talem ta lum Petor ta Mesopotamia, swenta yu'un ya sc'anbeyex castigo ta atojolique.

Jueces 5:23

Te ch'ul abat yu'un Cajwalticjich ya yal: ‘Ac'a bolobuc sc'oplal te lum Meroz soc ants-winiquetic’, xi'; melel ma ba talic ta coltaywanej jich bit'il te mach'atic tulanique, ma ba tal scoltay te Cajwaltique.

Jueces 8:10

Te Zeba soc te Zalmuna tey ay ta lum Carcor soc te jo'lajunmil (15,000) swinictac, te ja' xanix jilemic ta spisilic te soldadoetic talemic ta stojol sloq'uib c'aal. Melel lajemiquix wacwinic ta jmil (120,000) te swinictaque.

Jueces 8:12

Te Zeba soc Zalmuna loq'uic ta anel; ja'uc me to, te Gedeón la snuts, la xchuc, jich och xiwel ta yo'tanic ta spisilic te soldado-madianetique.

Jueces 8:15

Jich yu'un te Gedeón c'alal c'ot ta Sucot, jich c'o yalbey te lume: —¿Ya bal ana'ic te la alabanonic ta scaj te Zeba soc Zalmuna? ¿Ya bal ana'ic te ma la awac'bonic swe'el te soldadoetic sjoinejonic te c'ax ayiquix ta lubel a? La awalbotic te ja' yu'un te ma to ayuc ta jc'abtique. Ta ora to ayix ta atojolic —xi' te Gedeón.

1 Samuel 25:18

Te Abigail ora la yich' lajunwinic (200) pan, cheb ta nujc'ulil vino, jo'cojt' wobil chij, cha'winic (40) litro ch'ilbil trigo, jo'winic (100) ta jpejch' taquintesbil ts'usub, soc lajunwinic (200) ta jpejch' taquintesbil higo, la yac'bey bael scuch burroetic yu'un.