Jonás 3:4 - Bible in Tzeltal de Oxchuc y Tenejapa

⁴ Te Jonás och bael ta yutil te muc'ul lume. Been bael te jun c'aal. Jich yac ta yalel ta aw: —¡Ta cha'winic c'aal ya me xlaj te lum Nínive! —xi' ta aw.

Bible in Tzeltal Bachajón

⁴ Te Jonás hahch bahel ta yutil te muc'ul pueblo, jun c'ahc'al behen ochel, hich yac ta yalel: Ta cha'winic c'ahc'al ya me xlaj te Nínive, xchi.

Jonás 3:4 Iomraidhean Croise

Deuteronomio 18:22

Teme ma ba ya xc'ot ta pasel te bila yaloj Cajwaltic ta sc'op te j'alwaneje, ja' me seña te ma ja'uc yaloj te Cajwaltique. Te j'alwaneje ta swenta nax stoybail yo'tan te jich la yale. Jich yu'un, ma me xiwex yu'un.

Jonás 3:10

La yil Dios te bila yacalic ta spasel te níniveetique. Te bit'il yacalic ta sujt'esel yo'tanic yu'un te bila ma lecuc yacalic ta spasele, jich ma ba la yac' c'otuc ta pasel ta stojolic te lajel la sticun ta alele.

2 Reyes 20:6

Ya me cac'bat xan jo'lajuneb ja'wil acuxlejal. Ja'at soc Jerusalén ya me jcoltayex ta sc'ab te muc' ajwalil yu'un Asiria. Jo'on me ya jcoltay te lum ta swenta xc'uxul ta co'tan te cabat David, soc ta swenta xc'uxul jba ta co'tan uuc’, xi' me”, uta me —xi' te Diose.

2 Reyes 20:1

Jich ora taot ta tulan chamel te Ezequías. Te j'alwanej yu'un Dios Isaías, snich'an Amoz, ba yil, jich la yalbey: —Te Cajwaltic jich ya yal: “C'opojan xan swenta slajibal buelta ta stojol te mach'atic ay awu'une, yu'un ya me xlajatix, ma ba ya xcolatix ta poxtayel”, xi' me —xi' te Isaías.

San Mateo 12:41

“Te c'alal ya sta yorail ya x'ilbot yat'elic te jayeb ants-winiquetic cuxulic ta q'uinal ta ora to, tey me ayic uuc a te niniveetique. Ja' me ya yalbeyic ta jamal te smulique, melel te niniveetique la sujt'es yo'tanic yu'un smulic te c'alal la xchol sc'op Dios te Jonase. Yan ta ora to li' ay to te mach'a cajal yu'un te Jonase.

San Lucas 11:30

Melel te Jonase, ja' seña c'ot ta stojol te niniveetique. Ja' nanix jich te Nich'anile, ja' seña c'oem ta stojolic uuc te ants-winiquetic te cuxulic ta q'uinal ta ora to.

San Lucas 11:32

Ja' nix jich uuc te niniveetique. Ya me stejc'an sbaic ta yalbeyel smulic te jayeb mach'a cuxulic ta q'uinal ta ora to, te melel te niniveetique la sujt'es yo'tanic yu'un smulic te c'alal albot yaiyic yu'un Jonás te bila yaloj te Diose. Yan te mach'a li' ay to, ja' cajal yu'un te Jonase.

Isaías 30:18

Ja'uc me to, te Cajwaltic ya smaliyex, yu'un ya sna'beyex yo'bolil abaic; mero toyol yo'tan te ya yac'beyex awilic te xc'uxul yo'tane, melel te Cajwaltic ja' Dios te toj yo'tan ta chajbanwaneje. Bin nax me yutsil q'uinal ya yaiyic spisilic te mach'atic ya smaliyic te Cajwaltique.

Jeremías 42:10

“Teme jich awo'tanic te li' ya xjilex ta lumq'uinal to, ya me cac' esmajuquex; ma ba ya jinexix, tulan ya jts'unex, ma ba ya jbulex xan. Ya jmel co'tan yu'un te bila amen la jticunbeyex ta atojolique.