Jueces 8:3 - Bible in Tzeltal de Oxchuc y Tenejapa

³ Dios la yac'beyex ta ac'abic te Oreb soc Zeeb te jtsobwanej-madianetique. ¿Bi la jpas jo'on, te ya xju' jpaj soc te bi la apasic te ja'exe? —xi'. Te mach'atic sts'umbalic Efraín la yaiybeyic stojol sc'op Gedeón, jich a lamaj bael yilimbaic ta stojol.

Bible in Tzeltal Bachajón

³ Dios la ya'beyex ta ac'abic te Oreb soc Zeeb, te príncipaletic yu'un Madián. ¿Bin a te hu' cu'un spasel te pajal soc te bin la apasic te ha'exe? xchi. Hich lahmaj bahel te yilimbahic ta stojol Gedeón te c'alal hich halbotic yu'une.

Jueces 8:3 Iomraidhean Croise

Salmos 115:1

Ja'at Cajwal, ac'a aba ta ich'el ta muc', ma me ja'uc te jo'otique; ta swenta te xc'uxul awo'tan soc ta swenta te jun awo'tan ta jtojoltic, ac'a aba ta ich'el ta muc'.

Salmos 44:3

Melel ma ja'uc ta sc'abique, ni ja'uc soc te spuñalique, te ju' yu'unic tsalawe; melel ma ja'uc te ju' yu'unic te la yu'uninic te q'uinale. Ja' ta swenta awu'el soc ta swenta awip atuquel; ja' ta swenta te xojobil asit-awelaw te ju' yu'unic tsalaw ta scaj te xc'uxul ta awo'tane.

Proverbios 15:1

Te t'ujbil sujt'ib c'op, ya xlamaj yu'un te ilimbae; yan teme tulan te sujt'ibe, ya xtoy xan yu'un.

Proverbios 16:32

Ja' lec te lamal co'tantic, ma ja'uc lec te tulan ya cac' jbajtique; ja' lec te jtuqueltic ya jpas jbajtic ta mandal, ma ja'uc lec te ya jtsaltic bayal lumetique.

Proverbios 25:11

Te jp'al c'op ya xloc' tel ta yorail te ya sc'an alel, jich c'oem te bit'il sloc'omba manzana pasbil ta oro te ch'albil ta plata.

Proverbios 25:15

Teme cujch' yu'une, ya xlamaj te ilimbae; teme lamal te c'ope, ya slajinbey yip ta jc'axel.

San Juan 4:37

Yu'un melel te bila ay ta alele: “Yan ya yaiy awal, yan mach'a ya sc'aj”, te xie.

Romanos 12:3

Te bit'il yac'ojbon quich' cat'el ta swenta yutsil yo'tan te Diose, jich yu'un ya calbeyex awaiyic ta apisilic te ma me ayuc mach'a muc' scuyoj sba. Yich'ojuc me swentail te bit'il c'oem sba ta yo'tan ya yaiye, chican te jayeb majt'anil ac'bot yu'un Dios ta swenta xch'uunjel te yo'tane.

Romanos 12:6

Yanyantic jmajt'antic yac'ojbotic te Diose, chican te bit'il ay yutsil yo'tan cu'untic te Diose. Jich yu'un, te mach'a ac'ot ta j'alwaneje, ac'a me yat'elin spasel ta swenta xch'uunjel yo'tan.

Filipenses 2:3

Ma me xale atuquelic te bila ya awac' abaic ta ich'el ta muc' yu'un ta swenta atoybaelic te juju-jtulexe. Peq'uel me xawac' abaic. Ja'uc me cajal sc'oplal ta awo'tanic te mach'atic jun ayex soque.

Jueces 8:2

Ja'uc me to, la sujt'esbey sc'opic: —¿Yu'un bal ma x'ana'ic stojol te bi la apasic te ja'exe, c'axem jich sc'oplal a te bi la jpastic te jo'otique?

Jueces 8:4

Te Gedeón c'ot ta muc'ja' Jordán soc te jo'lajunwinic (300) ta jtul swinictaque. C'axic bael, manchuc me ayix bayal lubel la yaiyic ta snutsel bael te scontroique.