Jueces 4:2 - Bible in Tzeltal de Oxchuc y Tenejapa

² Jich yu'un te Cajwaltic la yac'bey ta sc'ab Jabín, ajwalil-cananeo ay ta lum Hazor. Te mach'a ay ta jtsobwanej ta swenta te soldadoetic yu'un Jabín, Sísara sbiil, nainem ta Haroset-goim.

Bible in Tzeltal Bachajón

² Ha yu'un te Jehová la ya'be ta sc'ab Jabín ajwalil yu'un Canaán te la ya'iy cuentahinwanej ta Hazor. Te jtsobaw yu'un te soldadohetic yu'un, Sísara sbihil, nahinem ta Haroset-goim.

Jueces 4:2 Iomraidhean Croise

Jueces 4:16

Te Barac la snuts bael te soldadoetic soc te carretaetic c'alal ta Haroset-goim. Te bi c'aalil c'ot ta pasele, ma'yuc ni jtuluc soldado yu'un Sísara te cuxul jilel, spisil lajic.

Jueces 4:13

la stsob tel te jo'winic yoxbajc' (900) carreta-taq'uinetic soc spisil te soldadoetic yu'une. Beenic bael c'alal ta Haroset-goim, c'alal yocja' Cisón.

Josué 11:1

Spisil la yaiy stojol Jabín, ja' te muc' ajwalil yu'un Hazor. Jich la sticunbey c'op ta swenta xchapel sc'op soc te muc' ajwalil Jobab ta Madón, soc te muc' ajwaliletic yu'un te lum Simrón soc te lum Acsaf,

Salmos 83:9

Jich xapasbey ta stojolic te bit'il la apasbey te Madián, jich bit'il la apasbey Sísara, jich bit'il la apasbey Jabín ta beja' Cisón

1 Samuel 12:9

Pero patil la yijq'uitayic te Cajwaltic te Dios cu'untique, ja' yu'un ac'otic ta sc'ab Sísara, te swentainej te soldadoetic yu'un Jabín te muc' ajwalil yu'un Hazor, soc ta sc'ab filisteoetic, soc ta sc'ab muc' ajwalil ta Moab. Ja'ic la stsac sbaic ta guerra soc.

Jueces 10:7

Ja' swentail te ilin Cajwaltic ta stojolic, jich la yac'bey ta sc'abic te filisteoetic soc te amonetique.

San Mateo 18:25

Te bit'il ma ju' yu'un stojel te sbete, la yal mandal te muc' ajwalile te ya yich' chonel bael soc yinam snich'nab soc spisil te bila ay yu'une, swenta yu'un jich me ya xtojob a te sbete.

Isaías 50:1

Te Cajwaltic ya yal: —Ma me xacuyic te jo'on la jticun sujt'el te Israele, te jich c'oem te bit'il ame' te ja'exe, jich bit'il jtul winic ya sticun sujt'el te yiname; o la jchonex bael ta mosoil scaj te ay mach'a ay jbet yu'une. Baex ta chonel ta scaj te la ale amulique; Israel te ame'ic te ja'exe, ijq'uitayot jilel ta scaj te toyol la awac' abaique.

Josué 19:36

Adama, Ramá, Hazor,