Jueces 1:3 - Bible in Tzeltal de Oxchuc y Tenejapa

³ Ja' yu'un te sts'umbal Judá la yic' te yermanotac, ja' te sts'umbal Simeón, swenta yu'un jun me ya yac' sbaic ta spojel te q'uinal te ya xc'ot ta swenta Judá, soc ta patil ya xba spojic te q'uinal te ya xc'ot ta swenta Simeón. Te sts'umbal Simeón soc te sts'umbal Judá la xch'uunbey sbaic te sc'opique.

Bible in Tzeltal Bachajón

³ Te Judá hich la yalbe te yermano, ha te Simeón: Joquinawon bahel ta q'uinal te a'botonix ta jcuenta, yu'un ya ca'betic guerra te cananeohetique; soc ha nix hich ya joquinat bahel ta q'uinal awu'un, xchi. Hich te Simeón la sjoquin bahel.

Jueces 1:3 Iomraidhean Croise

Génesis 29:33

La xcha'yic' xan yal te Lea, ja' nix jich querem a tal. La yal: “Dios la yaiy stojol te ma ba mulanbilon, jich yu'un la yac'bon xan yan cal”, xi'. Simeón sbiil a c'ot yu'un.

2 Samuel 10:11

Te Joab jich la yalbey te Abisai: —Teme ja' ya stsalbelon ya awil te siriaetic, ya me xtal acoltayon. Ja' nix jich teme ja' ya stsalat ya quil te amonetique, jo'on me ya xtal jcoltayat.

Josué 19:1

Te xchebal buelta te la yich' puquel te q'uinal la yich' pasel snumeroil ta na'el, ja' c'ot ta swenta te jayeb ta jchajp sts'umbal Simeón. Te sq'uinal jil ta yutil sq'uinalic te sts'umbal Judá:

Apocalipsis 7:7

soc ay lajuneb xcha'winic ta bajc' (12,000) ta jtul te sts'umbal Simeón, soc ay lajuneb xcha'winic ta bajc' (12,000) ta jtul te sts'umbal Leví, soc ay lajuneb xcha'winic ta bajc' (12,000) ta jtul te sts'umbal Isacar,

Jueces 1:17

Te sts'umbal Judá bajt' soc te sts'umbal Simeón, jich te bit'il chapal yu'unic, ba stsalic te cananeoetic te nainemic ta Sefat. La sjinic ta jc'axel te lume, ja' swentail te Horma la yac'beyic sbiiline.

Jueces 1:2

Te Cajwaltic la yal te ja' neel ya xbajt' te sts'umbal Judá, ja' ya x'ac'bot ta sc'ab yu'un Cajwaltic te q'uinale.

Jueces 1:4

Jich yu'un te sts'umbal Judá la spojbey sq'uinal te cananeoetic soc te sq'uinal ferezeoetic, ja' te mach'atic ac'botic ta sc'abic yu'un te Cajwaltique. Ta lum Bezec la stsalic lajunmil (10,000) ta jtul, ta yolilic ay te Adoni-bezec.