Jonás 4:2 - Bible in Tzeltal de Oxchuc y Tenejapa

² La sc'opon te Cajwaltic, jich la yal ta sc'oponel: —Cajwal, la nix jna' te c'alal ayon to ta jlumal a te bila ya xc'ot ta pasele. Ja' swentail te c'an anucon bael ta Tarsis. Melel jna'oj te ja'at Diosat te mero bayal yutsil awo'tan, te bayal ya ana' yo'bolil jbajtique, soc te ma orauc ya x'ilinate. Mero bayal te xc'uxul awo'tan. Manchuc me ya awal ya awac' castigo, pero patil ma ba ya awac' c'otuc ta pasel.

Bible in Tzeltal Bachajón

² La sc'opon te Jehová, hich la yal: ¡Jehová! ¿ma bal hichuc nix la jcal te c'alal ayon to ta jlumal? Ha scuentahil te ahnon bahel ta Tarsis, como jna'oj te ha'at Diosat te ay yutsil awo'tan soc yac ana'be yo'bolil sbahic, te ma orahuc ya x'ilinat soc ay bayel sc'uxul awo'tan, soc te yac asuht ac'op ta spasel te bin chopole.

Jonás 4:2 Iomraidhean Croise

1 Reyes 19:4

Te Elías toj bael ta jochol taquin q'uinal. Sjunal c'aal been, ja' to c'o snajc'an sba ta ye'tal retama-te'. Mero yo'tanuc ya xlajix, jich la yal: —¡Tiq'uix a, Cajwal! Lajinbonix te jcuxlejale. Ja' mas lec te ya xlajone, jich bit'il lajic te antiguo jme'-jtate —xi'.

Salmos 103:8

Te Cajwaltic t'ujbil yo'tan, soc ya sna' yo'bolil jbatic; sts'icojbotic jboliltic soc ay xc'uxul yo'tan ta jtojoltic spisil ora.

Salmos 145:8

Te Cajwaltic t'ujbil yutsil yo'tan, ya sna' yo'bolil jbatic; ay xc'uxul yo'tan stuquel, ma x'ilin ta ora.

Salmos 78:38

Pero na'bot yo'bolil sbaic yu'un te Diose; pasbotic perdón yu'un te sbolilique, soc ma jc'axeluc jinotic yu'un. Bayal buelta la xch'ay ta yo'tan te yilimba; ma ba la yac' ta yo'tan.

Salmos 86:15

Pero ja'at Cajwal, Diosat te ya xtal xc'uxul awo'tan ta jtojol, te ya ana'bon yo'bolil jba, soc te ma orauc ya x'ilinat ta jtojol. Bayal xc'uxul awo'tan, soc muc' te smelelil ac'ope.

Salmos 86:5

Melel ja'at Cajwal, buen lec awo'tan soc jpas-perdonat atuquel; mero jc'uxtaywanejat yu'unic te mach'atic ya yalbat wocole.

Salmos 90:13

Cajwal, sujt'an tel ta jtojoltic. ¿Jayeb xan c'aal ya xjalajat? Na'a yo'bolil jbatic te awabatotique.

Éxodo 32:14

Te Cajwaltic la sujt'es sc'op, scaj te la yalbey te Moisés te ma xyuts'in te lum yu'une.

Jeremías 18:8

teme ya yijq'uitay te bila amene, jich ma ba ya jticunix tel ta stojol te castigo te chapalix cu'une.

Jeremías 20:7

Cajwal, ja'at la alo'layon; jich te jo'one la cac' jba ta lo'layel awu'un. Mero c'ax tulanat te ja'ate, jich la atsalon. Ta spisil ora xjajch'ibalon tse'ej; spisilic ya slabanonic.

Jeremías 26:13

Tojtesa te awo'tanic soc te awat'elique, ch'uunbeyaic sc'op te Cajwaltic Diose, swenta jich ma sticunbeyex tel te woclajel te yalojbeyix sc'oplale.

Jeremías 42:10

“Teme jich awo'tanic te li' ya xjilex ta lumq'uinal to, ya me cac' esmajuquex; ma ba ya jinexix, tulan ya jts'unex, ma ba ya jbulex xan. Ya jmel co'tan yu'un te bila amen la jticunbeyex ta atojolique.

Amós 7:3

Jich yu'un te Cajwaltic la snop xan te bila xchapoj ta yo'tane, jich la yal: —Ma me xc'ot ta pasel —xi'.

Amós 7:6

Jich yu'un te Cajwaltic la scom sba ta spasel te bila xchapoj ta yo'tane, soc jich la yal: —Ma me xc'ot ta pasel jiche —xi'.

Jonás 1:3

Pero te Jonás ma jichuc la spas. Loc' ta anel ta stojol Cajwaltic, c'an bajt'uc ta Tarsis. Jich bajt' ta banti ya xloc' barcoetic ta Jope. Tey c'o sta jun barco a te baelix ta Tarsis. Jich la stoj spasaje ta ora. Och ta barco, bajt' te Jonase. Jich c'an loc'uc ta anel ta stojol te Cajwaltique.

Jonás 3:10

La yil Dios te bila yacalic ta spasel te níniveetique. Te bit'il yacalic ta sujt'esel yo'tanic yu'un te bila ma lecuc yacalic ta spasele, jich ma ba la yac' c'otuc ta pasel ta stojolic te lajel la sticun ta alele.

Jonás 3:9

Repente jich ya xlecub yo'tan cu'untic a te Diose, jich ma ba ya yac'otic ta lajel —xi' te ajwalile.

Miqueas 7:18

Ma'yuc yan Dios jich te bit'ilate, melel ya apasbey perdón yu'un te bila amen spasojique, soc ya ach'aybey ta awo'tan stoybail te lum te jilem xan jtebuque. Te ja'at ya awac'botic quiltic te xc'uxul awo'tan; soc ma'yuc ta awo'tan sbajt'el q'uinal te awilimbae.

San Lucas 10:29

Te maestro yu'un te mandalile, ma la sc'an teme ma'yuc sc'oplal ya xc'ot te bila la sjojc'oye. Jich la sjojc'o xan: —¿Mach'a a te jpat-jxujq'ue? —xi'.

Deuteronomio 4:31

te bit'il mero lec yo'tan stuquel, ma me ba ya spijt'esex, soc ma me ba ya slajinex. Ma ba ya xch'ay ta yo'tan te trato la spas soc te antiguo ame'-atatic, te jc'axel yaloj te ya sc'otes ta pasele.