Joel 3:8 - Bible in Tzeltal de Oxchuc y Tenejapa

⁸ Ya me jchonbey judioetic te aquerem-nich'nabic soc te awantsil-nich'nabic, swenta yu'un ya xchonbeyic bael sabeo-winiquetic te c'ubul slumalique. Jo'on Ajwalilon, yacon ta yalel —xi' te Cajwaltique.

Bible in Tzeltal Bachajón

⁸ Ya jchombeyic te mach'atic yu'un Judá te aquerem-nich'nabic soc te awantsil-nich'nabic, ha ya schombeyic bahel te sabeohetic te namal slumalic; como hich yaloj te Jehová.

Joel 3:8 Iomraidhean Croise

Job 1:15

ora nax c'otic te sabeoetic, la yelc'anic bael te chambalametic, la smilic jilel ta puñal te winiquetique. Jo'on xanix colon jilel te tal calbat awaiye —xi'.

Salmos 72:10

Ac'a yich'ic tel majt'aniletic te muc' ajwaliletic yu'un Tarsis, soc yu'un te q'uinaletic joytaybilic ta ja', soc nix te muc' ajwaliletic yu'un Sabá soc Seba, soc ac'a stoj spatanic ta stojol te muc' ajwalile.

Isaías 60:14

Te snich'nab te mach'atic la stenex ta uts'inele, ya me xtalic ta bic'tajel ta atojol; soc spisil mach'atic la yilayat ta yo'tanic, ya me xtal squejan sbaic ta awacan. Ya me yalbeyex: “Lum yu'un te Cajwaltique”, xi' me ac'oplal, soc: “Sión yu'un te Ch'ul Dios yu'un Israel”, xiic me.

Jeremías 30:16

Ja'uc me to, spisil te mach'a la sbic'at c'oeme, ya xbic'ot uuc; soc spisil acontrotac ya me xbajt'ic ta mosoil ta yan q'uinal. Ya me cac' ya yich' pojel te mach'atic la spojbat abiluque; soc ac'a yich'ic elc'anel te mach'atic la yelc'anate.

Jeremías 6:20

Te ja'exe, ¿bistuc ya awich'bonic tel pom ta Sabá, soc te te'etic te bujts'anic yic' ta bay c'ubul lumq'uinaletic? Te jo'one ma lecuc co'tan yu'un te scojt'ol chic'bil majt'anil awu'une, ni yantic milbil majt'anil awu'un —xi' te Cajwaltique.

Ezequiel 23:42

Chicnaj ta aiyel bayal awetic, ja' yawic te jpas-q'uinetic, ja' te winiquetic talemic ta jochol taquin q'uinal. Ja'ic te ya xch'alic te antsetique. Te antsetic ya xojbeyic xch'alil ta sc'abic, soc ya yac'beyic buen t'ujbil scorona ta sjolic.

Ezequiel 38:13

“Te Yajwal Sabá soc Dedán, soc te jchonbajeletic ta Tarsis soc te yantic lumetique, ya me sjojc'obat: “¿Talat bal ta elec'? ¿Ja' bal la atsob soldadoetic awu'un, yu'un te ya apoj te biluquetique, soc ya awu'unin te plata soc te oro, chambalametic soc yantic biluquetic, te jich ya awich' bael bayal c'ulejaliletic awu'une?” xiic me ta atojol —xi' te Cajwaltique.

Deuteronomio 32:30

¿Bi yu'un te jtul nax mach'a la yac' anuc jmil ta jtule? ¿Bi swentail te cheb nax la sticun ta anel lajunmil ta jtul? Ja' nax yu'un te Cajwaltic, te ja' Jcanantaywanej yu'unic, la sc'an la yac'bey ta sc'ab yu'un te controe.

Jueces 2:14

Ja' swentail te ilin Cajwaltic ta stojol Israel. Jich la yac' taluc j'eleq'uetic te tal spojbeyic te bitic ay yu'unique. Te scontroic te ayic ta sjoyobal, tsalotic yu'un, xujt' ma ju' yu'unic te ya stsal sbaic soque.

Jueces 4:2

Jich yu'un te Cajwaltic la yac'bey ta sc'ab Jabín, ajwalil-cananeo ay ta lum Hazor. Te mach'a ay ta jtsobwanej ta swenta te soldadoetic yu'un Jabín, Sísara sbiil, nainem ta Haroset-goim.

Jueces 4:9

La yal te Débora: —Yacuc, ya joinat bael. Ja'uc me to, te bi yutsilal ya xc'ot ta pasel te ya ajache ma me ja'ucat awu'un stuquel, melel te Sísara ya x'ac'ot ta sc'ab jtul ants yu'un te Cajwaltique —xi'. Jich yu'un te Débora bajt' soc Barac ta Cedes.