Jueces 4:1 - Bible in Tzeltal de Oxchuc y Tenejapa

¹ C'alal laj bael te Aod, te israeletic jajch'ic xan ta spasel te bila amen ta sit te Cajwaltique.

Bible in Tzeltal Bachajón

¹ C'alal chamenix a te Aod, te snich'nab Israel suhtic xan ta spasel te bin chopol ta stojol Jehová.

Jueces 4:1 Iomraidhean Croise

Jeremías 5:3

Cajwal, te bila ya alebey te ants-winiquetic, ja' te jun yo'tanic ta atojole. Te castigo la awac'bey, ma ba c'ux la yaiyic; la awac'bey tulan swocolic, pero ma teyuc la snopic a. Tulan ta jyalel te yo'tanique, c'ax to jich te bit'il ton; ma la sc'an sujt'ic bael ta bay lequil be.

Hebreos 11:32

Ta ora to ma xju' te ya calbeyex xan bayale, melel ma niwan xlaj cu'un ta cholel spisil te bit'il ay sc'oplal te Gedeone, te Baraque, te Sansone, te Jeftee, te Davide, te Samuele, soc te j'alwanejetic yu'un te Diose.

Hebreos 11:33

Ta swenta xch'uunjel yo'tanic ju' yu'unic stsalel bayal ta jchajp lum, soc lec ju' yu'unic chajbanwanej, soc ju' yu'unic yich'el te bila yaloj Dios te ya x'ac'botic yu'une, soc ju' yu'unic smaquel yeic te león-chojetique,

Jueces 10:6

Ja'uc me to, te israeletic la xcha'pasic te bila ma lecuc ta sit Cajwaltic, la xch'uunic loc'ombaetic yu'un Baal soc yu'un Astarté, soc diosetic yu'un Siria, diosetic yu'un Sidón, diosetic yu'un Moab, diosetic yu'un Amón, soc diosetic yu'un te filisteoetique. Ja' la yijq'uitay ta yo'tanic te Cajwaltic, ma'yuc bay ya squejan sbaiquix ta stojol.

Jueces 2:11

Te israeletic la spasic bi amen ta sit te Cajwaltic, ja' te bit'il jajch'ic ta xch'uunel loc'ombaetic yu'un Baal.

Jueces 3:12

Te israeletic cha'jajch'ic ta spasel bi amen ta sit te Cajwaltique. Ja' yu'un te Cajwaltic la yac'bey yip Eglón te muc' ajwalil yu'un Moab, cajal yip yu'un a te Israel.

Jueces 3:7

Te yat'el israeletic amen ta sit Cajwaltic, ja' te bit'il la yijq'uitay ta yo'tanic, soc jajch'ic ta xch'uunel te lotil dios Baal soc te antsil-dios Asera.

Jueces 6:1

Te israeletic bolob yat'elic ta sit te Cajwaltique. Jich yu'un te Cajwaltic la yac'bey ta sc'ab juqueb ja'wil te madianetique.