San Juan 3:2 - Bible in Tzeltal de Oxchuc y Tenejapa

² Tal sc'opon ta ajc'ubal te Jesuse. Jich jajch' yalbey: —Maestro, jna'oj stojol te bit'il ticunbilat tel ta p'ijubteswanej yu'un te Diose, melel ma'yuc mach'a ya xju' yu'un spasel te jchajp at'eliletic te yacat ta spasel te manchuc sjoinejucat te Diose —xi'.

Nuevo Testamento Tzeltal de Amatenango

² tal skꞌopon ta ajkꞌubal te Jesuse. La yalbe: —Maestro, jnaꞌojtik te jaꞌ stikonejat tal ta pꞌijuteswanej te Diose, porke maꞌyuk machꞌa ya xjuꞌ yuꞌun spasel te milagroetik te yipalat ta spasele te jichuk ma soyinejuk te Diose —xchi.

Bible in Tzeltal Bachajón

² Ta ahc'abal tal sc'opon te Jesús, hich la yalbe: Rabí, jna'ojcotic te ha sticonejat tal ta p'ijubteswanej te Diose, como mayuc mach'a ya xhu' yu'un spasel te señahiletic yac apasbel teme ma ba joquimbil yu'un te Diose, xchi.

San Juan 3:2 Iomraidhean Croise

1 Reyes 17:24

Te ants jich la yal: —Yo'tic la jna'ix te mero melel te swinicat Dios, soc te bila ya awal, ja' smelelil sc'op te Cajwaltique —xi'.

Isaías 51:7

“Aiybon awaiyic stojol ja'ex, te ya ana'ic te bila toje, te ay sc'oplal ya xc'ot ta awo'tan te p'ijubtesel cu'une. Ma me x'axi'ic te bolc'optayel yu'un te ants-winiquetique; ma xawac' abaic ta pejc'anel yu'un te yixta-c'opique.

Jeremías 38:16

Ja'uc me to, te muc' ajwalil Sedequías muquen la yalbey te Jeremías, soc jamal la yal ta stojol te bit'il ay te yo'tane: —Ya cal ta stojol Cajwaltic, te la yac'botic jcuxlejaltique, te ma ba ya cac'at ta milel, soc ma ba ya cac'at ta sc'abic te mach'atic ya sc'an smilate —xi'.

San Mateo 22:16

Jich la sticunic bael ta stojol cha'oxtul te jnopojeletic yu'un te fariseoetique soc cha'oxtul te mach'a jun yo'tan sbaic soc te Herodese. Jich tal yalbeyic te Jesuse: —Maestro, jna'ojtic stojol te bit'il puro smelelil te bila ya awale. Soc jna'ojtic te bit'il jamal ya awac' ta nopel te be yu'un te Diose. Ma'yuc mach'a te ya xiwat ta c'op ta stojol, te melel ma tsabiluc nax awu'un ta sit yelaw te mach'a ya awich' ta muq'ue.

San Mateo 23:7

Soc ya smulanic te ya xpatbot yo'tanic ta comonsitil ta bay yolil ch'iwich, soc ya smulanic te “maestro” ya x'utotic yu'un te ants-winiquetique.

San Mateo 23:8

“Yan te ja'exe, ma me x'ac'anic te “maestro” xi' ac'oplalique. Melel awermano abaic ta apisilic soc jtul nax maestro ay awu'unic.

San Marcos 12:14

Jich tal yalbeyic: —Maestro, jna'ojtic stojol te puro smelelil te bila ya awale. Ma'yuc mach'a te ya xiwat ta c'op ta stojol te melel ma tsabiluc nax awu'un te mach'a ya awich' ta muq'ue. Melel jamal ya awac' ta nopel te smandal te Diose. ¿Ya bal stac' te ya jtojtic jpatantic yu'un te muc' ajwalil Cesare o ma stac'? ¿Ya bal cac'tic o ma xcac'tic? —xiic.

San Juan 1:38

Te Jesús la sujt'es sba ta yilel. La yil ts'acal tel ta spat te chebique. La sc'opon: —¿Bi ya aleic? —xi'. La sjaq'uic: —Rabí (ja' bi, Maestro, xi' c'oem), ¿banti nainemat? —xiic.

San Juan 10:38

O teme ja' nix yacon ta spasele, manchuc teme ma xach'uunbonic te bila la cale, ja' me x'awich'ic ta muc' te at'eliletic ya jpase, swenta yu'un tey me ya ana'ic ta jc'axel a te jun ayon soc te Jtate —xi' te Jesuse.

