Joel 3:16 - Bible in Tzeltal de Oxchuc y Tenejapa

¹⁶ Te Cajwaltic ya yac' ta aiyel sc'op, jich me sc'op te bit'il ya xt'om chawuc. Ya me xc'opoj tel c'alal ta wits Sión, ta Jerusalén; ya me stij sba te ch'ulchan soc ya me stij sba te lumq'uinale. Pero te Cajwaltic ja' me anjibal jcoltaywanej yu'un israeletic, melel ja'ic te lum yu'un stuquele.

Bible in Tzeltal Bachajón

¹⁶ Ya x'awon te Jehová c'alal Sión, ya yac' ta a'iyel sc'op c'alal Jerusalén, ya xnihc te ch'ulchan soc te lumq'uinale; pero te Jehová ha ahnibal yu'un te pueblo yu'un, ha toyol ts'ahc yu'un ahnibal yu'un te snich'nab Israel.

Joel 3:16 Iomraidhean Croise

Salmos 18:2

Ja'at Cajwal, jcanantaywanejat, anjibalat cu'un, ja'at la awac'on ta libre atuquel. Diosat cu'un, ja'at nac'jibal tonat, ja' majq'uilat, Cajwal, ya acoltayon ta awu'el. Mero toyol nac'jibalat cu'un.

Salmos 29:11

Te Cajwaltic ya yac'bey yip te lum yu'une; te Cajwaltic ya yac'bey bendición ta swenta lamal q'uinal te lum yu'une.

Salmos 61:3

melel ja'at te anjibalat cu'une. Jichat bit'il buen tulan toyol ts'ajc' te ya scoltayon ta sc'ab te jcontroe.

Proverbios 18:10

Muc' sc'oplal te Cajwaltic, jich te bit'il toyol ts'ajc'; te mach'atic toj yo'tanic ya me xbajt'ic ta stojol ta sleel canantayel.

Isaías 33:16

ja' me ya xcuxin ta melel stuquel. Ay me yanjib ta tulanil tonetic c'oem, xujt' ma me xch'ay swe'el soc te ja' ya yuch', ma me ayuc falta yu'un.

Isaías 33:21

Tey me ya yac' ta ilel yutsilal a te Cajwaltic ta jtojoltique. Ja' me yawil ja'etic te tulan ya x'oquinic, te mero muc' sjamalule; ja'uc me to, ma ba ya yochintay te jcontroinwanejetique, ma ba ya x'och soc sbarcoic te ay stijibal yu'unique, ja' te muc'ul barcoetic te tulanic ta jyalele.

Isaías 42:13

Te Cajwaltic ya me xloc' tel jichuc jtul winic te ay yipe; ya me yac' puersa ta yaq'uel guerra jichuc jtul soldado. Ya me stoyes sc'op, ya me x'awun yu'un guerra; soc ya me stsal te scontrotaque.

Isaías 51:16

La jlim bael te ch'ulchan soc la cac'bey yiptajib te balumilale. Jo'on la cac'bat ta awe te jc'ope, soc la jcanantayat ta yaxinal te jc'abe. La calbey te Sión: “Ja'at lumat cu'un”, la cut —xi' te Cajwaltique.

Jeremías 16:19

Cajwal, yipat co'tan soc jcanantaywanejat cu'un, ja' anjibalat cu'un ta ora nax yu'un te bila xiweltic sba te ya xtal ta jtojole. Ya me xtal ta atojol te nacionetique, ya xtalic ta sti'il balumilal, jich me ya yalbat: —Ja' nax lotil diosetic te la yu'uninic te jme'-jtatique te ma'yuc yutsil soc ni ma'yuc yu'el.

Jeremías 17:17

Ma me x'ac'atp'un aba ta jxiwteswanej ta jtojol, melel ja'at anjibalat cu'un c'alal ya xtal te bila amene.

Ezequiel 38:19

Ta swenta bit'il ya xtil te quilimba, ya me cal ta jamal te ay me buen tulan nijq'uel ta Israel te bi ora ya xc'ot sc'aalelale.

