Jueces 12:1 - Bible in Tzeltal de Oxchuc y Tenejapa

¹ Te sts'umbal Efraín la stsob sbaic, c'axic tel ta muc'ja' Jordán ta stojol lum Zafón. Jich jul yalbeyic te Jefté: —¿Bi yu'un te ba awac'bey guerra te amonetic, te ma ba la awalbotic caiytic te tal jointicat bael te jichuque? Yo'tic ya jchic'tic te ana, tey me ya xc'ajc'at ta yutil —xiic.

Bible in Tzeltal Bachajón

¹ Te winiquetic yu'un Efraín la stsob sbahic, c'axic bahel ta Safón soc hich la yalbeyic te Jefté: ¿Bin yu'un te la awa'be guerra te snich'nab Amón, te ma ba la awic'otcotic yu'un ya joquinatcotic? ¡Ya me jchic'atcotic soc ana! xchihic.

Jueces 12:1 Iomraidhean Croise

Salmos 109:4

Te xc'uxul co'tan ya sujt'esbonic ta guerra; ja'uc me to, ya jc'oponat yu'unic.

Eclesiastés 4:4

La quil te bayal ya x'at'ejotique, te bayal ya x'esmaj jbiluctic swenta bit'il muc' at'el ya jchajbantique, talel c'axel ya xjajch' bic'tal-o'tantay jbajtic yu'un. Ja' nix jich mero tojol ta jyalel, soc te ja' pajal soc te yacuc jtsactic te iq'ue.

Oseas 13:1

C'alal c'opojic te yajwal Efraín, te yantic ta chajbalchajp te israeletic la yich'ic ta muc'. Ja'uc me to, laj te Efraín te c'alal la sta smul ta xch'uunel Baal.

San Marcos 3:24

Jich bit'il te mach'atic jtul nax muc' ajwalil ay yu'unique. Teme ya xat sbaique soc teme ya xjajch' scontroin sbaique, ma ba ya xjalajic ta q'uinal yu'un.

San Juan 10:32

Te Jesús jich la yalbey: —Bayal lequil at'eliletic la jpas ta atojolic ta swenta yu'el te Jtate. ¿Bila amen la jpas te ya amilonic ta ch'ojel ta ton yu'une? —xi'.

Santiago 3:16

Melel te bic'tal-o'tanile soc te toybaile, tey ya xchicnaj guerra a soc spisil ta jchajp te bila amene.

Jueces 11:40

Jich yu'un te israeletic spisil ja'wil ya xbajt'ic te ach'ixetic ta yoc'tayel te yantsil-nich'an Jefté, chaneb c'aal te jujun ja'wile.

Jueces 12:2

Te Jefté la sjac'bey te sc'opique: —Te jo'on soc te jwinictac ay jc'optic soc te amonetique. La quiq'uex te ja'exe, pero ma ba talex ta coltaywanej.

Jueces 14:15

Ja' yu'un ta xchanebal c'aal ba yalbeyic te yinam Sansón: —Ac'a puersa ta sjojc'oyel te amamlal, te yacuc yalbotic ta atojol bi swentailuc te c'ope. Teme ma jichuc ya apase, ya me awich' chiq'uel soc te mach'atic ay yu'un te atate. ¿Ja' nax bal la awic'otic tel yu'un te ya apojbotic te bi ay cu'untique? —xiic.

Jueces 15:6

Te filisteoetic la sjojc'oyic ta lec te mach'a la spase. C'alal la yaiyic stojol te ja' Sansón, te ja' spacol ta stojol te snialmamal, te Timnat-winic, te la spojbey yinam, te ja' la yac'bey te sjoye, bajt'ic ta chiq'uel te ants soc te state.

Jueces 8:1

Te mach'atic sts'umbal Efraín jajch'ic ta ilimba, la spasic bayal c'op soc Gedeón, melel ma la yich'ic iq'uel yu'un te c'alal loc' yac'bey guerra te madianetique.