San Juan 12:37

Manchuc teme bayal ta jchajp te señailetic la spas ta stojolic te Jesuse, ma ba c'ot ta yo'tanic te mach'a a,

San Juan 14:10

¿Yu'un bal ma xc'ot ta awo'tan te jun ayon soc te Jtate? Ma jo'ocon jc'op jtuquel te bila ya calbeyexe. Te Jtat te jun ayon soque, ja' ya spas stuquel te yat'ele.

San Juan 15:24

Te manchuc la jpasbey yilic at'eliletic te ma'yuc mach'a ju'em yu'un spasele, ma'yuc smulic te jichuque. Ta ora to la yiliquix te bila la jpase. Ja' ya yilayonic yu'un, soc ya yilayic uuc te Jtate.

San Juan 2:11

Ja' in to, ja' sbabial yu'un spisil te señailetic te la yac' ta ilel yutsilal a te Jesuse. Tey c'ot ta pasel ta lum Caná te ay ta sq'uinal Galilea. Te bit'il la yilbeyic seña yu'el Jesús te jnopojeletique, jich la xch'uun yo'tanic te mach'a a.

San Juan 20:16

La yal te Jesuse: —¡María! —xi'. Te antse la sujt'es sba. La sc'opon ta hebreo-c'op: —¡Raboni! —xi'. (“Maestro”, xi' c'oem.)

San Juan 3:26

Jich ba sc'oponic te Juane: —Maestro, te mach'a ajoinej ta stojol sloq'uib c'aal ta bay jejch' muc'ja' Jordán te la awalbotic sc'oplale, ja' yaquix ta yaq'uel ich'ja'. Spisilic xbajt'iquix ta stojol —xiic.

San Juan 4:31

Te c'alal baem ta lum ta yalel sc'oplal Jesús a te antse, te jnopojeletique la yalbeyic wocol te Jesuse: —Maestro, we'an —xiic.

San Juan 5:36

Ja'uc me to, ay testigo cu'un te cajal ay sc'oplal yu'un te Juane. Ja' testigo cu'un te at'eliletic yac'ojbon jpas te Jtate. Te at'eliletic te yacon ta spasele, ja' chican ta na'el a te ja' nix la sticunon tel te Jtate.

San Juan 6:2

Bayal ants-winiquetic la sts'aclinic bael te Jesuse, yu'un la yilic te señailetic la spasbey ta stojol te jchameletique.

San Juan 7:31

Ja'uc me to, ay tsobol mach'atic la xch'uunic soc la yalic: —Te c'alal ya xtal te Cristoe ¿c'ax to bal jich yipal señailetic ya yac' ta ilel te bit'il in winic to? —xiic yu'un.

San Juan 9:16

Ay cha'oxtul te fariseoetic la yalique: —Ma ba talem ta stojol Dios me to, melel ma scanantay te bi c'aalil swenta cux-o'tan —xiic. Soc ay la yalic: —¿Ya bal c'an ju'uc yu'un spasel jtul jmulawil in señailetic to? —xiic. Jich ma junuc yo'tan sbaic yu'un.

Hechos 10:38

Melel awaiyojbey stojol sc'oplal te Jesús te talem ta lum Nazarete. Dios la yac'bey yu'el ta swenta te Ch'ul Espíritu te la yac'bey yiq'ue. Jich bayuc been ta scoltayel te ants-winiquetic soc ta slamantesel spisil te mach'atic ay swocolic ta uts'inel yu'un te pucuje. Jich ju' yu'un spasel, melel sjoinej te Diose.

Hechos 2:22

“Te ja'exe, jlumal israeletic, aiya me awaiyic stojol te bila ya calbeyexe. Te Jesús te Nazarete, chican la awilic te lec sc'oplal yu'un te Diose, melel ja' ta swenta te la spas jchajp at'eliletic soc señailetic ta awolilic te Diose, jich bit'il te ana'ojic stojol ta mero melele.

Filipenses 1:14

Jteb ma spisiluc quermanotactic te toyol yo'tanic ta yalel sc'op Dios yu'un te bit'il ayon ta chuquele. Ma xiwic ta yalel, soc ay stulanil yo'tanic ta swenta te Cajwaltique.

Jueces 6:27

Jich yu'un te Gedeón la yic' bael lajuntul abatetic yu'un, ba spas spisil te bit'il albot mandal yu'un te Cajwaltique. Ja' nax te ma c'aalelticuc la spas, ta ajc'ubal la spas, ja' la xi' te mach'atic ay yu'un te state soc te yajwal te lume.