Oseas 11:10

Ja'ic me ya st'unic te Cajwaltic, te ya x'awun jichuc león-choj. Tulan me ya x'awun, jich te mach'atic ay yu'une yac me ta nijq'uel ya xtalic ta stojol smalib c'aal.

Amós 1:2

Jich la yal: —C'alal ya xchicnaj tel sc'op Cajwaltic jichuc chawuc ta wits Sión, ta Jerusalén, ya sayub te aquiltic soc te sba wits Carmelo —xi'.

Amós 3:8

¿Ay bal mach'a ma xnijc' yo'tan yu'un xiwel, teme awun te león-choje? ¿Ay bal mach'a ma xc'opoj ta j'alwanej teme la yal mandal te Cajwaltique?

Nahúm 1:7

Te Cajwaltic lec yo'tan; anjibal me c'oem ta yorail woclajel. Ya scanantay te mach'atic ja' ya smuc'ulin yo'tanique.

Hageo 2:6

Ma ba jalix bael ya me cac' nijc'uc ch'ulchan soc balumilal, te mar soc te lumq'uinale.

Hageo 2:7

Ya me cac' nijc'uc ta spisilic te nacionetique. Ya me yich'ic tel sc'ulejalic, te templo cu'un ay me bayal yutsil ya xc'ot —xi' te Cajwaltic te Spisil ya xju' yu'une. Soc jich ya yal ta jamal te Cajwaltique:

Zacarías 10:12

Jo'on me ya cac'bey yipic te patil alnich'anetique; ya me x'ochic bael soc yipic ta jwenta. Jo'on Ajwalilon, c'opojonix —xi' te Cajwaltique.

Zacarías 10:6

Te Cajwaltic jich ya yal: —Jo'on me ya cac'bey yipic te patil alnich'anetic yu'un Judá; ya me jcoltay te patil alnich'anetic yu'un José. Ya me jtojtes sujt'el ta slumalic; melel ya jna'bey yo'bolil sbaic. Jich me ya jcha'pas jba te bit'il ma'yuc bi ora jch'ayoje, melel jo'on te Ajwalilon yu'unic, te Dioson yu'unic, te ya quich'bey ta wenta te sc'opic ta jtojole.

Zacarías 9:12

Jchuqueletic, te ay ta awo'tanic te ya sujt'ex baele, cha'sujt'anic xan me bael ta awanjibic. Te ja'ex te bayal c'ax awocolic, ya calbeyex te cheb buelta bendición ya cac'beyex.

Hebreos 12:26

Te c'alal c'opoj ta balumilal ta namey te Diose, nijc' balumilal yu'un te sc'ope. Ja'uc me to, jich ya yalbotic ta ora to: “Jun xan buelta ya jnic' te balumilale. Ja'uc me to, ma stuqueluc nax, soc uuc te ch'ulchane”, te xie.

Apocalipsis 11:13

Ora nax a tal tulan nijq'uel. Jin xejt' ta slajunxejt'el te muc'ul lume, soc jucmil (7,000) ta jtul ants-winiquetic laj yu'un te tulan nijq'uele. Jich te ants-winiquetic te cuxulic jilele, och xiwel ta yo'tanic yu'un. Caj yalbeyic yutsilal te Dios te ay ta ch'ulchane.

Apocalipsis 11:19

Jich jam te templo yu'un Dios te ay ta ch'ulchane. Tey la quil a te xcaxail te trato te ay ta yutil te temploe. Soc chicnaj jajch'el tsantsewal soc ay bila yac ta bul ta c'op la caiy soc tal tulan chawuc, soc tulan nijq'uel, soc tal tulan bat.

Apocalipsis 16:18

Jich xlemlajan nax jajch'el tsantsewal, soc ay bila bayal yac ta bul sc'op, soc tal tulan chawuc, soc nijc' te balumilale. C'ax jich nicot te bit'il yantic nijq'uel c'axemix tel te jayeb c'aal ayiquix tel ta balumilal te ants-winiquetique.

1 Samuel 15:29

Melel te Diose, te ja' yutsilal te Israel, ma sna' lot soc ma patiluc ya sut sc'op. Melel ma pajaluc soc mach'auc nax winiquil te patil ya sut sc'ope —xi'.