Joel 3:10 - Bible in Tzeltal de Oxchuc y Tenejapa

¹⁰ Ac'a spasic ta puñal te yasadonic; te hoz, ac'a spasic ta lanza. “Jo'on mero bayal quip”, xiuc me te mach'a ma'yuc yipe.

Bible in Tzeltal Bachajón

¹⁰ Pasahic ta espada te asadonetic awu'unic, pasahic ta lanza te hocetic awu'unique; hich ac'a yal te mach'a mayuc yip: Ho'on bayel quip, xchihuc.

Joel 3:10 Iomraidhean Croise

2 Crónicas 25:8

Teme ya acuy te jich ay yipic te soldadoetic awu'une te ya scoltayex ta guerra, te Dios ya me yac' xyalat ta sit te acontroe, melel te Diose ay yu'el yu'un scoltaybelat soc ay yu'el yu'un sjinbelat —xi' te j'alwaneje.

Isaías 2:4

Te Cajwaltic ya xchajbanbey te c'op jajch'em yu'un te nacionetique, tsobol me lumetic ya yac'bey snop te ya xcom ta guerra. Ya me sc'atp'unic ta sjoc'jibal lum te spuñalique, te slanzaic ya me sc'atp'unic ta set'jibal trigo. Ni jpamuc lum ya stsac xan spuñal ta smilel yan, ni ma'yuquix mach'a ya yich' p'ijubtesel ta guerra.

Jeremías 51:11

Te Cajwaltic ya sc'an sjin te Babilonia, soc la stijbeyix yo'tanic muc' ajwaliletic ta Media, jich nix ay ta yo'tanic. Ja'ix te spacol yu'un Cajwaltic te bila la spasbey te templo yu'une. Chajbanaic te yat'ejibal at'imique, soc chuca me ta ac'abic te amajq'uilique.

Miqueas 4:3

Te Cajwaltic ya me xchajban te nacionetic, soc ya me yal stuquel te bila lec ya spasic te lumetic te bayal ta jchajbe, soc me te lumetic c'ubul ayique. Te spuñalic ya sc'atp'unic ta sjoc'jibal lum; soc te slanzaique ya sc'atp'unic ta set'jibal trigo. Ma me ayuc jchajbuc lum ya stsac yat'ejib ta yac'beyel sba guerra soc yan lum; ni ma me ayuquix p'ijubtesel yu'un guerra.

Zacarías 12:8

Jo'on Ajwalilon, ya me jcanantay te mach'atic nainemic ta Jerusalén. Te jayeb mach'atic ma'yuc yipic, mero bayal me yipic ya xc'otic, jich me yip ya xc'otic te bit'il muc' ajwalil David. Te patil alnich'anetic yu'un David jichic me te bit'il Dios, jich te bit'il ch'ul abat yu'un Cajwaltic, te neel ay ta beel yu'unique.

San Lucas 13:12

Te Jesús la yil soc la yic' tel ta stojol. Jich la yalbey: —Me'tic, libre ayatix yu'un te achamele —xi'.

San Lucas 22:36

La yal te Jesuse: —Yan ta ora to, teme ay ataq'uinique, ich'aic bael, soc uuc teme ay abolsaique. Te mach'a ma'yuc spuñal, ac'a xchon te sc'u'e, ac'a sman spuñal a.