Jueces 2:1 - Bible in Tzeltal de Oxchuc y Tenejapa

¹ Te ch'ul abat yu'un Cajwaltic loc' ta Gilgal, bajt' ta Boquim. Jich la yalbey te israeletic: —Jo'on la jloq'uesex tel ta Egipto, la quiq'uex tel ta bay in q'uinal to te la calbey te antiguo ame'-atatique: “Ma'yuc bi ora ya jlajinbey sc'oplal te trato cu'un ta atojolic te ja'exe”, xoon.

Bible in Tzeltal Bachajón

¹ Te ch'ul a'bat yu'un Jehová loc' tal ta Gilgal, baht ta Boquim, hich la yal: Ho'on la jloq'uesex tal ta Egipto soc la jquiq'uex tal ta q'uinal te la jcalbe ta jamal te ame'atatic te ya ca'be, hich la jcalbe: Mayuc bin ora ya jlajimbe sc'oblal te chapbil-c'op cu'un ta atojolic;

Jueces 2:1 Iomraidhean Croise

Génesis 12:7

Te Cajwaltic la yac' sba ta ilel ta stojol Abram, jich la yalbey: —Ya me cac'bey sq'uinalin ats'umbal te q'uinale —xi' sc'oplal yu'un te Cajwaltique. Jich te Abram la spasbey scajtijib ta chiq'uel smajt'an tey a te Cajwaltic te bit'il tey la yac' sba ta ilel ta stojol a.

Génesis 16:13

Jich yu'un te Agar la yac'bey sbiil te Cajwaltic te c'oponot yu'une: “Diosat te spisil ya awile”, xi' c'ot yu'un. Yu'un la yal: “¿Melel bal te cuxulon to te bit'il la yilon te Diose?” xi'.

Génesis 48:16

ja' te Ch'ul Abat te ya scoltayon yu'un ma ba ya yac'on a spisil te bitic ma lecuque, ac'a yac'bey bendición te queremetique. Ac'a yich'bonic jilel jbiil soc sbiil te jmam Abraham soc te jtat Isaac, ac'a esmajuc, soc bayaluc me sts'umbalic ta balumilal —xi'.

Salmos 89:3

La apas trato ta stojol te David, jc'axel jich la awalbey te tsabil abat awu'une:

Salmos 89:34

Ma ba ya jlajinbey sc'oplal te trato cu'une; ma me xch'ay cu'un te bila caloje.

Éxodo 14:14

Ma me xamel awo'tanic, ja' me ya spas guerra ta awentaic stuquel te Cajwaltique —xi'.

Éxodo 14:19

Te ch'ul abat yu'un Dios te neelajem yu'un te israeletic, bajt' ta spatic, soc nix te balal tocal la syantesbey yawil, bajt' ta spatic te israeletique.

Éxodo 20:2

—Jo'on Ajwalilon, te Dioson awu'une, te la jloq'uesat ta Egipto ta banti ayat ta mozoile.

Éxodo 23:20

“Aiya awaiy stojol ya jticunbat ch'ul abat cu'un ta atojol, swenta yu'un ya scanantayat ta be. Ja' me ya yic'at bael ta q'uinal te chajbanbilix cu'une.

Éxodo 33:14

La yal te Cajwaltic: —Jo'onix me ya joinat bael, soc ya me cac'bat te bay ya acux awo'tan —xi'.

Isaías 63:9

yu'un spisil te swocolique. Ma yu'unuc yan mach'a la sticun tel te tal ta coltaywaneje; ja' nix tal stuquel te Cajwaltique. Ta swenta xc'uxul yo'tan la yac' ta libre soc yutsil yo'tan, la sjach, la stsac ta sc'ab. Jich la spas spisil ora.

Jeremías 14:21

Ta swenta xch'ul yutsilal ac'oplal, ma xach'ojotic loq'uel, ma me jc'axeluc ya awilay te lume, ja' te bay amuc'ul nactijib te bayal yutsilale. Na'a me te trato la apas ta jtojoltique, ma me xch'ay ta awo'tan.

Levítico 26:42

Jich me ora ya jna' te trato cu'un soc Jacob, Isaac, Abraham, soc ya me jna' te lumq'uinal awu'unique.

