Jueces 21:1 - Bible in Tzeltal de Oxchuc y Tenejapa

¹ Te israeletic yalojic ta jamal ta Mizpa, te ma ba ya yac'beyic jtuluc yantsil-nich'nabic te ya xnujbinuc soc te benjaminetique.

Bible in Tzeltal Bachajón

¹ Te winiquetic yu'un Israel hich yalojiquix ta jamal ta Mizpa: Ho'otic mayuc mach'a ya cac'tic nuhpunuc soc cantsil-nich'nabtic te snich'nab Benjamín, xchihic.

Jueces 21:1 Iomraidhean Croise

Eclesiastés 5:2

Ma me ayuc bi ora nax ya alom ta chapel ta stojol Dios, ni ya awal ta awe, o ya awal ta ajol ta awo'tan. Melel te Diose ay ta ch'ulchan stuquel, yan te ja'ate ayat ta balumilal. Ja' yu'un tsajtaya me, ma me najt'uc ya xc'ot te ac'op te c'alal ya xc'opojate.

Jeremías 4:2

jich me ya xju' te ya atabon ta alel jbiil ta smelelil, ta stojil soc ta swenta bitic lequic ta pasele. Ta swenta jbiil ya me xc'ot bendición ta stojol te nacionetic, soc ya me yalbonic lec jc'oplal —xi' te Cajwaltique.

Jeremías 40:6

Te Jeremías bajt' ta stojol Gedalías ta Mizpa. Tey nain soc a, soc nix te ants-winiquetic te jilemic xan ta slum-sq'uinalique.

San Marcos 6:23

Soc la yal ta jamal: —Chican te bila ya ac'anbone ya cac'bat, manchuc teme ja' ya ac'anbon oliluc te jmaquen-q'uinale —xi' te Herodese.

Hechos 23:12

Ta yan c'aal ay judioetic te la xchap sc'opic te bit'il ya smilic te Pabloe: —Ya me yac'botic castigo te Dios teme ya xwe'-x'uch'ajotic te bit'il ma to xlaj ta milel cu'untic a te Pabloe —xiic ta xchapel.

Romanos 10:2

Jamal ya calbeyex ta atojolic te bit'il toyol yo'tanic ta stojol te Diose. Ja'uc me to, ma sna'ic te bit'il ya sc'an ch'uunel ta melel.

Jueces 20:1

Ta spisil te israeletic ta Dan c'alal ta Beerseba soc ta Galaad, la stsob sbaic ta Mizpa ta stojol te Cajwaltic, jun nax la yac' sbaic, jich c'otic te bit'il jtul nax winic.

Jueces 20:10

Ya me jloq'uestic jtul ta lajuntul winiquetic ta spisil ta chajbalchajp jts'umbaltic, ja'ic me ya x'och ta swentaic sleel we'elil yu'un te soldadoetique. Te yantic ya me yac'beyic stoj te swinquilel Gabaa te bila amen la spasbey te jlumaltique —xiic.

Jueces 20:48

Te israeletic ora la yac'beyic guerra te yantic benjaminetic, laj ta puñal te juju-jpam lume. La smilbeyic te xchamsbalamic soc spisil te bitic la staic ta be, soc la xchiq'uic te lumetique.

Jueces 20:8

Tejc'ajic ta ora ta spisilic, jich c'oem te bit'il jtul nax winic la yac' sbaic, jich la yalic: —Te jo'otic ma sujt'otic bael jtuluc ta jnailpac'tic o ta jnatic.

Jueces 21:18

Te jo'otique ma xju' ya cac'tic xnujbinic soc cantsil-nich'nabtic, melel jpisiltic jo'otic te israelotic, calojtic ta jamal te boloben me sc'oplal te mach'a ya yac'bey yiname te benjaminetique —xiic.

Jueces 21:22

Teme ya xtal sc'oponotic te sme'-static o yermanotac te ach'ixetique, ya me calbeytic: ‘Jo'otic ya caltic wocol ta atojolic te ya apasbotic perdón, yu'un ma la jtabeytic yinamic ta spisilic a te c'alal ba cac'beytic guerra te lum Jabes. Te bit'il ma ja'uc la awac'beyic te ja'ex, jich ma'yuc amulic yu'un’, ya me cutic”, xiic.

Jueces 21:5

La sjojc'obey sbaic: —¿Ta jpisiltic mach'atic a te ma ba c'otic ta tsoblej ta Mizpa? —xiic. Yu'un yalojic ta jamal te ya yich' milel te mach'atic ma ba c'otic ta tsobleje.

Jueces 21:7

¿Bi ya sc'an ya jpastic swenta yu'un ya jlebeytic yinamic te benjaminetic te cuxulic to jilele? Te jo'otic calojtic ta jamal ta stojol Cajwaltic te ma xju' cac'tic xnujbinuc soc te cantsil-nich'nabtique.

1 Samuel 14:24

Pero te israeletic mero ma'yuquix yipic, melel ma'yuc mach'a swe'oj ni jxujt'uc we'elil, scaj te ay bi jc'axel la yal ta stojol Dios te Saule. Jich yaloj: “Jc'axel ch'aybil ya xc'ot te mach'a ay bi ya swe' te c'alal ma to x'ijc'ub q'uinal, teme ma to ayuc bi jpasojbey te jcontroe”, xi'.