Jeremías 9:3 - Bible in Tzeltal de Oxchuc y Tenejapa

³ Ja' mero chapalic yu'un yalel te lotetique, jich c'oem te bit'il ya st'imuyiquix bael t'im. Ta bay lum tey yac ta at'el a te lote, ma ja'uc te smelelile; yan yan ta bats'ejel bael te bila amene. Ja' nix tulan la yalix stuquel te Cajwaltique: —Ma ba ya ac'anic te ya ana'bonic jbae —xi'.

Bible in Tzeltal Bachajón

³ Chapal yu'unic yalel lot hich te bin ut'il t'ihmalte'; ha ya ya'iy tsalaw te lot ta q'uinal, ma ha'uc te smelelile; yac ta p'ohlel yu'unic te bin chopole. Ma sna'bonic jba, xchi te Jehová.

Jeremías 9:3 Iomraidhean Croise

Génesis 39:16

Jich yu'un la sq'uejbey te sc'u'e, ja' to c'alal jul tel te smamlale.

Proverbios 12:5

Te mach'a toj yo'tan, ja' ya snop te bitic toj ta pasele; yan te mach'a amen yo'tane, ja' nax ay ta yo'tan lo'laywanej.

Isaías 1:3

Te j'at'el-wacaxe ya sna'bey sba te yajwale, te burro ya sna'bey sba te yawil swe'el yu'un yajwale. Yan te Israel te lum cu'une, ma sna'bonic jba, ni ma'yuc bi ya sna'ic —xi'.

Isaías 3:5

Ja' me ta scajic te jich ya xc'ot te lume: Ya xjajch'ic ta guerra, manchuc me mero sjoy sbaic. Te ach'ix-queremetic ya me sjajch'ic ta yilbeyel yo'tanic te me'el-mamaletique; te mach'atic peq'uelic ja' me ya yilbeyic yo'tanic te mach'atic muc' sc'oplalique.

Isaías 6:5

La cal ta co'tan: “¡Obol jba, ya xlajon! La quilix soc jsit te Muc' Ajwalil, ja' te Cajwaltic te Spisil ya xju' yu'une, te jo'one ma ba lecon ta winiquil soc que, soc nainemon ta yolil te lum te boloben yeique”, xoon.

Isaías 9:18

Melel te mulile, ja' ya xjinawan jich bit'il tojc'al te ora ya xlaj ta c'ajq'uel a te ch'ixetic soc te pimil wanc'altique, soc ora ya xchic' te te'etic ta ja'male, te ya xjajch'ic bael ta wilesel yu'un te iq'uetique, te sutu-ic' ta yolil te ch'aile.

Jeremías 12:6

Asta te mero awermanotaque, te jun ana soque, ya yac'at ta c'abal, soc ya yawtayat ta ixta c'op ta apat. Ma xawac' smuc'ul awo'tan yu'unic, manchuc teme lec nax sc'op te ya sc'oponate.

Jeremías 22:16

C'opoj yu'un te bila ay ta swenta te me'baetic soc te tenbilic ta uts'inele, jich lec a c'ot ta loq'uel. Jich ya yac' ta na'el te mach'a ya sna'bon jbae. Jo'on Ajwalilon, jich ya cal.

Jeremías 31:34

Ma'yuquix mach'a ya xp'ijubtesot yu'un sjo'tac ni spat-xujc' ta swenta sna'belonic jba, melel spisilic me, bay muc'-biq'uit, ya me sna'bonic jba. Ya jpasbey perdón te bila amen spasoje, soc ma ba ya jna'bey xan te smulique. Jo'on Ajwalilon, jich ya cal —xi' te Cajwaltique.

Jeremías 4:22

Te Cajwaltic jich ya yal: —Te lum cu'une ma sna' q'uinal, ma sna'bon jba. Nich'aniletic te jich nax ayic ta q'uinal, ma xc'opoj yo'tanic jtebuc. Ja' nax ay sp'ijilic ta spasel te bila amene, ma ja'uc ya sna'ic spasel te bila leque —xi' te Cajwaltique.

Jeremías 5:4

La cal ta co'tan: “Ja' nax te me'baetic te amen ta jyalel te yat'elique, melel ma sna'ic stuquelic te bila ya sc'an yo'tan te Cajwaltique, te bila mandal yu'un te Diose.

Jeremías 5:5

Jich yu'un ya me xba jc'opon te ants-winiquetic te muc' sc'oplalique. Ja'ic wan te ma ba wocol ya sna'ic te bila ya sc'an yo'tan te Cajwaltique, te bila mandal yu'un Dios”, xoon yu'un. Ja'uc me to, ni me'baetic, ni ja'uc te mach'atic muc' sc'oplalic, spisil la stoy sbaic ta stojol te Diose, ma la sc'an la xch'uunbeyic te sc'ope.

Jeremías 6:28

Cajwal, ta spisilic mero toybaetic ta jyalel; bayal ya xjelawic ta c'op, soc jowejem sjolic; pajal soc bronce soc tulanil taq'uinetic.

Jeremías 7:26

Ja'uc me to, ma la ach'uunbonic jc'op, ni la awich'bonic ta muc', amen la awac' aba soc awo'tanic, c'ax jich te bit'il la yac' sbaic te antiguo ame'-atatique —xi'.

