Jueces 3:8 - Bible in Tzeltal de Oxchuc y Tenejapa

⁸ Ja' ilin Cajwaltic ta stojolic yu'un. Jich la yac'bey ta sc'ab Cusan-risataim te muc' ajwalil ta Mesopotamia. Waxaqueb ja'wil ochic ta abatinel yu'un Cusan-risataim,

Bible in Tzeltal Bachajón

⁸ Ha scuentahil te tihl yilimba Jehová ta stojolic, la ya'be ta sc'ab Cusan-risataim ajwalil yu'un Mesopotamia. Waxaqueb ha'bil la yac' sbahic ta a'batinel yu'un.

Jueces 3:8 Iomraidhean Croise

Génesis 24:10

Jich yu'un la stsa bael lequil majt'aniletic ta sbiluc te yajwale, soc la yic' bael lajuncojt' scamello. Jich a bajt', been bael c'alal ta sq'uinal Mesopotamia ta bay slumal Nacor.

Salmos 106:41

La yac'bey jilel ta sc'ab te mach'atic ma'yuc ta stojol Dios. Te scontrotac mandalaj ta stojolic;

Salmos 129:1

Bayal buelta ay mach'atic la yac'boniquix jwocol, c'alal to ta jqueremil jajch' yac'bonic jwocol, ac'a yalic te israeletique

Salmos 44:12

mero peq'uel stojol la achon te lum awu'une te ma'yuc bi loc' awu'un a te la achone.

Salmos 6:1

Cajwal, ma me socuc awilimba ya acomon, ma me xawac'bon castigo soc awilimba.

Salmos 85:3

Jc'axel la awaq'uix lamajuc te awilimba soc te sc'ajc'al awo'tane.

Éxodo 22:24

Ja' yu'un ta swenta yip te quilimba, ya me jmilex ta puñal. Jich nix me ya xjilic ta me'ba ants te awinamic soc ta me'ba alaletic te anich'nabique.

Isaías 50:1

Te Cajwaltic ya yal: —Ma me xacuyic te jo'on la jticun sujt'el te Israele, te jich c'oem te bit'il ame' te ja'exe, jich bit'il jtul winic ya sticun sujt'el te yiname; o la jchonex bael ta mosoil scaj te ay mach'a ay jbet yu'une. Baex ta chonel ta scaj te la ale amulique; Israel te ame'ic te ja'exe, ijq'uitayot jilel ta scaj te toyol la awac' abaique.

Levítico 26:17

Jo'on me ya jcontroinex, ya me stsalex te acontroique, ya me yabatinex te mach'atic ay slab yo'tan awu'unique, ya me xloq'uex ta anel manchuc ma'yuc mach'a ya snutsex.

Habacuc 3:7

“Quiloj te ants-winiquetic ta Cusán, u'uninbilic yu'un mel-o'tan; te mach'atic yajwal Madián, tsacbilic ta jyalel yu'un te xiwele.

Romanos 7:14

Melel jna'ojtic stojol te ja' yu'un Dios te mandalile. Yan te jo'one, ch'ich'-baq'ueton nax. Mosoinbilon yu'un te mulile.

Deuteronomio 29:20

Te Cajwaltic ma me ja'uc ya xbajt' ta yo'tan pasulayel-perdón, ja' nax me ya yac'bey tel te yilimba ta stojol te mach'a jich ya yale. Ya me xc'ot ta swenta te bitic castigo albilix sc'oplal ta libro in to. Te Cajwaltic ya me stup'bey sts'umbal ta jc'axel ta lumq'uinal.

Deuteronomio 32:30

¿Bi yu'un te jtul nax mach'a la yac' anuc jmil ta jtule? ¿Bi swentail te cheb nax la sticun ta anel lajunmil ta jtul? Ja' nax yu'un te Cajwaltic, te ja' Jcanantaywanej yu'unic, la sc'an la yac'bey ta sc'ab yu'un te controe.

Jueces 2:14

Ja' swentail te ilin Cajwaltic ta stojol Israel. Jich la yac' taluc j'eleq'uetic te tal spojbeyic te bitic ay yu'unique. Te scontroic te ayic ta sjoyobal, tsalotic yu'un, xujt' ma ju' yu'unic te ya stsal sbaic soque.

Jueces 2:20

Ja' swentail te ilin yo'tan Cajwaltic ta stojol Israel. Jich la yal: “Te lume, ma xyich'ic ta muc' te trato jchapoj soc te antiguo sme'-statique, soc ma sc'an xch'uunbonic te jc'ope.

Jueces 3:10

Te espíritu yu'un Cajwaltic jul ta wentainel yu'un te Otoniel, ja' juez c'ot yu'un te israeletique. Loc' bael ta guerra, te Cajwaltic la yac'bey yaiy tsalaw ta stojol Cusan-risataim.

Jueces 3:7

Te yat'el israeletic amen ta sit Cajwaltic, ja' te bit'il la yijq'uitay ta yo'tanic, soc jajch'ic ta xch'uunel te lotil dios Baal soc te antsil-dios Asera.

Jueces 3:9

ja' to c'alal la yalbeyic wocol te Cajwaltique. Jich la sle stuquel te mach'a tal ta coltayel yu'une. Ja' la yac' ta jcoltaywanej te Otoniel snich'an Cenaz, te ja' yijts'in Caleb.

Jueces 4:9

La yal te Débora: —Yacuc, ya joinat bael. Ja'uc me to, te bi yutsilal ya xc'ot ta pasel te ya ajache ma me ja'ucat awu'un stuquel, melel te Sísara ya x'ac'ot ta sc'ab jtul ants yu'un te Cajwaltique —xi'. Jich yu'un te Débora bajt' soc Barac ta Cedes.

1 Samuel 12:9

Pero patil la yijq'uitayic te Cajwaltic te Dios cu'untique, ja' yu'un ac'otic ta sc'ab Sísara, te swentainej te soldadoetic yu'un Jabín te muc' ajwalil yu'un Hazor, soc ta sc'ab filisteoetic, soc ta sc'ab muc' ajwalil ta Moab. Ja'ic la stsac sbaic ta guerra soc.