San Juan 7:3 - Bible in Tzeltal de Oxchuc y Tenejapa

³ Te yijts'inabe jich caj yalbeyic te Jesuse: —Loc'an bael li'to. Baan ta sq'uinal Judea. Jich me ya yil te jnopojeletic awu'un te bila ya apase.

Nuevo Testamento Tzeltal de Amatenango

³ Te yijtsꞌinab te Jesuse la yalbeyik: —Ma me liyuk xꞌanat to; baan me ta Judea. Jich me ya xkꞌo yil teꞌa te machꞌa stsꞌakliyejat te tut ya apase.

Bible in Tzeltal Bachajón

³ Te Jesús halbot yu'un te yihts'inab: Ya sc'an ya xloc'at bahel li'i, bahan ta Judea scuenta yu'un ya yilic te jnopojeletic awu'un te a'teliletic yacat ta spasele.

San Juan 7:3 Iomraidhean Croise

Génesis 37:20

La' me, ya jmiltic, ya jch'ojtic coel ta pozo. Laj ta ti'el ta jti'awal ja'mal chambalam, xootic me ta yalel. Tey me ya xlaj sc'oplal a te swaiche —xiic.

Jeremías 12:6

Asta te mero awermanotaque, te jun ana soque, ya yac'at ta c'abal, soc ya yawtayat ta ixta c'op ta apat. Ma xawac' smuc'ul awo'tan yu'unic, manchuc teme lec nax sc'op te ya sc'oponate.

San Mateo 12:46

Te Jesús yac to ta c'op ta stojol a te ants-winiquetique, tal te sme'e soc te yijts'inabe. Teq'uelic julel ta amac', ya sc'an sc'oponic te Jesuse. [

San Marcos 3:21

Te c'alal la yaiyic stojol te mach'atic ay yu'un te Jesuse, tal snitic bael, yu'un la yalic te soquem sjol ta sc'opic te Jesuse.

San Marcos 3:31

C'ot te sme' soc te yijts'inab te Jesuse. Teq'uelic julel ta amac' soc la sticunic ta iq'uel te Jesuse.

San Lucas 8:19

Te sme' Jesús soc te yijts'inabe, c'otic tey a te banti aye. Ma ju' yu'unic te la staic ta c'oponel te Jesuse, ta scaj te tsobol ants-winiquetique.

San Lucas 8:20

Ay mach'a la yalbey te Jesuse: —Te ame'e soc te awijts'inabe ayic ta amac'. Yo'tan ya sc'oponat —xi'.

San Juan 2:2

soc ic'otic tel ta yilel nujbinel uuc te Jesús soc te jnopojeletic yu'une.

San Juan 6:60

Te bit'il jich la yal ta p'ijubteswanej te Jesuse, tsobol te jnopojeletic yu'un te jich la yalique: —Chujc'ul te sc'ope. ¿Mach'a c'an c'otuc ta yo'tan? —xiic.

San Juan 6:66

Jich ora te ay sujt' ta spatic tsobol jnopojeletic yu'un te Jesuse. Ma la sc'anic te la sjoinic xan ta beele.

San Juan 7:10

Te c'alal bajt'iquix a te yijts'inab te Jesuse, patil bajt' ta q'uin uuc. Swenta muquen te bit'il bajt'e, ma la yac' sba ta ilel ta comonsitil.

San Juan 7:4

Ma'yuc mach'a muquen te ya x'at'ej teme ya sc'an ya xna'bot sba ta bayuque. Te bila ya xju' ta pasel awu'une, pasa ta comonsitil ta stojol spisil te lume —xiic.

San Juan 7:5

Yu'un ma ba xch'uunejic Jesús uuc te yijts'inabe.

Hechos 2:14

Jich te Pedro tejc'aj jajch'el soc te buluchtul sjo'tac ta jpuc-c'opile. Tulan c'opoj ta yalel sc'oplal ta jamal: —Te ja'exe, judioetic, soc ta apisilic uuc ja'ex te nainemex ta Jerusalén, aiya me awaiyic stojol te bila ya calbeyexe. Ac'a c'otuc ta awo'tanic te bit'il ay in to.

1 Samuel 17:28

Pero te Eliab, te smuc'ul banquil te David, yac yaiybel te bila yac yalel soc te yantic winiquetique, ma lecuc la yaiy. Jich la yal yu'un: —¿Bi talem apasbel? ¿Mach'a la awijq'uitay jilel soc te cha'oxcojt' chijetic ayic ta taquin q'uinal aquiltic? Quilojbat atalel te biluc nax ya alom ta pasele, soc te ma lecuc bila ya anop ta awo'tane, melel ja' nax talemat ta yilel te guerra —xi'.