Levítico 26:44

“Manchuc me jich ya jpasbeyex, soc manchuc me ayex ta slum-sq'uinal acontroic, pero ma ba ya quilayex soc ma ba ya jch'ayex. Ma ba ya jlajinex soc ma me xch'ay cu'un te trato chapal cu'un soc te antiguo ame'-atatique, melel jo'on te Ajwalilon te Dioson awu'unique.

Zacarías 11:10

La jtsac te jnabate' “Utsilal” sbiil, la jc'as swenta seña te jin te trato yu'un Dios spasoj soc ta spisil te nacionetique.

Malaquías 3:1

Te Cajwaltic te Spisil ya xju' yu'un ya yal: —Ya me jticun tel j'alwanej cu'un swenta yu'un ya xchajbanbon jbe. Te Ajwalil te yacalex ta sleel te ja'exe, ora me ya x'ochix bael ta templo yu'un. Julelix tel te j'alwanej yu'un te tratoe, ja' te mach'a maliybil awu'unique —xi' te Cajwaltique.

Números 14:34

Ja'ex cha'winic (40) c'aal jalajex ta stsajtayel te q'uinale, jich nix me ya awich'ic castigo cha'winic (40) ja'wil, jujun ja'wil me ya xc'ot te jujun c'aale. Jich me ay ta na'el a te ma lecuc te mach'a ya scontroinone”, uta me.

Deuteronomio 1:8

Jo'on ya cac'beyexix awu'uninic te q'uinale. Baanic, ich'a ta awentaic, u'uninaic te q'uinal, te jo'on Ajwalilon awu'unic jc'axel la cal ta jamal te ya cac'bey te antiguo ame'-atatic, ja' te Abraham, Isaac soc Jacob, soc te patil alnich'anetic yu'unique”, xi' te Cajwaltique —xi' te Moisese.

Deuteronomio 4:34

¿Ay bal dios te ba sloq'ues jchajp lum ta yolil yantic lumetic ta swenta bayal pruebaetic, señailetic, jchajp señailetic soc guerraetic, te tey la yac' ta ilel spisil yu'el a, te mero xiweltic sba te bila la spase, jich bit'il la spas ta atojolic soc ta stojol te acontroic ta Egipto te Cajwaltic te Dios cu'untique?

Deuteronomio 7:9

Ja' yu'un na'aic me ta lec te bit'il te Cajwaltic te Dios cu'untic ja' mero Dios stuquel. Jun yo'tan ya yac' c'otuc ta pasel ta stojol ta cajalcaj sts'umbal te mach'a ay trato chapal yu'un soque, ja'ic te mach'atic c'ux ya yaiy ta yo'tanic, soc te ya xch'uunic spasel bael te mandaliletic yu'une.

Josué 3:10

Ja' laj me seña te ay ta coliltic te cuxul Diose. Ja' te bit'il c'alal ya xc'axotic baele, ya laj me xjajch' sticunbotic loq'uel te cananeoetic, hititaetic, heveoetic, ferezeoetic, gergeseoetic, amorreoetic soc te jebuseoetique.

Jueces 11:24

Teme ja' te dios awu'unic, te Quemós sbiil, ya yac'beyex jtebuc q'uinal te ya awu'uninique, ja' awu'unic nix ya xc'ot a, ¿me jichuc? Jich te jo'otique, cu'untic nix c'ot a te bi la yac'botic te Cajwaltique.

Jueces 13:2

Ay jtul winic Manoa sbiil te nainem ta lum Zora te ay ta sq'uinal sts'umbal Dan. Te yinam ma'yuc alajem jtuluc, yu'un nix ma x'alaj a.

Jueces 13:3

Te ants chicnaj ta stojol te ch'ul abat yu'un te Cajwaltique. Jich la yalbey: —Te ja'at ma'yuc ataoj awalatac; ja'uc me to, ya me x'alajat. Ay me ch'in querem awu'un ta patil.

Jueces 2:5

Ja' swentail te Boquim c'ot sbiil yu'unic ta bay c'opoje. Tey la yac'beyic milbil smajt'an a te Cajwaltique.

Jueces 6:8

jich la sticunbey jtul j'alwanej yu'un te jich c'otic ta albeyel yu'une: —Jich ya yalbeyex awaiyic te Cajwaltic te Dios awu'unic te Israelexe: “Jo'on la jloq'uesex tel ta Egipto ta bay ainex ta mozoile.