Joel 3:12 - Bible in Tzeltal de Oxchuc y Tenejapa

¹² Ac'a me stij sbaic te nacionetic, ac'a ochuc bael ta stenlej xatal q'uinal yu'un Josafat. Tey me ya yaiy chajbanwanej a te Cajwaltique, ya xchajban ta spisil te nacionetic te patxujc' ayique.

Bible in Tzeltal Bachajón

¹² Ac'a stij sbahic te nacionetic, ac'a mohuquic bahel ta spamlej yu'un Josafat, como tey ya juhcan jba ta schahpanel a spisil te nacionetic ta sjoyobal.

Joel 3:12 Iomraidhean Croise

2 Crónicas 20:26

Ta xchanebal c'aal la stsob sbaic ta stenlej xatal q'uinal Beraca, tey la yalbeyic yutsil sc'oplal a te Cajwaltique. Ja' swentail te la yac'beyic sbiilin stenlej xatal q'uinal Beraca, jich sbiilinej ta ora to.

Salmos 7:6

¡Jajch'an Cajwal, ac'a tiluc awilimba! Nujp'usitaya aba soc yilimba te jcontrotaque. Te ja'ate chapal awu'un te ya awaiy chajbanwaneje, ja'at xacoltayon.

Salmos 96:13

ta stojol te Cajwaltic te ya xtale. Yac, ya me xtal mandalajuc ta balumilal; ya xmandalaj ta stojol te lumetic ta q'uinal. Toj te mandaltesel yu'un soc puro ta smelelil.

Salmos 98:9

ta stojol te Cajwaltic. Melel ya xtal ta mandalteswanej ta spamal balumilal; ya xmandalaj ta swenta stojil-o'tanil, soc mero pajal ya xc'uxtaywan.

Isaías 2:4

Te Cajwaltic ya xchajbanbey te c'op jajch'em yu'un te nacionetique, tsobol me lumetic ya yac'bey snop te ya xcom ta guerra. Ya me sc'atp'unic ta sjoc'jibal lum te spuñalique, te slanzaic ya me sc'atp'unic ta set'jibal trigo. Ni jpamuc lum ya stsac xan spuñal ta smilel yan, ni ma'yuquix mach'a ya yich' p'ijubtesel ta guerra.

Isaías 22:1

J'alwanej c'op ta swenta stenlej xatal q'uinal te banti ay bila ay ta ilele: ¿Bi ya apas te apisilic ya xmoex ta yamac'ul ta sba naetique?

Isaías 3:13

Te Cajwaltic chapalix yu'un te ya yich' ta c'op, chapalix yu'un te ya yac'bey castigo te lum yu'une.

Ezequiel 30:3

nopolixe, ya xnoptsajix te sc'aalelal te Cajwaltique. Ya me xtal jich bit'il ijc'al tocal. Te c'aal yu'une, ya me yac' tulan xiwel ta stojol nacionetic.

Ezequiel 39:11

“Ta c'aal in to ya me cac'bey yawil smuquenal Gog ta Israel. Tey me ya cac'bey smuquenal ta Spamlej yu'un Jbeel-jloq'ueletic, te snujp'usitayej sba soc Mar Muerto. Ja' in to ma me xju' c'axel tey a, yu'un tey me ya smuquic a te Gog soc te soldadoetic yu'une. Spamlej soldadoetic yu'un Gog sbiil ya xc'ot yu'unic.

Joel 3:14

Mero bayalix mach'atic ayic ta stenlej xatal q'uinal yu'un Chajbanel, melel nopolix yorail te sc'aalelal te Cajwaltique.

Joel 3:2

Ya jtsob spisil te nacionetic, ya me quic' bael ta stenlej xatal q'uinal yu'un Josafat. Tey me ya xc'o cac'bey stojic a te bila la spasbeyic te lum Israel cu'une. Melel la spucbonic bael ta swolol balumilal te israeletic, soc la spucbey sbaic te jlum-jq'uinale.

Miqueas 4:3

Te Cajwaltic ya me xchajban te nacionetic, soc ya me yal stuquel te bila lec ya spasic te lumetic te bayal ta jchajbe, soc me te lumetic c'ubul ayique. Te spuñalic ya sc'atp'unic ta sjoc'jibal lum; soc te slanzaique ya sc'atp'unic ta set'jibal trigo. Ma me ayuc jchajbuc lum ya stsac yat'ejib ta yac'beyel sba guerra soc yan lum; ni ma me ayuquix p'ijubtesel yu'un guerra.

Zacarías 14:4

Te c'alal ya sta sc'aalelal te Cajwaltic ya me stec' ta yacan te wits yu'un Olivoiltic, snujp'usitayej sba soc Jerusalén ta stojol sloq'uib c'aale. Ya me sjep ta olil te wits yu'un Olivoiltic, jun muc'ul suclej te ya xbajt' ta stojol sloq'uib c'aal soc ta stojol smalib c'aal, cheb me witsetic ya xc'otix a. Te olil wits ya me xbajt' ta stojol norte, te yan olil xane ya me xbajt' ta stojol sur.

Apocalipsis 19:11

Soc la quil jamal te ch'ulchane. Chicnaj cojt' saquil caballo. Te mach'a cajal ta spate “Jun yo'tan”, soc “Smelelil”, xi' te sbiile. Yu'un toj ya yaiy chajbanwanej soc toj ya yaiy tsalaw.