Jueces 8:10 - Bible in Tzeltal de Oxchuc y Tenejapa

¹⁰ Te Zeba soc te Zalmuna tey ay ta lum Carcor soc te jo'lajunmil (15,000) swinictac, te ja' xanix jilemic ta spisilic te soldadoetic talemic ta stojol sloq'uib c'aal. Melel lajemiquix wacwinic ta jmil (120,000) te swinictaque.

Bible in Tzeltal Bachajón

¹⁰ Te Zeba soc te Zalmuna ayic ta Carcor soc j'ohlil yoxbahc' scha'pic (15,000) ta tuhl soldadohetic, ha te mach'atic hilemic ta spisil te soldadohetic talemic ta stojol banti ya xloc' tal c'ahc'al, yu'un lajemiquix ho'lajunpic (120,000) soldadohetic.

Jueces 8:10 Iomraidhean Croise

2 Reyes 3:26

C'alal la yil te muc' ajwalil yu'un Moab te ja' toyol yipic te scontrotac, te ja' peq'uel yipic te swinictaque, la yic' jo'lajunwinic xcha'bajc' (700) soldadoetic te ya xbeen ta yacanic, yu'un ya c'an sjam bael sbeic ta stojol banti ay te muc' ajwalil yu'un Edom. Pero ma ba ju' yu'unic spasel.

2 Crónicas 13:17

Te Abiam soc te soldadoetic yu'un la yaiyic milaw ta c'axem to xan. La smilic jo'winic xcha'bajc' ta jmil (500,000) soldadoetic te tsabilic yu'un Israel.

2 Crónicas 28:6

Melel te Peka, te snich'an Remalías, la smil ta Judá ta jun nax c'aal wacwinic ta jmil (120,000) ta jtul, ja' lajic te mach'atic mero ma xiwique. Ja' ta scaj te la yijq'uitay ta yo'tanic te Cajwaltic Dios yu'un te antiguo sme'-statique.

2 Crónicas 28:8

Soc te soldadoetic yu'un Israel la xchuquic bael ta Judá lajunwinic ta jmil (200,000), tey capalic soc antsetic, alalqueremetic soc alalach'ixetic, soc la yu'uninic bayal biluquetic. Spisil la yich'ic bael ta Samaria.

Isaías 37:36

Te ch'ul abat yu'un Cajwaltic bajt', ba smil jo'eb slajunwinic ta jmil (185,000) soldadoetic ta scampamento te asiriaetique; ta xchebal c'aalil spisilic lajemiquix a te sacub q'uinale.

Isaías 9:4

Melel la alajinbey sc'oplal te mosoil te la sten ta uts'inel a te lume, te uts'inel te la yac'bey swocol, te sbol yat'el te ajwalil ac'botic spase. Jich la alajinbey sc'oplal te bit'il la ajin te Madián.

Jueces 20:15

Te soldadoetic ta lumetic yu'un Benjamín la xchajban sbaic waqueb xcha'winic ta jmil (26,000). Ma ba la yich' ta ajtayel te jo'lajunwinic xcha'bajc' (700) winiquetic tsabil te ayic ta lum Gabaa.

Jueces 20:17

Te yantic israeletic la stsob sbaic jbajc' ta jmil (400,000) te ya sna'ic guerra ta lec.

Jueces 20:2

Spisil te jtsobwanejetic yu'unic ta juju-jchajp sts'umbal Israel, tey ayic a. Te lum yu'un Dios la stsob sbaic jbajc' ta jmil (400,000) soldadoetic te ya xbeenic ta yacanic.

Jueces 20:25

Te benjaminetic cha'loq'uic tel ta Gabaa, la smilic xan waxaclajuneb ta jmil (18,000) soldado-israeletic.

Jueces 20:35

Te Cajwaltic la yac'bey israeletic te ya stsalic te benjaminetique. Ja' yorail a te israeletic la smilic jo'eb xcha'winic ta jmil soc jo'winic (25,100) soldadoetic te sts'umbal Benjamín.

Jueces 20:46

Ta spisilic lajic jo'eb xcha'winic ta jmil (25,000) te mero lequil soldadoetic sts'umbal Benjamín.

Jueces 6:5

La yich'ic tel snailpaq'uic soc xchamsbalamic, jich la yochintayic te lumq'uinal soc la slajinic ta spisil. La yiq'uic tel camelloetic, mero c'ax bayal ta jyalel, jich talic te bit'il ya xtalic te c'ulubetique.

Jueces 7:12

Te madianetic, te amalequetic soc te yantic winiquetic talemic ta stojol sloq'uib c'aal, spucoj sbaic ta stenlej xatal q'uinal jichuc c'ulubetic. Ay bayal camelloetic yu'unic, mero jich yipalic te bit'il sji'al mar.

Jueces 7:13

C'ot te Gedeón c'alal ta scampamentoic te scontroe. Tey la yaiybey stojol sc'op te jtul soldado te yac yalbel yaiy te jtul sjoy te bi swaichineje. Jich yac ta yalel: —La jwaichin te ay jpejch' pan te pasbil ta cebada, stselelet nax tel c'alal ta campamento cu'untique, jul sbot'q'uin te nailpaq'ue —xi'.

Jueces 7:22

Pero yacalic ta yoq'uesinel xulubil te jo'lajunwinic (300) ta jtul israeletique. Te Cajwaltic ja' nix la yac'bey smil sbaic te madianetic, soc te ya xloq'uic bael ta anel c'alal ta Bet-sita ta sbelal Zerera, soc ja' to ta sti'il sq'uinal Abel-mehola ta nopol Tabat.

Jueces 8:11

Te Gedeón mo bael ta be te ay ta sti'il te jochol taquin q'uinal, ta stojol sloq'uib c'aal ta Noba soc Jogbeha. Och yac'beyic guerra soc ta scampamentoic, ch'ayemix yo'tanic a.