Jeremías 9:5

Juju-jtul ya jlaban jbatic soc yan, soc ma'yuc mach'a ya yal te bila smelelile. C'aemotiquix ta yalel lot; c'ax amenotic, ma xju' cu'untic sjelel co'tantic, xoon yu'un.

Jeremías 9:8

Te yeique, jich bit'il yat'ejibal t'im c'oem yu'un lajel; yacalic ta yalel lo'laywanej ta c'op. Lec nax ya spatbey sbaic yo'tanic yilel soc sjo'tac, pero ta smelelil ja' nax yac xchajbanbel spejts'ul c'oem.

Ezequiel 8:13

Soc la yalbon xan: —Ya to me awil xan yantic te bila mero ilaybil sba ta pasel yu'unic —xi'.

Daniel 11:27

Te muc' ajwaliletic ta xchebalic, ja' xanix ya xbajt' ta yo'tanic sna'el bi ya yut ya yac'bey sba swocolic. Ya me xnajc'ajic ta we'el ta jun nax mesa, talel c'axel me ya slo'lay sbaic. Pero ma me ayuc mach'a ya xc'ot ta pasel yu'un jtuluc te bila ya snop ta yo'tanique, melel ma to ba staoj yorail te ya xc'ot ta pasele.

Levítico 19:11

“Ma me x'awaiyic elec'. Ma me xapas abaic ta lot, soc ma me talel c'axeluc xalo'lay abaic.

San Marcos 8:38

Teme ya xq'uexawex cu'une soc teme ya xq'uexawex yu'un te jc'op ta stojol te mach'atic ayic ta q'uinal ta ora to te ma junuc yo'tanic ta stojol Dios soc te c'aemic ta mulile, ja' nix jich ya me xq'uexaw awu'unic uuc te Nich'anile, te c'alal ya xtal soc yutsilal te State soc te ch'ul abatetic yu'une —xi' te Jesuse.

San Juan 17:3

Ja' ay xcuxlejalic sbajt'el q'uinal yu'un te ya sna'bat aba ja'at te jip jtul mero Diosate, soc te ya sna'beyic sba uuc te Jesucristo te la aticun tele.

Hechos 24:9

Te judioetic te talemique la yalic uuc te jich nix a te smule.

Romanos 1:16

Melel ma xq'uexawon yu'un te lec yach'il c'ope. Melel ja' ay yu'el yu'un te Diose, swenta yu'un jich ya xcolic spisil te mach'atic ya xch'uunique. Ja' neel te judioetique, soc uuc te jyanlumetique.

Romanos 1:28

In te bit'il ma la sc'an sna'beyic sba ta melel te Diose, jich ijq'uitayotic yu'un Dios. Jich jowejic ta jyalel, ja' la spasic te bila ma jichuc ya sc'an pasele.

Romanos 3:13

Lomen muquenal ch'en te yeique; te yaquique, ya xlo'laywanic a. Svenenoil jti'awal chan te ay ta yeique.

1 Corintios 15:34

Wiq'uiluc me asitic jiche. Ma me xale amulic. Melel ay cha'oxtulex te ma ba ana'ojbeyic sba te Diose. Jich ya calbeyex swenta yu'un jich me ya xq'uexawex a.

Filipenses 1:28

Xujt' ma me x'axi'ic te mach'a ya scontrainexe. Ja' seña ya yilic te ch'ayel ya xbajt'ique; soc ja' seña ya awilic uuc te ja'ex te ya xcolex atuquelique, yu'un jich nix yaloj te Diose.

2 Timoteo 3:13

Yan te mach'atic amen yat'elic soc te jlo'laywanejetique, yanyanic ta bolobel stuquelic. Yaquic ta lo'laywanej soc yaquic ta lo'layel uuc.

Judas 1:3

Quermanotac te c'uxex ta co'tane, ay ta co'tan te ya jts'ibubeyex ta carta te bit'il ay sc'oplal te jcoleltic te pajal ay ta jwentatique, Ja'uc me to, la jnop te ja' lec ya jts'ibubeyex carta ta ora naxe. Yu'un ya jtac'uyex te ya me xc'opojex yu'un te xch'uunjel awo'tanic te jc'axel awac'ojiquix ta stojol Dios soc spisil te mach'atic ch'ul lum yu'un te Diose.

Apocalipsis 12:11

Te quermanotactique la stsaliquix ta swenta xch'ich'el te Alalchije soc ta swenta te sc'op Dios te la stejc'an sbaic ta testigo yu'une. Melel ma la xc'uxtay sbaic soc te xcuxlejalique. Jun nax yo'tanic la yac' sbaic ta lajel yu'un.

Jueces 14:17

Ja'uc me to, oc' ta sts'eel jujun c'aal, c'axem to xan la swulilay. Jich yu'un, ta sjuquebal c'aal la yalbey swentail. Te ants ba yac'bey sna' stojol te slumale.

Jueces 2:10

Lajic ta spisil te israeletic te ayiquix ta q'uinal a te c'alal cuxul to a te Josué. Ja' yu'un te mach'atic ayinic xan ta patil, ma la sna'beyiquix sba te Cajwaltic, soc spisil te bitic la spas ta xc'uxtayel te Israele.

1 Samuel 2:12

Te snich'nab Elí mero amen yo'tanic, ma ba la yich'ic ta muc' te Cajwaltique,